Romapụ 6:11 - Ibani New Testament

¹¹ Anị gbẹ́rẹ́ ḅara ma anị sii gboloma sa ọmịnị ọḅụ arịị ḅẹ́ ọ fịịmam, kụ́ma dumafịnị sị Tamuno na mịẹgbólóma nyáná Krais Jizọs ḅụ ḅọ́rọ́.

Romapụ 6:11 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 20:31

Kụ́ma mịná angaá nyẹ nnị anị gịẹm o minini bẹ ḅara ḅẹẹ, Jizọs ori anịị Krais ma Tamuno Tụwọ ḅẹ́ i minini minini ine duma nyánábẹm ori ẹ́rẹ́ ḅụ.

Romapụ 16:27

Boma fịnị ori Tamuno ma ngéré pịrị, nyẹ gonyẹ́ gonyẹ́ ḅụ níminyẹ nyánáḅọ Jizọs Krais ḅụ ḅọ́rọ́ ákị mú ḅẹsá láa. Anị ọkọ fịnịị.

Romapụ 5:1

Mị́sa, minini ḅụ ḅọ́rọ́ n karakárá ibiamịẹnyẹapụ pa wa mịẹmam Tamuno bie, wa Tamuno na diin nyánam wámịna Nyánáḅọ Jizọs Krais ḅụ ḅọ́rọ́.

Romapụ 6:10

Ọ kọ fịị ma, ọ fịị sii pịrịm gbẹ́rẹ́sa ákị mú ḅẹsá ḅẹsá láa, kụ́ma mị́sa ọkọarị duma ma, o duma Tamuno ma pịrịm.

Romapụ 6:13

Ọmịnị ọmịna oju gbẹ́rẹ́ angaá sọ saghị sii pịrịma ḅẹ́ nnị anị pa sii fịrị nwángị. Anịmanakaragha ọmịnị nnị fịị ḅụ ḅọ́rọ́ma duma bie suaapụ, ọmịnị ọ ḅụ pa Tamuno pịrị, ọmịnị ọmịna oju gbọrụ mamgba saghị Tamuno pịrị sị nnị anị pa karakárá ibiamịẹnyẹ fịrịnwangị.

Romapụ 6:2

Ọkọfịnị nyẹ ofori! Wa fịị sii pịrịmam, wa tegósi pa anị bie duma kọ bẹ?

Romapụ 6:23

Fịị anịị sii gbẹfịnyẹ, kụ́ma Tamuno diepịrịnyẹ anịị duma gbámásó wámịna Nyánáḅọ Krais Jizọs bie.

Romapụ 7:4

Anịị anị pịghị ọ nana fịnị ḅara ị́yẹ́ amịnáapụ, anị ólóghó ma gboloma ḅara ḅụ ọmịnị so ọ fịịmam tegó ọmịnị ma anịị Krais ma oju bẹ gbẹ́rẹ́apụ; ọmịnị anị mị́sa n fịị ḅụ saghịma ḅọ ma nyẹẹ wa sọnyẹ sọ bẹ ḅara Tamuno ma fịrịkiri.

Romapụ 7:6

Mị́sa, anị fịnị ḅara, ólóghó ma ḅárabie wa pághámaḅomam, tegó wa fịị parị ịkóli pa wa suanyẹ ma pịrịmam. Anịgosi wamịnị olom asọ ma duagha n gịẹ kóróma ólóghó ma bịpịsụ́ụ́ angaá, kụ́ma wamịnị ịwọ asọ ma duam Tẹ́mẹ́ ma bịpịsụ́ụ́ angaá.

Romapụ 8:18

A arịḅom ḅẹ́ wa mị́sa árịarị tọ́rụ́siarị ma, nnị pa ine toruku n pa wa die bẹ ipine ma na tọ́mábịgha.

1 Kọrịntịapụ 6:20

Ori igbii bịpị pa ọ fẹm, anịgo ọmịna oju ḅụ ọ Tamuno boma.

Ẹ́fịsọsapụ 2:7

Ọ mịma mịẹm pa die ḅẹẹ ḅoarị tuminikiri ma ori ọ nyáná wa pịrị tọ́rụ́kụrụkụ́rụ́ opuma dụḅa láa ḅara ọ pa wa die ḅẹlẹma Krais Jizọs ḅụ ḅọ́rọ́.

Filipaiapụ 1:11

Anịsáa Jizọs Krais ngéré ine pághámaḅoarị karakárá ibiamịẹnyẹ ma anịị ọmịna duma bie bii fụ́fụ́ ḅẹnyẹ, mịma ọ́ pa Tamuno boma pịghị o túminị́.

Filipaiapụ 4:7

Anịsáa Tamuno ma diin, opuma tumḅọ akanyaḅo nẹ́ngị nyẹ warị Krais Jizọs ḅụ ị́yẹ́ tẹ́mẹ́bie na ikúkúbie koko warịbẹm.

Kolosiapụ 2:20

Ḅọ́rọ́ ọmịnị Krais na fịịm, si dụapaghama nyáná tuminikiri táarị tẹ́mẹ́ ma ḅụ, o tegósi duma kọarị sọ́ḅọ́rọ́ ọmịnị pa tuminikiri bẹapụ, o tegó mini si mịná ologho ma ọ ḅụ kụ́rọ nyáná?

Kolosiapụ 3:17

Ọ mịẹnyẹ gonyẹ́ gonyẹ́, ḅọ́rọ́ ẹ́gẹ́rẹ́ ḅụ anịgha mịẹnyẹ ḅụ, nyẹ gonyẹ́ gonyẹ́ mịẹ Kị́nị́nyánáḅọ Jizọs ẹrẹ ḅụ, ịmịẹḅam pa Tamuno Daḅọ ma pịrịarị ori ẹrẹ ḅụ ḅọ́rọ́.

1 Pita 2:24

Krais o ḅụgbọrụ wámịna sii ma dighiákịm ori oju mgbẹsẹ sị́ ma ọgọnọ, si wa fịị́ siiamịẹnyẹ pịrị, sị duma karakárányẹ ma pịrị, ori oju kii ḅụ ḅọ́rọ́ anị ọ ḅụ gwọọ nyanamaá nyẹ.

1 Pita 2:5

Mị́sa ọ fịnị ḅara sọ́ḅọ́rọ́ dumafịnị dapịrị nnị pa tẹ́mẹ́ju warị námáarị nyẹ. Ọmịnị sọ pịghị tọ́ntọ́ igwagwaapụ, Jizọs Krais ḅárásua ḅụ ḅọ́rọ́ ọ Tamuno ḅẹ́lẹ́maarị igwaa gwaabẹm.

1 Pita 4:11

Ẹ́gẹ́rẹ́ dugho wásaámaarịḅọ gonyẹ́ gonyẹ́ Tamuno ẹ́gẹ́rẹ́ ma dugho wásámáa, fịrịnwangịapụ Tamuno pa n pịrị ịnyọ mamgba pa fịrịnwangị, sị nyẹ́ gonyẹ́ gonyẹ́ ḅụ túmíní fịnị Tamuno pịrịbẹ ḅara Jizọs Krais ḅụ ḅọ́rọ́. Ipine na kụ́rọ na fịnị pịrịḅọ mú ḅẹsá ḅẹsá la. Anị ọkọ fịnị.