Romapụ 5:9 - Ibani New Testament

⁹ Ori ọrẹ ọmbịnyẹ́ pa karakárá ibiamịẹnyẹapụ pa wa mịẹmam Tamuno fịnịngaa, mịẹ nẹ́ngị nyẹ, ọ wa duaḅọ́rọ́mabẹm Tamuno ma igani ḅụ!

Romapụ 5:9 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 5:24

<

Romapụ 1:18

Tamuno sobie bieoḅu túminị́ pịrịarị n mịẹrị sii gosi, n pịghị kuu pa ọ pịrịgha ḅara n pịghị nna sii pa Tamuno ma karakárá gbẹarị ḅara.

Romapụ 5:1

Mị́sa, minini ḅụ ḅọ́rọ́ n karakárá ibiamịẹnyẹapụ pa wa mịẹmam Tamuno bie, wa Tamuno na diin nyánam wámịna Nyánáḅọ Jizọs Krais ḅụ ḅọ́rọ́.

Romapụ 5:10

Wamịnị áyá sa Tamuno iruonaapụ, kụ́ma ori oyẹ nángwọ́apụ pa wa mịẹm ọ Tụ́wọ ma fịị ḅụ ḅọ́rọ́. Mị́sa wa Tamuno nángwọ́apụ sọmaa ḅara ma, tẹ́ pịghị kọọ Krais ori duma pa wa duaḅọ́rọ́mabẹm.

Romapụ 8:1

Anịgo Krais Jizọs na gbẹ́rẹ́ ḅụ ḅụ fịnịapụ ma, ḅẹ́rẹ́ mịnị nna ḅárasigha.

Romapụ 8:30

Anịgo Tamuno fófóoma wárịapụ, ori na nnị na ọ pịghị ori ipine ma pa n ḅụ sarám.

Ẹ́fịsọsapụ 2:13

Kuma mị́sa, ọmịnị Krais Jizọs na gbẹ́rẹ́nyẹ mịẹ ḅụ ọmịnị parị ḅọlọ angaá fịnịapụ nnị ọmịnị akuoo kikiamamam Krais ọmbịnyẹ́ ḅụ ḅọ́rọ́.

Ẹ́fịsọsapụ 2:3

Wamịnị mamgba nnị kị́kám, sị wámịna duma kọọ ojumẹnị tarịarịnyẹ ḅụ na pighi wámịna kóróma na wámịna ojumẹnị dọghụnyẹ mịẹ. Wámịna siiamịẹnyẹ ojumẹnị ma fịnị ḅara ma, n tọ ḅọ́rọ́mam ḅẹ́ Tamuno igani wa láabẹm anịị anị pịghị fịnị kị́nị́mamgba pịrị ḅara.

1 Tẹsalonaikaapụ 1:10

pịghị ọ Tụ́wọ kúru o sobie saghị ḅo ọ Tụwọ Jizọs, ọ fịị ḅụ sághị ḅo sị pịghị wámịna dụaḅọ́rọ́ma ḅo, ḅoarị Tamuno igani ma ḅụ.

Hiburuapụ 9:14

Mịma karakárányẹ sáá, Krais pulo mịma nẹ́ngịma nyẹ́ mịẹbịgha? Ori gbámásó Tẹ́mẹ́ ma ḅụ ḅọ́rọ́ ọrẹ oju pa kpain agbā mịẹ Tamuno pịrịm. Ọrẹ pulo wa sịrịbẹm ofori ofori mịẹmịẹnyẹ, ḅụ sị wamịnị ine dumafịnị Tamuno ma tẹ́ghẹ̄ bẹ ḅara.

Hiburuapụ 9:22

Karakáráma, ólóghó ma dua, nyẹ gonyẹ́ gonyẹ́ ọmbịnyẹ́ anị n pa anị siri fịafịamarịnyẹ, nnị ọmbịnyẹ́ osugha osugha tumḅọ ine siiḅụḅarasi nyánábịgha.

1 Jọn 1:7

Kụ́ma wa ḅọ́rọ́ baá ma bie asọ nwángị, ori ma sọ baá ma bie fịnị ḅara, anịsáa wa jụghọ jụghọ na mịẹgbólóma nyánam, ọ Tụwọ Jizọs Krais ọmbịnyẹ́ sii gonyẹ́ gonyẹ́ ḅụ wa sịrịsịarị.