Romapụ 5:21 - Ibani New Testament

²¹ kunema, sii fịị kụ́rọ pa túminị́ taa ḅara ma, anị gbẹ́rẹ́ ḅara ma Tamuno ma tọ́rụ́kụrụkụ́rụ́ ma taám, karakárá ibiamịẹnyẹ ḅụ, sị wamịnị akuoo duma gbámásó bie suu wámịna Nyánáḅọ Jizọs Krais ḅụ ḅọ́rọ́.

Romapụ 5:21 ပူးပေါင်းရင်းမြစ်များ

Matiu 25:46

<>

Ibi Oku Ma Jọn Anị Gịẹ Ḅara 1:14

Ẹ́gẹ́rẹ́ ma ḅo tumḅọ sọm sị wamịnị na ngaa. Wamịnị ori ipine árịmam, Daḅọ ma ḅara sághị ḅo Kpọ́kpọ́ gbẹ́rẹ́ḅọ tọ́rụ́kụrụkụ́rụ́ na karakárá ḅụ bi ḅo.

Ibi Oku Ma Jọn Anị Gịẹ Ḅara 10:28

A duma gbámásó pa n pịrịm n pịghị jẹ́ éné jẹ́ éné fịị faábịgha; gbẹ́rẹ́ḅọ sọ ine nnị pughoakịbịgha i ḅarabie.

Romapụ 4:13

Tamuno minini Ebraham na o furobie págháḅoapụ pịrị sa ḅẹ́ tuminikiri ma o nyẹ́ sọ́bẹm, ori ọkọ mịẹm ḅẹgha ḅẹ́ Ebraham ólóghó ma kokom, kụ́ma o mininim Tamuno warị karakárá ibiamịẹnyẹḅọ ḅara pa ori ákị.

Romapụ 5:12

Sii gbẹ́rẹ́ owitụ́wọ ḅụ ḅọ́rọ́ tuminikiri ma sọm, ori sii ma pịghị fịị akuom. Anịgosi fịị tuminikiri gbọrụ mamgba agbam, tegó kị́nị́mamgba siinyẹ mịẹmam.

Romapụ 5:14

Kụ́ma Adam sa ḅụ ákị mú Mosis sa ma ḅụ ngaapụ gonyẹ́ gonyẹ́ fịịm, Adam sịbị gánágánáma Tamuno ólóghó ma pịrị ḅara pa siinyẹ miẹghapụ sọ fịịm, Adam anịị ḅo bẹḅọ ma kịkaanyẹ, anịị Jizọs Krais.

Romapụ 5:17

Karakárányẹ ḅẹẹ gbẹ́rẹ́ owitụ́wọ sii ḅụ ḅọ́rọ́, fịị saghị ámá kánámam sị sẹ gonyẹ́ gonyẹ́ taa, gbẹ́rẹ́ owitụ́wọ ma gosi. Kụ́ma gbẹ́rẹ́ owitụ́wọ Jizọs Krais ine anịma nẹ́ngịma nyẹ mịẹm. Tamuno mánámāná tọ́rụ́kụrụkụ́rụ́ ma daakịapụ gonyẹ́ gonyẹ́, igbii gbẹ́gha ḅụ karakárá ibiamịẹnyẹapụ sọm, mịnaapụ ma duma ḅụ sọ́ḅáapụ sọ́bẹm Krais ḅụ ḅọ́rọ́.

Romapụ 6:12

Anịgosi ọ minima sị sii kụ́rọ nyáná ọmịna fịị bẹ ojumẹnị ma pịrị, sị anị tarị siinyẹ gonyẹ́ gonyẹ́ mịẹ.

Romapụ 6:14

Sii mịnị ọmịna nyánáḅọ sọbịgha, tegó ọmịnị ólóghó ma sughubie ofori kụ́ma tọ́rụ́kụrụkụ́rụ́ bie.

Romapụ 6:16

Ọmịnị o nimigha ḅẹ́, ọmịnị ọmịna ḅụ pa jụghọ pịrị sa soḅọ́rọ́ n ḅọ ómóniḅọ sị n ḅọ bịpị pughu, ọmịnị omoni sọ ọ bịpị pughu nyánáḅọ ma pịrịmam ḅọ́rọ́ ọmịnị omoni sọ sii pịrị, fịị dighiḅoarị nyẹ anịgha Tamuno bịpị pughu mịẹsị tumḅọ na Tamuno na karakárá ḅụ ḅụ fịnị.

Romapụ 6:23

Fịị anịị sii gbẹfịnyẹ, kụ́ma Tamuno diepịrịnyẹ anịị duma gbámásó wámịna Nyánáḅọ Krais Jizọs bie.

Romapụ 8:10

Ḅọ́rọ́ Krais ọmịna biebẹ imi nḅẹḅẹ́, Tẹ́mẹ́ ma duma pa ọ pịrịbẹm, tegó nnị ọmịnị na Tamuno na pa karakárá ḅụ ḅụ wárịmam, ojumẹnị ma fịị bẹ sọ sii gosi.

Taitọs 2:11

Ḅẹẹ Tamuno tọ́rụ́kụrụkụ́rụ́ dụaḅọ́rọ́ma akuoarị nyẹ anị ḅụ pa túminị́ mamgba diemam.

Hiburuapụ 4:16

Wa tẹ́mẹ́kụ́rọ nyáná sị sọma Tamuno imine ma fịnị angaá ḅo, tọ́rụ́kụrụkụ́rụ́ fịnị angaá. Anị angaá wa lolomakúkúbie nyánáḅobẹm pịghị tọ́rụ́kụrụkụ́rụ́ dọghụḅọ pa ḅárásua wa pịrị wamịnị anị dọghụ sa.

1 Pita 5:10

Ọ kẹ́lẹ́ tọ́rụ́siarị so sáá, tọ́rụ́kụrụkụ́rụ́ mamgba nyáná Tamuno ma, ọ sị ḅo bẹ ọ ḅo diekiri nyáná ọrẹ gbámásó ipine ma ḅụ Krais bie, ori ma pịghị ọ mịẹ kpaimabẹm, pịghị ọ sẹ kụ́rọ́mabẹm pịghị ịnyọ, na pịghị karakárá súghúise pa ọ pịrị.

2 Pita 1:1

Irị Saimọn Pita, Jizọs Krais fịrịnwangịḅọ pịghị Jizọs Krais fịrịmaḅọ anịị mị dii ma gịẹ ọ fịrịmaarịḅọ. A gịẹ pa ọ fịrịmam wamịnị na gbẹ́rẹ́ nyẹ́la minini nyánáapụ, wámịna Tamuno na wámịna dụaḅọ́rọ́maḅọ Jizọs Krais karakárá ibiamịẹnyẹ ḅụ ḅọ́rọ́.

1 Jọn 2:25

Mịma anị Krais minininyẹ ḅẹ́ ọ pa wa pịrịbẹm duma gbámásó.