Romapụ 5:17 - Ibani New Testament

¹⁷ Karakárányẹ ḅẹẹ gbẹ́rẹ́ owitụ́wọ sii ḅụ ḅọ́rọ́, fịị saghị ámá kánámam sị sẹ gonyẹ́ gonyẹ́ taa, gbẹ́rẹ́ owitụ́wọ ma gosi. Kụ́ma gbẹ́rẹ́ owitụ́wọ Jizọs Krais ine anịma nẹ́ngịma nyẹ mịẹm. Tamuno mánámāná tọ́rụ́kụrụkụ́rụ́ ma daakịapụ gonyẹ́ gonyẹ́, igbii gbẹ́gha ḅụ karakárá ibiamịẹnyẹapụ sọm, mịnaapụ ma duma ḅụ sọ́ḅáapụ sọ́bẹm Krais ḅụ ḅọ́rọ́.

Romapụ 5:17 ပူးပေါင်းရင်းမြစ်များ

Matiu 25:34

<

Ibi Oku Ma Jọn Anị Gịẹ Ḅara 10:10

Fúrúḅọ ma go ḅo nyẹ ngéré anịị nyẹ fúrú kị́nị́ḅáa na pịghị nyẹ guluguluma. A ḅomam ḅẹ́ o duma nyána pịghị bii ḅara pa anị nyána.

Romapụ 5:12

Sii gbẹ́rẹ́ owitụ́wọ ḅụ ḅọ́rọ́ tuminikiri ma sọm, ori sii ma pịghị fịị akuom. Anịgosi fịị tuminikiri gbọrụ mamgba agbam, tegó kị́nị́mamgba siinyẹ mịẹmam.

Romapụ 5:15

Kụ́ma mmẹẹ́ ma gbẹ́rẹ́ ḅara fịnịgha, tegó igbii pa fẹ́ghaa Tamuno dienyẹ ma, anị Adam sii fịnị ḅára fịnịgha. Karakárányẹ ḅẹ́ tọgha túminị́ fịịm anị gbẹ́rẹ́ owitụ́wọ ma sii gosi. Kụ́ma Tamuno tọ́rụ́kụrụkụ́rụ́ ma duḅaḅam, anị ḅara ma anịị diepịrịnyẹ ma so fịnị ḅara, Tamuno pa tọghaapụ pịrịnyẹ gbẹ́rẹ́ḅọ tọ́rụ́kụrụkụ́rụ́ ḅụ ḅọ́rọ́, anịị Jizọs Krais.

Romapụ 5:20

Nnị ólóghó ma pághámaḅom irima mịẹnyẹ sẹ́nị bẹ ḅara. Kuma siiamịẹnyẹ ḅo sẹ́nị sa, Tamuno tọ́rụ́kụrụkụ́rụ́ warị sẹ́nị anị nẹngịma,

Romapụ 6:14

Sii mịnị ọmịna nyánáḅọ sọbịgha, tegó ọmịnị ólóghó ma sughubie ofori kụ́ma tọ́rụ́kụrụkụ́rụ́ bie.

Romapụ 6:23

Fịị anịị sii gbẹfịnyẹ, kụ́ma Tamuno diepịrịnyẹ anịị duma gbámásó wámịna Nyánáḅọ Krais Jizọs bie.

Romapụ 8:39

anịgha ọgọnọ ju anịgha póghóló yọ, anịgha tuminikiri nnị tẹ́mẹ́nyẹ gonyẹ́ gonyẹ́ ine wa fófóomabịgha Tamuno ma ḅẹlẹma ḅụ, wa nyánányẹ Krais Jizọs wámịna Nyánáḅọ ḅụ ḅọ́rọ́.

1 Kọrịntịapụ 15:49

Wa tuminikiri n tẹ́mẹ́ḅọ ma kịká ḅara ori fịnị ḅara, anị wa sobie saghị ḅoḅọ ma kịká bẹ ḅara ori fịnị ḅara.

1 Kọrịntịapụ 4:8

Mị́sa ọ binyẹ gonyẹ́ gonyẹ́ ọ nyáná? Mị́sa ọmịnị ámányánáapụ sọmam? Wamịnị ámányánáapụghaa n ḅẹ́sọ. Dighi anị ịḅụ ḅẹ́lẹ bẹ ḅara ḅọ́rọ́ mị́sa ọmịnị ámányánáapụ, sị wamịnị sọ ọ́ nana ámányánáapụ sọ bẹ ḅara.

Filipaiapụ 3:9

A ḅo ịḅụ dọghụḅọ sáá ọ ḅụ, a mịnị i ḅárákúu karakárá ibiamịẹnyẹ nyanagha túminị́ ólóghó ma koko ḅụ nyánáarị nyẹ́maghaa. Mị́sa a nyáná karakárá ibiamịẹnyẹ anị n pịrịarịnyẹ ma tumḅọ minini Krais ḅụ ḅọ́rọ́, Tamuno ḅara saghị ḅoarị karakárá ibiamịẹnyẹ ma minini ḅụ anịị anị saghị ḅoarị nyẹ.

1 Timoti 1:14

Wámịna Nyáná ḅo pịghị opuma ori tọ́rụ́kụrụkụ́rụ́ pa opuma ịḅụ sara wásámam. Ọ Krais Jizọs ḅara saghị ḅo minini na ḅẹlẹma pa i pịrị bimam.

2 Timoti 2:12

Wa pa ngịrịma nyáná nyáná, wamịnị na ori na taábẹm. Wa ḅọ́rọ́ o pighi pighi, ori sọ wa pighibẹm.

Jems 2:5

O pughu, ị́yẹ́ ibi mịnaapụ, Tamuno mị tuminikiri siminiapụ ma sẹ́lẹ́akịm sị nnị opuma minini nyánáapụ sọ sị nnị ma pịghị amadakiri ma nyáná bẹapụ sọ, Tamuno minini ọ ḅẹlẹmaapụ ma pịrịnyẹ.

1 Pita 2:9

Kụ́ma ọmịnị anịị n sẹlẹakịmaapụ ma, Ámányánáḅọ ma igwagwaapụ, Tọ́ntọ́ sẹ, Tamuno ḅárákúu túminị́, n sẹlẹakị sị nnị Tamuno ḅụ́gbérépuma fịrị ma dugho págháma, ọ sị ákịḅọ kánákánábie sị o ḅo ọrẹ ḅụ́gbérépuma baá ma bie so.

Puu Findi 1:6

Warị pịghị igwagwaapụ amadakiri pa wa mịẹsị wa fịrịnwangị ọ Daa na Tamuno ma pịrịị. Boma na ịnyọ fịnị Jizọs Krais pịrị ákị mú ḅẹsá ḅẹsá láa! Anị ọkọ fịnịị.

Puu Findi 20:4

Anịsáa a tọgha imine arịm, anị ọ́gọ́nọ kpọrọfịnịapụ nnị kụrọ pa n pịrịm ḅẹẹ nnị ḅẹ́rẹ́kọọ. A pịghị n sịbị pẹ́lẹ́apụ ma biebẹ duma arịm ḅẹẹ nnị Jizọs diepágháma karakárá ma na Tamuno ẹ́gẹ́rẹ́ ma dugho wásámam. Na nnị susi ḅáláfama nama ma pịrịgha anịgha n tẹ́mẹ́ sị pa anị pa biekóróma bẹnyẹ, anịgha anị ilíghíma nyáná nna fụ́ḅára ogbo anịgha nna ḅara. Nnị pịghị ḅoo dumam sị Krais na taa ámányánáapụ ḅara kụ́rá a mmẹẹ́ ndẹ́ẹ oyia si findi.

Puu Findi 20:6

Karịiḅi na tọ́ntọ́ fịnị parị fịị ḅụ sághị ma bie sọapụ pịrịm, Mmẹẹ́ kárámá fịị ma nna ḅụ kụ́rọ nyanagha; nnị Tamuno na Krais igwagwaapụ sọbẹm, nnị pịghị ori na taábẹm kụ́rá a ndẹ́ẹ oyia si findi.

Puu Findi 22:5

Dii mịnị oforibịgha, n pịghị tọndọ baá anịgha ịrụa baá dọghụbịgha, tegó Kịnịnyáná Tamuno ma nna baá sọọbẹm, n pịghị ámányánáapụ ḅara pa taábẹm ákị muu ḅẹsá ḅẹsá láa.

Puu Findi 3:21

<