Romapụ 5:12 - Ibani New Testament

¹² Sii gbẹ́rẹ́ owitụ́wọ ḅụ ḅọ́rọ́ tuminikiri ma sọm, ori sii ma pịghị fịị akuom. Anịgosi fịị tuminikiri gbọrụ mamgba agbam, tegó kị́nị́mamgba siinyẹ mịẹmam.

Romapụ 5:12 ပူးပေါင်းရင်းမြစ်များ

Romapụ 3:23

kị́nị́mamgba siinyẹ mịẹmam anịgosi Tamuno ipine nna ḅụ ḅọlọ angaá ḅụ imii.

Romapụ 5:18

Anịsa gbẹ́rẹ́ sii ḅẹ́rẹ́kọ dighiḅọ kị́nị́mamgba pịrị ḅara, anị gbẹ́rẹ́ ḅara ma gbẹ́rẹ́ karakárá ibiamịẹnyẹ fịrị kị́nị́mamgba ḅara ḅẹ́rẹ́ibimam sị duma pa nnị pịrịị.

Romapụ 5:19

Gbẹ́rẹ́ tumḅọ bịpịpúghúgháa ḅụ ḅọ́rọ́ tọgha túminị́ ma ḅo siiamịẹnyẹapụ sọm, anị gbẹ́rẹ́ ḅara ma gbẹ́rẹ́ tumḅọ bịpị púghú ḅụ ḅọ́rọ́ tọgha túminị́ ḅo karakárá ibiamịẹnyẹapụ sọ́bẹm.

Romapụ 5:21

kunema, sii fịị kụ́rọ pa túminị́ taa ḅara ma, anị gbẹ́rẹ́ ḅara ma Tamuno ma tọ́rụ́kụrụkụ́rụ́ ma taám, karakárá ibiamịẹnyẹ ḅụ, sị wamịnị akuoo duma gbámásó bie suu wámịna Nyánáḅọ Jizọs Krais ḅụ ḅọ́rọ́.

Romapụ 6:21

Ọ tẹ́ sọnyẹ nyánáḅọ, mị́sa ọ ḅụgịrịrịmaarị nyẹ ma ḅụ? Ọḅụkụ́nọma fịị anị mịnanyẹ ma dighiḅoarị nyẹ!

Romapụ 6:23

Fịị anịị sii gbẹfịnyẹ, kụ́ma Tamuno diepịrịnyẹ anịị duma gbámásó wámịna Nyánáḅọ Krais Jizọs bie.

1 Kọrịntịapụ 15:56

Fịị anị kị́nị́ tẹ́ kụrọ nyánaḅom sii ḅara, sii pịghị anị kụ́rọ nyánaḅom ólóghó ma ḅara.

Ẹ́fịsọsapụ 2:3

Wamịnị mamgba nnị kị́kám, sị wámịna duma kọọ ojumẹnị tarịarịnyẹ ḅụ na pighi wámịna kóróma na wámịna ojumẹnị dọghụnyẹ mịẹ. Wámịna siiamịẹnyẹ ojumẹnị ma fịnị ḅara ma, n tọ ḅọ́rọ́mam ḅẹ́ Tamuno igani wa láabẹm anịị anị pịghị fịnị kị́nị́mamgba pịrị ḅara.

Jems 1:15

Anịsáa wa pughotarịarị siinyẹ ma fura sa anị sii yiim; sii ḅo sẹ́nị sa, anị fịị dighiḅọ ḅom.

Jems 3:2

Wamịnị mamgba nyẹ mịẹ irima irimam, kụ́ma irimaghaḅọ amịna dugho bịpị ḅụ anị tumḅọ ma anịị kpain ḅo, n ḅọ pịghị n ḅọ oju gbọrụ ma ọlọbẹm.