Romapụ 4:14 - Ibani New Testament

¹⁴ Ḅọ́rọ́ Tamuno minini nyẹ́ ma n pa ólóghó ma kokoapụ pịrịm, anịsa minini bẹnyẹ bẹnyẹ ḅụ ofori, Tamuno ma minini nyẹ́ ma pịghị sọnyẹ ḅụ oforibịgha.

Romapụ 4:14 ပူးပေါင်းရင်းမြစ်များ

Romapụ 3:31

Mịma anị dugho ḅẹ́ mị minini ma gosi wa ólóghó ma gbibuuma? Ọkọfịnịnyẹ ofori; anịmanakaragha wamịnị ólóghó ma mịẹ kụ́rọ́máarị.

Romapụ 4:16

Mịma go mini pịrịnyẹ́ ma minini ḅụ saghịḅom, túminị́ árị bẹ ḅara ḅẹ́ mini pịrịnyẹ́ ma anịị Tamuno ḅara saghị ḅo diepịrịnyẹ, ọmịnị pa Ebraham furobie págháḅoapụ mamgba pịrịm, ólóghó ma kokoapụ ngéréghaa, kụ́ma Ebraham minini ḅara pa mininiapụ. Tegó Ebraham anịị wamịnị kị́nị́mamgba daa.

1 Kọrịntịapụ 1:13

Nnị Krais die ogbo ogbo ḅụ kóróma ma? Pọl anịị mgbẹsẹ sị́ ọ́gọ́nọ fịị ọ́ pịrịḅọ? Nnị Pọl ẹrẹ ḅụ mingi pa ọ́ sara?

Galesiaapụ 2:21

A Tamuno tọ́rụ́kụrụkụ́rụ́ sịghịghaa, ḅọ́rọ́ tumḅọ ḅo Tamuno na karakárá ḅụ fịnị ólóghó ma ḅụ ḅọ́rọ́, mịma dughoarị ḅẹ́ Krais papa fịịm!

Galesiaapụ 5:4

Ọmịnị ólóghó ma koko ḅụ ḅọ́rọ́ Tamuno na karakárá ḅụ fịnị dọghụapụ, ọmịnị ọmịna ḅụ fófóomámam Krais ḅụ, ọ Tamuno ma tọ́rụ́kụrụkụ́rụ́ ḅụ sóóró pághámam.

Filipaiapụ 3:9

A ḅo ịḅụ dọghụḅọ sáá ọ ḅụ, a mịnị i ḅárákúu karakárá ibiamịẹnyẹ nyanagha túminị́ ólóghó ma koko ḅụ nyánáarị nyẹ́maghaa. Mị́sa a nyáná karakárá ibiamịẹnyẹ anị n pịrịarịnyẹ ma tumḅọ minini Krais ḅụ ḅọ́rọ́, Tamuno ḅara saghị ḅoarị karakárá ibiamịẹnyẹ ma minini ḅụ anịị anị saghị ḅoarị nyẹ.

Hiburuapụ 7:19

Mosis ólóghó ma bẹnyẹ bẹnyẹ mịẹ kpainmagha. Kụ́ma mị́sa, ibiḅaa tọ́rụ́ dighinyẹ imi wa ḅọ́rọ́ ine sọma Tamuno damaḅo bẹnyẹ.

Hiburuapụ 7:28

Mosis ólóghó itilaapụ tọọm ḅẹẹ nnị igwagwaalaapụ sọọ, kụ́ma Tamuno mini nyẹ ori ọḅọọ ma na ḅoo nyẹ, ólóghó ma ọḅụju, o Tụ́wọ ma tọọm, n mịẹ kpainma ḅo ákị mú gbámásó láa.