Romapụ 3:28 - Ibani New Testament

²⁸ Wa dughoarị bẹ tumḅọ karakárá ibiamịẹnyẹḅọ sọm minini ḅụ ḅọ́rọ́, ólóghó bịpị ma warịgha ḅụ.

Romapụ 3:28 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 5:24

<

Ibi Oku Ma Jọn Anị Gịẹ Ḅara 6:40

Ḅẹẹ Daḅọ ma binyẹ anịị tọ́rụ pa Tụ́wọ ma dighiḅọ gonyẹ́ gonyẹ́ sị ọ minini duma gbámásó nyánábẹm, a pịghị n ḅọ saghịmabẹm kunema éné ma ḅụ.>>

Romapụ 3:26

Ọ mịma mịẹm pa ori ibi ḅẹ́rẹ́kọ die mịị sa ma ḅụ, ọ karakárá bẹ ḅara ori ma anị pịghị Jizọs ḅụ mininiapụ mịẹ karakárámaarịḅọ.

Romapụ 4:5

Fịrịnwangịghaḅọ ma, kụ́ma Tamuno ma ḅụ tẹ́mẹ́ gbánáḅọ, siiamịẹnyẹ ḅọ mịẹsị n ḅọ ḅẹ́rẹ́ ḅarasighaḅọ sọọ, anị tumḅọ ma nnị ori ákịm sọ́ḅọ́rọ́ karakárá ibiamịẹnyẹḅọ ori minini ḅụ ḅọ́rọ́.

Romapụ 5:1

Mị́sa, minini ḅụ ḅọ́rọ́ n karakárá ibiamịẹnyẹapụ pa wa mịẹmam Tamuno bie, wa Tamuno na diin nyánam wámịna Nyánáḅọ Jizọs Krais ḅụ ḅọ́rọ́.

Romapụ 8:3

Ólóghó ma ine mịẹgha nyẹ, tegó ojumẹnị ma mịẹmam sị anị mịnị kụ́rọ nyanagha Tamuno mịẹm ori ọ Tụwọ fịrịma sa, ojumẹnị suaḅọ sị o sii sịrịsii bẹ ḅara. Anị ḅara ma ọ ḅẹ́rẹ́kọsima sii pịrịm ojumẹnị ma bie.

1 Kọrịntịapụ 6:11

Ọmịna ḅụ jẹ́apụ anịị ọ fịnị ḅara; kụ́ma nnị ọ mịẹ fiáfiámamám sii ḅụ; nnị o fóofóo ma Tamuno pịrịmam; Kị́nị́nyánáḅọ Jizọs Krais ma ẹ́rẹ ḅụ nnị o mịẹ karakárámamam; na pịghị wamịna Tamuno ma Tẹ́mẹ́ pa.

Galesiaapụ 2:16

Anịsọ wa nimim ḅẹ́ tumḅọ ḅo Tamuno na karakárá ḅụ fịnịm, anị tumḅọ ma Krais ḅụ nyáná minini ḅụ ḅọ́rọ́, ólóghó ma dughonyẹ mịẹgha ḅụ. Wamịnị sọ Krais Jizọs ḅụ mininimam sị nnị wa pa Tamuno na karakárá ḅụ warị, Krais Jizọs ḅụ wa nyáná minini ḅụ ḅọ́rọ́, ólóghó ma dughonyẹ mịẹgha ḅụ. Ḅẹ́ nnị ólóghó ma ngéré dughonyẹ mịẹarịḅọ pa Tamuno na karakárá ḅụ warịbịgha.

Galesiaapụ 3:24

Anịgo ólóghó ma anị wa didighiḅọ, akị mú Krais ḅo sáá láa, sị minini ḅụ ḅọ́rọ́ n wa pa Tamuno na karakárá ḅụ ḅụ fịnị.

Galesiaapụ 3:8

Tọ́ndiri ma pághá bẹnyẹ ma dugho kórómamam ḅẹ́ Tamuno Juughaapụ ma pa ọ ḅụ na karakárá ḅụ ḅụ warịbẹm, minini ḅụ ḅọ́rọ́. Anịgo ibi oku ma dugho Ebraham pịrịmam ḅẹẹ, <<Ịḅụ ḅọ́rọ́ Tamuno tuminikiri sẹ gbọrụ karịibimabẹm>>.

Ẹ́fịsọsapụ 2:9

ịrị ị́yẹ́ ịnyọ pa nwángị fịrị ḅụ ofori tumḅọ anịgo pa bịpịkpọ ḅẹnyẹ.

Filipaiapụ 3:9

A ḅo ịḅụ dọghụḅọ sáá ọ ḅụ, a mịnị i ḅárákúu karakárá ibiamịẹnyẹ nyanagha túminị́ ólóghó ma koko ḅụ nyánáarị nyẹ́maghaa. Mị́sa a nyáná karakárá ibiamịẹnyẹ anị n pịrịarịnyẹ ma tumḅọ minini Krais ḅụ ḅọ́rọ́, Tamuno ḅara saghị ḅoarị karakárá ibiamịẹnyẹ ma minini ḅụ anịị anị saghị ḅoarị nyẹ.

Taitọs 3:7

sị ori tọ́rụ́kụrụkụ́rụ́ ḅụ ḅọ́rọ́ wa karakárá ibiamịẹnyẹapụ sọ́bẹm Tamuno ma fịnị angaá, sị ḅo wa tọ́rụ́dighi gbámásó duma ma nyáná.

Jems 2:18

Kụ́ma gbẹ́rẹ́ḅọ ḅẹẹbẹm ḅẹ́, <> A pagharaa bẹnyẹ, pa i die, tumḅọ minini nyáná si anị pa fịrị ḅụ suabịgha ḅara. A ị́yẹ́ minini pa i diebẹm ị́yẹ́ fịrị ḅụ ḅọ́rọ́.

Jems 2:20

Oḅoriḅọ i dọghụ n pa i die ḅẹ́ n pa fịrị ḅụ sugha minini nyẹ ḅụ ofori?

Jems 2:24

Ị́yẹ́ arịgha ḅẹ́ wámịna mịẹnyẹ ḅụ ḅọ́rọ́ anị wa karakáráapụ sọọ nyẹ Tamuno tórúku wámịna minini ngéréghaa.