Romapụ 3:27 - Ibani New Testament

²⁷ Anịsa, wa tẹ́ pa bịpịkpọ bẹ? Bẹnyẹ ḅẹ́ nyẹ́gha! Wa tẹ́ go mịma mịẹarị? Anịị ḅẹ́ wamịnị ólóghó ma kokoarị? Ọkọ fịnịgha, kụ́ma wa mininim.

Romapụ 3:27 ပူးပေါင်းရင်းမြစ်များ

Ibi Oku Ma Mak Anị Gịẹ Ḅara 16:16

Mininiḅọ gonyẹ́ gonyẹ́ sị pịghị mingi sara, dụaḅọ́rọ́ma nyánábẹm mininighaḅọ nnị n gulugulumabẹm,

Ibi Oku Ma Jọn Anị Gịẹ Ḅara 3:36

Tụwọ ma ḅụ mininiḅọ gonyẹ́ gonyẹ́ duma gbámásó nyánam, kụ́ma Tụ́wọ ma sịghịḅọ gonyẹ́ gonyẹ́ duma arịbịgha, ḅẹ́ Tamuno igani fịnị n ḅọ pịrịm.>>

Romapụ 10:5

Mịma anị Mosis gịẹ kórómanyẹ ólóghó ma ḅụ saghị ḅo karakárá ibiamịẹnyẹ gbolomanyẹ: <<Ḅọ́rọ́ tumḅọ ólóghó ma dughonyẹ mịẹ, n ḅọ ólóghó ma ḅụ ḅọ́rọ́ dumabẹm.>>

Romapụ 11:6

Tamuno túminị́ sẹlẹakiarị ori tọ́rụ́kụrụkụ́rụ́ ḅụ ḅọ́rọ́, nnị nwángị fịrị ḅụ ofori, anị ḅọ́rọ́ nna fịrị ḅụ ḅọ́rọ́, tọ́rụ́kụrụkụ́rụ́ mịnị tọ́rụ́kụrụkụ́rụ́bịgha.

Romapụ 2:17

Mị́sa ọmịnị, ọ ḅọ́rọ́ Juuapụ pa ọ ḅụ sị warị ólóghó ma ḅụ sẹrẹrẹ sị bịpịkpọarị ḅẹ́ Tamuno fịnị ọ pịrịm;

Romapụ 2:23

Ọmịnị Tamuno ologho ma pa bịpịkpọarịapụ, ọ Tamuno ólóghó ma kaagha si ḅụ́gịrịrị akuoo Tamuno pịrị.

Romapụ 3:19

Mị́sa wa nimim ḅẹ́ ólóghó diri ma bie nnị gịẹnyẹ gonyẹ́ gonyẹ́, n gịẹ pa nnị go ólóghó ma suaapụ pịrịm, túminị́ ḅara ọlọnyẹ nyánábịgha ḅara, sị tuminikiri gbọrụ Tamuno ḅẹ́rẹ́kọ ma sughubie fịnị bẹ ḅara.

Romapụ 3:26

Ọ mịma mịẹm pa ori ibi ḅẹ́rẹ́kọ die mịị sa ma ḅụ, ọ karakárá bẹ ḅara ori ma anị pịghị Jizọs ḅụ mininiapụ mịẹ karakárámaarịḅọ.

Romapụ 4:2

Ḅọ́rọ́ karakáráma Ebraham ḅẹ́rẹ́ ḅárasighaḅọ sọm ọ nwángị fịrị ḅụ ḅọ́rọ́, ọ pa bịpịkpọ bẹnyẹ nyánábẹm kụ́ma Tamuno ma tọ́rụ́kụ́ghaa.

Romapụ 7:21

Anịgo a arịḅom ḅẹ́ mịị ólóghó ma fịrị ḅụ imi: a ibinyẹ mịẹ dọghụ sa, siinyẹ anị torukudaarị nyẹ.

Romapụ 7:23

Kụ́ma a jẹ́ ólóghó arịm fịrịnwangịarị nyẹ ị́yẹ́ oju bie, owu pa ikúkúbie miniakị ólóghó ma pághámaarị nyẹ. Anị i mịẹm a ikólinaḅọ sọ pa sii ólóghó ma pịrịm, ị́yẹ́ oju bie fịrịnwangịarị nyẹ.

Romapụ 7:25

Imiẹḅa fịnị Tamuno pịrịị, i duaḅọ́rọ́maarịḅọ wámịna Nyánáḅọ Jizọs Krais ḅụ ḅọ́rọ́! Anịgo mị́sa ịrị ịḅụgḅọrụ kúkúbie ngéré anị a pa ine Tamuno ólóghó ma koko bẹnyẹ, ị́yẹ́ ojumẹnị warị sii dighiḅoarị ólóghó ma koko.

Romapụ 8:2

Tegó, Krais Jizọs ḅụ ḅọ́rọ́, Tẹ́mẹ́ ólóghó ma duma pịrịarịḅọ, i dụaḅọ́rọ́māmám, sii na fịị ólóghó ma ḅárabie.

Romapụ 9:11

Kụ́ma mmẹẹ́ awọ ma na kiri laagha sáá ḅụ anịgha ḅẹnyẹ ḅẹnyẹ mịẹ ibinyẹ anịgha siinyẹ mịẹ, a warị Tamuno ḅara oku nyánáḅọ. Mịị oku ma diearị ḅẹ́ Tamuno túminị́ sẹlẹakiarị, ori tọ warị ḅara ḅụ;

Romapụ 9:31

kụ́ma Izirẹlịapụ ma ologho ma duaarịapụ ḅẹ́ nnị karakárá ibiamịẹnyẹ asọ ine nnị dọghụarị nyẹ nyánaḅogha.

Romapụ 9:32

Tegósi? Nnị minini ḅụ anị duagha gosi kụ́ma sọ́ḅọ́rọ́ tumḅọ nwángị fịrị ḅụ. Anịgo n ḅụọ pa <<Ḅụ́ọ́da dapịrị>> ma gbólom sị pumbu.

1 Kọrịntịapụ 4:7

Tụọ imie sị ị ibiḅaa jụgho nẹ́ngị? Ị nyánányẹ gonyẹ́ gonyẹ́ Tamuno pa i pịrịghaa? Nnị ḅọ́rọ́ pa ị pịrị pịrịị, ị tegósi bịpịkpọ bẹ, ḅọ́rọ́ i nyánányẹ ma n die i pịrịnyẹ́gha?

Galesiaapụ 2:16

Anịsọ wa nimim ḅẹ́ tumḅọ ḅo Tamuno na karakárá ḅụ fịnịm, anị tumḅọ ma Krais ḅụ nyáná minini ḅụ ḅọ́rọ́, ólóghó ma dughonyẹ mịẹgha ḅụ. Wamịnị sọ Krais Jizọs ḅụ mininimam sị nnị wa pa Tamuno na karakárá ḅụ warị, Krais Jizọs ḅụ wa nyáná minini ḅụ ḅọ́rọ́, ólóghó ma dughonyẹ mịẹgha ḅụ. Ḅẹ́ nnị ólóghó ma ngéré dughonyẹ mịẹarịḅọ pa Tamuno na karakárá ḅụ warịbịgha.

Galesiaapụ 3:22

Tọ́ndiri ma dughom ḅẹ́ tuminikiri gbọrụ sii kụ́rọ ma sughubie imi; anịgo n mini wa pịrị dienyẹ ma wámịna minini Jizọs Krais ḅụ ḅọ́rọ́, mininiapụ ma ngéré anịị nnị pa pịrịapụ.