Romapụ 2:7 - Ibani New Testament

⁷ Jẹ́apụ ibinyẹ mịẹmịẹ tórúku mú ḅụ boma na kuu na gbámásó duma bim, nnị ma Tamuno duma gbámásó pa n pịrịbẹm.

Romapụ 2:7 ပူးပေါင်းရင်းမြစ်များ

Matiu 25:46

<>

Ibi Oku Ma Luk Anị Gịẹ Ḅara 21:19

Sẹ́ kụ́rọ, anịsáa ị ịḅụ duaḅọ́rọ́mabẹm.

Ibi Oku Ma Luk Anị Gịẹ Ḅara 8:15

Ibikiri ḅụ kóró sịmgbọlụ ma sẹ oku ma naapụ pịrịm sị ibi na pịghị bịpị osii tẹ́mẹ́bie pa anị kokom, anị warị ngịrịma nyáná wárii sị ḅo sịmgbọlụ suam.

Ibi Oku Ma Jọn Anị Gịẹ Ḅara 4:36

Mị́sa ori duasughuarịḅọ ma gbẹ́nyẹ nyanaḅoarị, n ḅọ pịghị sịịmgbọlụ kobiri pa duma gbámásó pịrịarị, sị dụadipiḅọ na pịghị ori duasughuḅọ nnị mamgba bieḅẹlẹ dụrụkụbẹm.

Ibi Oku Ma Jọn Anị Gịẹ Ḅara 5:44

Ọ tọ́rọ pa ine minini bẹ, o jụghọ jụghọ ḅara túminí biarị sáá, kụ́ma ọ ḅẹnyẹ ḅẹnyẹ mịẹgha sị Tamuno ma ngéré ḅara ḅoo túminí nyáná?

Romapụ 2:10

Kụ́ma ibinyẹ mịẹarịapụ gonyẹ́ gonyẹ́ Tamuno boma na kuu na diin pa nnị pịrịbẹm, Juuapụ ma parị na pịghị Juughaapụ.

Romapụ 6:23

Fịị anịị sii gbẹfịnyẹ, kụ́ma Tamuno diepịrịnyẹ anịị duma gbámásó wámịna Nyánáḅọ Krais Jizọs bie.

Romapụ 8:18

A arịḅom ḅẹ́ wa mị́sa árịarị tọ́rụ́siarị ma, nnị pa ine toruku n pa wa die bẹ ipine ma na tọ́mábịgha.

Romapụ 9:23

Ọ pịghị dọ́ghụm ori ọrẹ opu ipine diepágháma, ọ pa wamịnị ọ tọ́rụ́kụrụkụ́rụ́ nyáná pịrịapụ ma sịbị sara nyẹ, ọ tẹ́lẹ́maapụ ḅẹ́ wamịnị ori ipine nyáná.

1 Kọrịntịapụ 15:42

Mịị anị fịnị bẹ ḅara n fịịapụ saghịma bẹ sáá fịị ḅụ. Nnị dipi oju ma ḅụrụ́bẹm, nnị anị saghịma sáá anị mịnị ḅụrụbịghaa.

1 Kọrịntịapụ 15:50

A dugho págháma ọ pịrịm, i jẹa mininiapụ, ojumẹnị na ọmbịnyẹ́ Tamuno amadakiri ma nyánáḅobịgha, anịgha ḅụrụ́ bẹ angaá nyẹ ma ine ḅụrụbịghaa nganyẹ ma nyánáḅobịgha.

1 Kọrịntịapụ 15:58

Anịgosi, ibi ijẹa mịnaapụ, ọ sẹ kụrọ, minima gbẹ́rẹ́nyẹ sọ ọ jighema ma. Sámamgba ọ mịnị ọmịna ḅụgbọrụ pa Kị́nị́nyánáḅọ fịrị ma pịrị, tegó o nimim ḅẹ́ ọmịna tọ́rụ́siarị Tamuno fịrị ma ḅụ papa faghaa.

Galesiaapụ 6:9

Ịnyọ wa ḅụ fama ibinyẹ mịẹ ḅụ, tegó wa mịẹ bịpị mumu, sáá ḅobẹm wamịnị anị sịmgbọlụ sughuakị bẹ sáá.

Ẹ́fịsọsapụ 6:24

Tamuno tọ́rụ́kụrụkụ́rụ́ fịnị kunema nyanagha ḅẹlẹma pa wámịna Nyáná ḅo Jizọs Krais ḅẹlẹmaapụ pịrị.

Kolosiapụ 1:27

Nna ḅụ anịị Tamuno bii nyẹ ḅẹ́ o diepágháma Juughaapụ ma ogboku ḅọghunyẹ ma. Mịị ḅọghunyẹ ma anịị, ipine dụḅa láa ḅara na anị ḅụ́gbérépuma láa ḅara, anịị ọmịna bie fịnị Krais ma, anị ọmịna tọ́rụ́ dighinyẹ ḅẹẹ ori ipine ḅụ ọ diekiri nyánábẹm.

1 Timoti 1:17

Mị́sa kuu na ipine fịnị Gbámásó Ámányánáḅọ ma pịrị Fịịfịghaḅọ, Tọ́rụ́arịghaḅọ, ori ma ngéré anịị Tamuno ma, akị muu ḅẹsá ḅẹsá láa! Anị ọkọ fịnị.

2 Timoti 1:10

Kụ́ma mị́sa nnị anị diepágháma wa pịrịmam wámịna Dụaḅọ́rọ́maḅọ Krais Jizọs ḅoo ḅụ ḅọ́rọ́. O fịị kụrọ ma kunemamam sị ibi oku ma ḅụ ḅọ́rọ́ duma gbámásó diepághámamam.

Hiburuapụ 2:7

Ịrị ọ tẹmẹm sị ọ kálá ḅara pa tere sookumuapụ ma nẹngịm kálá sa tụọ ḅụ; Kụ́ma mị́sa ị pịghị ipine na kuu pa o birimamam,

Hiburuapụ 6:12

Wa bighaa o ḅo ịnyọfaapụ sọ, kụ́ma o ḅo mininiapụ kịkáa, inema na minini ḅụ ḅọ́rọ́ Tamuno minini n pịrịnyẹ ma nyáná ḅo bẹapụ.

Hiburuapụ 6:15

Ebraham inema nyanam anịgosi ori ine Tamuno minini o pịrịnyẹ ma nyánaḅom.

1 Jọn 2:25

Mịma anị Krais minininyẹ ḅẹ́ ọ pa wa pịrịbẹm duma gbámásó.