Romapụ 2:5 - Ibani New Testament

⁵ Kụ́ma ọ kụ́rọ kúkúbie na kụ́rọ sịbịbie nyánam gosi, ọmịnị ọmịna fomḅara mịẹm anị gborogboroḅáa, anị éné ma Tamuno ori igani diepágháma bẹ éné sị pịghị karakárá ḅẹ́rẹ́kọọ.

Romapụ 2:5 ပူးပေါင်းရင်းမြစ်များ

Romapụ 1:18

Tamuno sobie bieoḅu túminị́ pịrịarị n mịẹrị sii gosi, n pịghị kuu pa ọ pịrịgha ḅara n pịghị nna sii pa Tamuno ma karakárá gbẹarị ḅara.

Romapụ 11:25

Gbẹ́rẹ́ ḅọghu tụ́manyẹ imi, a dọghụnyẹ sị o nimi ị́yẹ́ amịnáapụ, anị minibịgha ọ kọ́rọ́ma ọmịna nyẹ́nimi láa ḅara. Mịị Izirẹlị kụrọ kúkúbie ma fịnị mú kunema láabịgha, kụ́ma anị fịnịbẹm ákị mú Juughaapụ ma kịẹbịpị Tamuno damaḅo bẹapụ kara sa láa.

Romapụ 9:22

Mịị anị pịghị fịnị ḅara Tamuno mịẹnyẹ ḅụ. Ori ọra bieoḅu die dọ́ghụm, túminị́ pịghị ori a kụ́rọ árị, kụ́ma ori ngịrịma nyáná ọ bieoḅu pịrịarịapụ ma pịrịm, n tọ guluguluma pịrịapụ.

2 Kọrịntịapụ 5:10

Wamịnị kị́nị́mamgba gbarịgha ḅara ḅụ Krais ḅẹ́rẹ́kọ siri ḅụ sẹbẹm, sị ọ́rụ́ḅọ ọ́rụ́ḅọ amịna fịrị fịnị ḅara ḅụ gbẹ́ẹnyẹ nyánábẹm, anị ibii-o, anị sii-o, n ḅo duma bie.

2 Tẹsalonaikaapụ 1:5

Mị mamgba diepághámam ḅẹ Tamuno ḅẹ́rẹ́kọ karakáram, anịgo ọmịnị ori ásẹ́mẹ́kiri ma sọọ na gbẹ́apụ sọmam, o goo tọ́rụ́siarị ma arịị nyẹ.

Hiburuapụ 3:13

Anịmanakaragha ọmịnị ịnyọ pa jụghọ jụghọ ḅụ sua éné gbọrụ. Anịị nnị pa <> sị nyẹ gonyẹ́ gonyẹ́ sị sii oḅori pa kị́nị́ sị mịẹbịgha ḅara sị wa kụ́rọ kúkúbie sua.

Hiburuapụ 3:15

Mịị anị Tọ́ndiri ma dughonyẹ: <>

Hiburuapụ 4:7

Tamuno pịghị jẹ́ éné wárịmam, ọ pa mịmgba éné sị nyẹ. Sáá ḅo ibima ḅọ́rọ́ sáá Tamuno Deviti bịpị pa dughom, n gịẹ ḅọ́rọ́ma maá ḅara Tọ́ndiri ma bie ḅẹ́: <>

Jems 5:3

Ọmịna odoḅala na pị́naḅala pịghị ajarị mịẹmam, mị ajarị ma pịghị onyẹ́sẹ ọ pịrịbẹm, anị pịghị ọmịna ojumẹnị dọghụmabẹm fịnị ḅara ma, ọmịnị ngọ kọọ bima wárịmam, mị kunema éné ma.

2 Pita 2:9

Mịnanyẹ mamgba diearị ḅẹ́ Kị́nị́nyánáḅọ ma so nimim ọ Tamuno dighi ḅáláfaapụ ma duaḅọ́rọ́maarị ḅara nna daádighi ḅụ, sị pịghị sii túminị́ ma pa tọ́rụ́siarị ḅụ kóróma ḅẹ́rẹ́kọọ éné la.

2 Pita 3:7

Kụ́ma mị́sa fịnị so ma na kiri ma, gbẹ́rẹ́ Tamuno ẹ́gẹ́rẹ́ ma anịị nnị pa anị ọlọ warị anị dọ́ghụ́ma bẹ fịnị pịrịnyẹ. Nnị nnị pa ḅẹ́rẹ́kọọ éné ma kuruarị, nnị Tamuno nímighaapụ ma sịbị ḅẹ́rẹ́kọ si pịghị n guluguluma.

Judu 1:6

Ọmịnị sookumuapụ ma pa biekóróma, mịnị nna ḅụ pa nna kụrọ láa kunema angaá ḅụ warighaapụ, kụ́ma nna fịnị yọ warisom: n gbámásó ịkóli pa n suamam sughubie fịnị kánákáná ma bie, Tamuno n pa warị pa anị opu éné ma kúru nna ḅẹ́rẹ́kọ éné nnị n guluguluma bẹ sáá.

Puu Findi 2:21

A sáá pa a pịrịmam ḅẹ́ árị arị sii ḅụ pịghị, kụ́ma a pịghị dọghụgha árị yáakuu ḅụ ofori nwángị duma ḅụ.

Puu Findi 6:17

Ḅẹẹ nna igani ma opu éné ḅoomam, tụọ ine sẹ bẹ?>>