Romapụ 2:29 - Ibani New Testament

²⁹ tụ́ma karakárá Juuḅọ anịị dada Juuḅọ biebẹ, anịḅọ ma Tọ́ntọ́ Tẹ́mẹ́ ma tọ́ngọ̄ pẹ́lẹ́ fịrị ma nwángịmam n ḅọ tẹ́mẹ́bie nnị gịẹ kóróma ólóghó ma anị fịrị ma nwángịgha. Ọkọfịnị tumḅọ Tamuno ḅara ḅo túminí nyanaḅoarị, túminị́ ḅara ḅo nyẹ́gha.

Romapụ 2:29 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 11:39

Kị́nị́nyánáḅọ warị ọ ḅẹẹ, <

Ibi Oku Ma Luk Anị Gịẹ Ḅara 17:21

Gbẹ́rẹ́ḅọ sọ dughobịgha ḅẹẹ, anịgha ḅẹẹ, tegó Tamuno Ásẹ́mẹ́kiri ma ị ḅụbie imi.>>

Ibi Oku Ma Jọn Anị Gịẹ Ḅara 12:43

tegó mịịapụ ma nnị túminị́ ḅara ḅoo túminí ḅẹlẹma Tamuno ḅara ḅo nyẹ nẹngịm.

Ibi Oku Ma Jọn Anị Gịẹ Ḅara 4:23

Sáá ḅoarị sáá ma pịghị lámam, karakárá ḅụ Tamuno tẹ́ghẹ̄arịapụ ma Daḅọ ma tẹ́ghẹ̄bẹm tẹ́mẹ́ ḅụ na pịghị karakárá ḅụ, ḅẹ́ mịná Tamuno tẹ́ghẹ̄apụ ma anịị Daḅọ ma biarịapụ.

Ibi Oku Ma Jọn Anị Gịẹ Ḅara 5:44

Ọ tọ́rọ pa ine minini bẹ, o jụghọ jụghọ ḅara túminí biarị sáá, kụ́ma ọ ḅẹnyẹ ḅẹnyẹ mịẹgha sị Tamuno ma ngéré ḅara ḅoo túminí nyáná?

Romapụ 14:17

Tamuno ma kọnsịn ma fị na ḅụ na ḅụghaa, kụ́ma karakárá ibiamịẹnyẹ ḅụ, diin ḅụ, na bieḅẹlẹ ḅụ Tọ́ntọ́ Tẹ́mẹ́ ma pịrịarịnyẹ.

Romapụ 2:27

Anịgosi ọmịnị Juuapụ ma, Juughaapụ ma ọ sịbị ḅẹ́rẹ́kọbẹm tegó ọmịnị ólóghó ma kaam, anịsọ nị ḅẹẹ, ólóghó ma nnị gịẹ kóróma ọ pịrịm, pịghị ọmịna tọ́ngọ̄ pẹ́lẹ́ Juughaapụ ma ólóghó ma kokom anịsọ nị ḅẹẹ, nnị ḅara pa nna tọ́ngọ̄ pẹ́lẹ́gha.

Romapụ 3:1

Juuḅọ sọ ma anị tẹ́ asọ ḅụ ibiḅaa Juuḅọ sọgha ma nẹ́ngị? Anịgha anị tẹ́ sọọ nyẹ so ḅẹ́ tumḅọ tumḅọ tọ́ngọ̄ pẹ́lẹ́m?

Romapụ 7:6

Mị́sa, anị fịnị ḅara, ólóghó ma ḅárabie wa pághámaḅomam, tegó wa fịị parị ịkóli pa wa suanyẹ ma pịrịmam. Anịgosi wamịnị olom asọ ma duagha n gịẹ kóróma ólóghó ma bịpịsụ́ụ́ angaá, kụ́ma wamịnị ịwọ asọ ma duam Tẹ́mẹ́ ma bịpịsụ́ụ́ angaá.

1 Kọrịntịapụ 4:5

Anịgosi gbẹ́rẹ́ḅọ sịbị sọ ḅẹ́rẹ́kọ ma sáá ma na laagha sáá. Kúruu, ákị múu Kị́nị́nyánáḅọ ma ḅoo sáá láa, ọ kánákánábie ḅọghunyẹ ma pa baá bie pághámaḅobẹm, túminị́ kúkúbie fịnị ḅọghunyẹ ma. Anịsáa anị túminị́ nna ḅụ gbẹ́ẹ̄ túminí nyánáḅọ bẹnyẹ Tamuno ḅara.

1 Kọrịntịapụ 7:19

Ḅọ́rọ́ n tumḅọ tọ́ngọ̄ pẹ́lẹ́m anịgha n pịghị anị pẹ́lẹ́gha, anị mịẹnyẹ ofori; nyẹ mịẹnyẹ ḅẹẹ tumḅọ Tamuno ólóghó kokom.

2 Kọrịntịapụ 10:18

Ḅẹẹ, Tamuno ibi kóróma nyána pịrịapụ ma anịị ọ pịghị ḅọ́rọ́marịapụ, ibi kóróma nyáná nna ḅụ pịrịapụgha.

2 Kọrịntịapụ 3:6

Ori anị wa mịẹ kụrọma sị wamịnị ine fịrịnwangị ịwọ ọ ḅoo ma pịrịnyẹ, mị ịwọ ọḅọọ ma, anịị n gịẹ kóróma ịwọ ólóghó nyánágha, kụ́ma Tẹ́mẹ́ ma angaánye, n gịẹ kóróma ólóghó ma, fịị dighiḅom; kụ́ma Tẹ́mẹ́ ma duma pịrịm.

Filipaiapụ 3:3

Wamịnị anịị karakárá tọ́ngọ̄ pẹ́lẹ́apụ ma nnigha, wamịnị wa Tamuno tẹ́ghẹ̄arị ori Tẹ́mẹ́ ḅụ ḅọ́rọ́, pịghị bieḅẹlẹ nyáná wámịna duma Krais Jizọs bie. Wa tẹ́mẹ́ pa ojumẹnị mịẹ mịẹnyẹ ḅụ gbánāgha.

1 Tẹsalonaikaapụ 2:4

Anịmanakaragha, wamịnị ẹ́gẹ́rẹ́kọarị Tamuno bi ḅara, tegó ọ́ wa daádighiman sị árị ḅo ḅẹ́ ori ine mị ibi oku dugho wásáma pa wa ḅarabie suabẹm. Wamịnị asọ dọghụgha ḅẹ wa túminị́ tẹ́mẹ́ mịẹ ḅẹ́lẹ́maa, kụ́ma Tamuno tẹ́mẹ́ mịẹ ḅẹ́lẹ́maa, anịị wa mịẹarịnyẹ ori ma anịị pịghị wámịna tẹ́mẹ́bie nimiḅo.

1 Pita 3:4

Anịmanakaragha ọmịna ibi anị ḅụ die ọmịna kúkúbie fịnị ḅára, tumḅọ tọ́rụ pa arịgha nyẹ, sịrịfa faghaa ibii, ḅụ́sitéréma na diin tẹ́mẹ́ ḅụ saghị ḅo nyẹ anịị Tamuno tórúku nyẹ́la ḅa nyẹ.