Romapụ 2:27 - Ibani New Testament

²⁷ Anịgosi ọmịnị Juuapụ ma, Juughaapụ ma ọ sịbị ḅẹ́rẹ́kọbẹm tegó ọmịnị ólóghó ma kaam, anịsọ nị ḅẹẹ, ólóghó ma nnị gịẹ kóróma ọ pịrịm, pịghị ọmịna tọ́ngọ̄ pẹ́lẹ́ Juughaapụ ma ólóghó ma kokom anịsọ nị ḅẹẹ, nnị ḅara pa nna tọ́ngọ̄ pẹ́lẹ́gha.

Romapụ 2:27 ပူးပေါင်းရင်းမြစ်များ

Matiu 3:15

Jizọs pagharam, <> Jọn warị minini.

Fịrị Ḅara 13:22

Tamuno Sọl sịị́ sa, ọ Deviti pa ámányánáḅọ mịẹm. Mị o gboloma sị Tamuno dughonyẹ:

Romapụ 13:10

I ḅọ́rọ́ kị́nị́ ḅẹlẹma jẹ́ ene jẹ́ ene ị siinyẹ pa n ḅọ mịẹbịgha, kị́nị́ ḅẹ́lẹ́maarị ḅọ, ólóghó mamgba kokomam.

Romapụ 2:15

Nna mịẹnyẹ diearị ḅẹ́ ólóghó ma dughonyẹ n gịẹ kórómam nna kúkúbie. Nna tẹ́mẹ́bie sọ onyesẹ́arị ḅẹ́ mịma tụ́manyẹ, nna tẹ́mẹ́bie jẹ́ sa ḅẹ́rẹ́si pa n pịrị sa pịghị jẹ́ sa ḅẹ́rẹ́ ibima.

Romapụ 2:20

nyẹ́nimighaapụ nyẹ́dieapụ, dọghụdọghụ awọ nyẹ́dieapụ, tegó o nimitẹ́lẹ́mam ḅẹ́ ólóghó ma bie níminyẹ na karakárá anị bie bifụ́fụ́m.

Romapụ 2:25

Ị ḅọ́rọ́ ólóghó ma koko koko, ị́yẹ́ tọ́ngọ̄ pẹ́lẹ́ ma sọ́nyẹ ḅụ sọ́bẹm; kụ́ma ḅọ́rọ́ ịrị ólóghó ma kokogha kokogha, anị fịnị ḅárá sọ́ḅọ́rọ́ ịrị ị́yẹ́ tọ́ngọ̄ pẹlẹ so pẹ́lẹ́gha.

Romapụ 2:26

Ḅọ́rọ́ Juughaḅọ tọ́ngọ̄ pẹ́lẹ́ghaḅọ, ólóghó ma dughonyẹ mịẹm, Tamuno ori ákị́bịgha sọ́ḅọ́rọ́ ori tọ́ngọ̄ pẹ́lẹm.

Romapụ 2:29

tụ́ma karakárá Juuḅọ anịị dada Juuḅọ biebẹ, anịḅọ ma Tọ́ntọ́ Tẹ́mẹ́ ma tọ́ngọ̄ pẹ́lẹ́ fịrị ma nwángịmam n ḅọ tẹ́mẹ́bie nnị gịẹ kóróma ólóghó ma anị fịrị ma nwángịgha. Ọkọfịnị tumḅọ Tamuno ḅara ḅo túminí nyanaḅoarị, túminị́ ḅara ḅo nyẹ́gha.

Romapụ 3:30

Gbẹ́rẹ́ Tamuno ngéré anịị fịnịnyẹ, ọ mịẹm si Juuapụ ma karakárá ibiamịẹnyẹapụ sọ nna minini ḅụ ḅọ́rọ́ pịghị Juughaapụ ma pa karakárá ibiamịẹnyẹapụ so nna minini ḅụ ḅọ́rọ́.

Romapụ 8:4

Tamuno mịma mịẹm sị ólóghó ma bi karakárá ibiamịẹnyẹ fịrị ma bí ḅara pa anị ḅụ die bẹ ḅara wámịna ḅụ, ojumẹnị dua duma kọghaapụ kụ́ma Tẹ́mẹ́ ma dua duma kọapụ.

1 Kọrịntịapụ 7:19

Ḅọ́rọ́ n tumḅọ tọ́ngọ̄ pẹ́lẹ́m anịgha n pịghị anị pẹ́lẹ́gha, anị mịẹnyẹ ofori; nyẹ mịẹnyẹ ḅẹẹ tumḅọ Tamuno ólóghó kokom.

2 Kọrịntịapụ 3:6

Ori anị wa mịẹ kụrọma sị wamịnị ine fịrịnwangị ịwọ ọ ḅoo ma pịrịnyẹ, mị ịwọ ọḅọọ ma, anịị n gịẹ kóróma ịwọ ólóghó nyánágha, kụ́ma Tẹ́mẹ́ ma angaánye, n gịẹ kóróma ólóghó ma, fịị dighiḅom; kụ́ma Tẹ́mẹ́ ma duma pịrịm.

Galesiaapụ 5:14

Ólóghó mamgba gbẹ́rẹ́nyẹ dughoarị, <>

Ẹ́fịsọsapụ 2:11

Ọmịnị Juughaapụ nnị o yii sa, o biekóróma ọ fịnị ḅara, ḅọ́rọ́maa sáá, Juuapụ ma <> pa ọ sim, warị tọ́ngọ̄ pẹ́lẹ́apụ pa nna ḅụ siiapụ (mịma anị túminị́ nna oju pa mịẹarịnyẹ).

2 Timoti 3:15

Ịrị pịghị biekóróma ḅẹ sághị ị́ ịrụ sáá éné éné i Tọ́ndiri ma nimimam ine níminyẹ pa ị pịrịbẹnyẹ si ị daa muu dụaḅọ́rọ́ma nyáná Krais Jizọs ḅụ fịnị minini ḅụ ḅọ́rọ́.

Hiburuapụ 11:3

Minini ḅụ ḅọ́rọ́ anị wa akanyaḅo nyẹ ḅẹ́ tuminikiri gbọrụ ma Tamuno ọrẹ ẹ́gẹ́rẹ́ pa anị tẹmẹm, si mị́sa tuminị árịarị nyẹ ma, nnị tọ́rụ́ pa árịgha nyẹ ma pa anị tẹmẹm.