Romapụ 2:14 - Ibani New Testament

¹⁴ Juughaapụ ma, nnị Mosis ólóghó ma nyanagha kụ́ma nna tẹ́mẹ́bie ḅọ́rọ́ ólóghó ma dughonyẹ mịẹmịẹ, n diepághámamam ḅẹ́ n nimim nnị mịẹna ibi nyẹ na nnị mịẹna ibighaa nyẹ, karakárányẹ ḅẹ́ nnị ólóghó ma nyanagha mḅẹ́sọ.

Romapụ 2:14 ပူးပေါင်းရင်းမြစ်များ

Fịrị Ḅara 10:35

ḅẹẹ o dighi ḅáláfaapụ sị pịghị karakárányẹ mịẹ mịnaapụ ma anịị ọ daakịarịapụ, ọ balagha nnị saghị ḅo angaá.

Fịrị Ḅara 14:16

Ḅọ́rọ́maa sáá, ọ túminị́ mamgba warịsom sị nnị nna tẹ́mẹ́ bi ḅara mịẹ.

Fịrị Ḅara 17:30

Ḅọ́rọ́maa sáá, túminị́ Tamuno nimigha sáá ori n dighi tọ́rụ́sim, warị tọ ḅẹ ọ́rụ́ḅọ ọ́rụ́ḅọ amịna sii ḅụ pịghịị.

Romapụ 1:32

Nnị nimim Tamuno ologho ma dughonyẹ ḅẹẹ, nwọfịnị duma kọọapụ fịị anịị nnị na gbẹ́ẹ̄ nyẹ, anị so n pa anịma nẹ́ngịma siiamịẹnyẹ mịẹarị, pịghị anị siiamịẹnyẹ ma miẹrịapụ túminíarị.

Romapụ 2:12

Juughaapụ ma, ólóghó ma nyánágháapụ siinyẹ mịẹ sa, nnị nna sịbị ḅẹ́rẹ́kọm ólóghó ma nyánágháapụ ḅara, Juuapụ ma ólóghó ma nyánáapụ siinyẹ mịẹ sa, nnị ólóghó ma pa nna sịbị ḅẹ́rẹ́kọbẹm.

Romapụ 2:15

Nna mịẹnyẹ diearị ḅẹ́ ólóghó ma dughonyẹ n gịẹ kórómam nna kúkúbie. Nna tẹ́mẹ́bie sọ onyesẹ́arị ḅẹ́ mịma tụ́manyẹ, nna tẹ́mẹ́bie jẹ́ sa ḅẹ́rẹ́si pa n pịrị sa pịghị jẹ́ sa ḅẹ́rẹ́ ibima.

Romapụ 2:27

Anịgosi ọmịnị Juuapụ ma, Juughaapụ ma ọ sịbị ḅẹ́rẹ́kọbẹm tegó ọmịnị ólóghó ma kaam, anịsọ nị ḅẹẹ, ólóghó ma nnị gịẹ kóróma ọ pịrịm, pịghị ọmịna tọ́ngọ̄ pẹ́lẹ́ Juughaapụ ma ólóghó ma kokom anịsọ nị ḅẹẹ, nnị ḅara pa nna tọ́ngọ̄ pẹ́lẹ́gha.

1 Kọrịntịapụ 11:14

Tegó, tuminikiri nyẹ fịnị ḅara kọkọ pa o die ḅẹẹ nángwọ sịbị núme owitụ́wọ sịbị ó ḅụ́gịrịrịma nyẹ.

1 Kọrịntịapụ 9:21

Anị gbẹ́rẹ́ ḅara ma a Juughaapụ ma na fịrịnwangịarị sáá, a Juughaapụ ma ḅara pa duma kọọm sọ́ḅọ́rọ́ Juuapụ ólóghó ma ịḅụ kụrọ nyanagha nyẹ, sị a ine Juughaapụ ma akuoo Krais pịrịbẹ ḅara. Mịma anị dieghaa ḅẹẹ a Tamuno ólóghó ma kokogha; a karakáráma Krais ólóghó ma sughubie imi.

Ẹ́fịsọsapụ 2:12

Anịsáa ma ḅụ, nnị o fófóomam Krais ḅụ, ọmịnị igoniapụ, pịghị Tamuno sẹ́lẹ́akị Izirẹlịapụ ma na oforii, ọmịnị ọḅọọ ma ḅụ dienyẹ nyanagha, Tamuno mini ori a túminị́ pịrịnyẹ ḅụ gbananyẹ, o mịị tuminikiri bie imim, ọ Tamuno nimigha, ọ pịghị tọ́rụ́ dighinyẹ nyanagha.

Ẹ́fịsọsapụ 2:3

Wamịnị mamgba nnị kị́kám, sị wámịna duma kọọ ojumẹnị tarịarịnyẹ ḅụ na pighi wámịna kóróma na wámịna ojumẹnị dọghụnyẹ mịẹ. Wámịna siiamịẹnyẹ ojumẹnị ma fịnị ḅara ma, n tọ ḅọ́rọ́mam ḅẹ́ Tamuno igani wa láabẹm anịị anị pịghị fịnị kị́nị́mamgba pịrị ḅara.

Filipaiapụ 4:8

Kunemaá, ịyẹa nángwọ́apụ ọ mịnanyẹ ma pa ọmịna tẹ́mẹ́bie sua bima, ibi nyẹ gonyẹ́ gonyẹ́ sị túminị́ túminíarị nyẹ, tụ́manyẹ gonyẹ́ gonyẹ́, osigha nyánányẹ gonyẹ́ gonyẹ́, karakárányẹ gonyẹ́ gonyẹ́, fíafía nyẹ gonyẹ́ gonyẹ́, ḅẹlẹma na ibinyẹ na pighi kuu na ibi nyẹ.