Romapụ 16:25 - Ibani New Testament

²⁵ O ḅo wa Tamuno ma saghị sóghólóma, ori ine ọ mịẹ bẹḅọ sị ọ kụrọ sẹ ọmịna minini ḅụ, Jizọs Krais gboloma sị a dugho wásáma ibi oku ḅụ ḅọ́rọ́, na pịghị nnị ḅọghuma karakáráma nnị ḅọghuma nyẹ ḅọlọ sáá ene ene, mị́sa nnị anị diepághámamam.

Romapụ 16:25 ပူးပေါင်းရင်းမြစ်များ

Matiu 13:17

Ḅẹẹ a karakárányẹ ma dugho ọ pịrịm, tọgha ikiakoroapụ na karakárá ibiamịẹnyẹ túminị́ dọghụarị nnị ọmịnị arịarị nyẹ ma árị, kụ́ma ine arịgha, sị pịghị ọ naarị nyẹ ma náa, kụma ine anị naagha.

Matiu 13:35

Mị ḅara ma anị ikiakoroḅọ ma ẹ́gẹ́rẹ́ ḅo kiriakị ḅara: <>

Matiu 20:7

Nnị warị págháraa ḅẹẹ,

Fịrị Ḅara 20:32

<

Fịrị Ḅara 9:20

Ọ warị sáá ngúmágha pa nna kobiri yọ ma muu, si dugho wásáma ḅẹẹ, Jizọs ori anịị Tamuno Tụ́wọ.

Romapụ 11:25

Gbẹ́rẹ́ ḅọghu tụ́manyẹ imi, a dọghụnyẹ sị o nimi ị́yẹ́ amịnáapụ, anị minibịgha ọ kọ́rọ́ma ọmịna nyẹ́nimi láa ḅara. Mịị Izirẹlị kụrọ kúkúbie ma fịnị mú kunema láabịgha, kụ́ma anị fịnịbẹm ákị mú Juughaapụ ma kịẹbịpị Tamuno damaḅo bẹapụ kara sa láa.

Romapụ 14:4

Ịrị tụọ jụghọ fịrịnwangịḅọ sịbị ḅẹ́rẹ́kọarị ḅo? Ómóniḅọ ma nyánáḅọ anịị ine dugho bẹḅọ ḅọ́rọ́ ori fịrịnwangịḅọ ibifịrị nwángị anịgha o sii fịrịnwangị nwángịị. Nnị ibifịrị nwángịbẹm tegó Kị́nị́nyánáḅọ ma ine mịẹbẹm sị nnị ibifịrị nwángị.

Romapụ 16:24

Wámịna Nyánáḅọ Jizọs Krais tọ́rụ́kụrụkụ́rụ́ ọmịnị mamgba na fịnịị.]

Romapụ 2:16

A dugho wásáma ibi oku ma dugho ḅara ḅụ, mịị anị fịnị bẹ ḅara anị éné ḅụ Tamuno Jizọs Krais ḅụ ḅọ́rọ́ túminị́ ḅọ́ghụ́ kóróma ḅụ ḅẹ́rẹ́kọ bẹ sa.

1 Kọrịntịapụ 1:23

Wamịnị ma, wa n ḅaupálị Krais ma dugho wásámaarị, mị oku ma anị Juuapụ iganịmaarị, Juughaapụ ma anị nyẹ ḅụ oforighaa nyẹ sọm;

1 Kọrịntịapụ 2:7

Kụ́ma wa dugho wásámaarị opu níminyẹ ma anịị Tamuno ḅọghu opu níminyẹ ma, n pa tuminikiriapụ ḅọghuma nyẹ, ọ sẹlẹakị nyẹ nịị n tuminikiri ma tẹ́mẹ́gha sáá wámịna ipine goo.

1 Kọrịntịapụ 4:1

Túminị́ Krais fịrịnwangịapụ ḅara pa wamịnị akị na ibim, n Tamuno ori ḅọghu karakáráma pa pịrịapụ ḅẹ́ nnị anị pa túminị́ die.

2 Kọrịntịapụ 4:3

Ḅọ́rọ́ wa dugho pághámaarị ẹ́gẹ́rẹ́ ma ḅọghu angaá imi, anị ḅọghu angaá fịnị faarịapụ ma pịrịm.

2 Kọrịntịapụ 4:5

Wa wámịna ḅụ dugho wásámagha, kụma wa Krais dugho wásámaarị ḅẹ́ ori anị Kị́nị́nyánáḅọ sị wamịnị, ọmịna fịrịnwangịapụ Jizọs ẹrẹ́sị.

Galesiaapụ 2:2

A aningáa ma múm tegó, Tamuno ị tọ́rụ́ findim ḅẹ́ a muu. A aningáa fịnị sáá, ngaḅụ, a Tamuno kubiri ogbo ma sịbịdaapụ na ẹ́gẹ́rẹm. Á bim nnị akanyaḅo a dugho wásáma Juughaapụ pịrịarị ibi oku ma, a bigha ị́yẹ́ fịrịị parị sáá, na mị́sa na ḅo papanyẹ sọọ.

Ẹ́fịsọsapụ 1:9

Tamuno pa wa diemam ḅọghu sị ọ mịẹ dọghụnyẹ ọ tọ ḅara ḅụ, mịma anịị ọ mịẹ kárámá bẹnyẹ Krais ḅụ ḅọ́rọ́.

Ẹ́fịsọsapụ 3:11

Tamuno mịma mịẹm ọ tọ́ọ warị ḅara, o pịghị mịẹsị anị wámịna Nyánáḅọ Krais Jizọs ḅụ ḅo kiriakịnyẹ.

Ẹ́fịsọsapụ 3:9

pịghị mịẹsị túminị́ mamgba árị, Tamuno ọ tọ́ọ ḅọ́rọ́ma sị ḅọghunyẹ ma anị kiriakị. Tamuno ori nyẹ gonyẹ́ gonyẹ́ tẹ́mẹ́ḅọ ori ḅọghunyẹ ma pa túminị́ ḅọghumam ḅọ́rọ́maa ḅụọ ḅụọ ḅụ.

Ẹ́fịsọsapụ 6:19

Pịghị tẹ́ghẹ̄ i pịrị ḅẹ́ a bịpị findi sa gonyẹ́ gonyẹ́ ori oku pa i pịrịbẹm sị a ḅáláfaghaa ḅara ḅụ, a ine ibi oku ma ḅụ ḅọghunyẹ dugho wásáma bẹ ḅara.

Kolosiapụ 2:2

A mịma mịẹm sị nnị tẹ́mẹ́kụ́rọ nyáná sị gbẹ́rẹ́ ḅẹlẹma ḅụ fịnị sị nnị ine bii fụ́fụ́ sị káara akanyaḅo nyáná, mị ḅara ma nnị Tamuno ḅọghunyẹ ma nimibẹm, anịị Krais ma ḅụgbọrụ.

Kolosiapụ 4:3

Pịghị tẹ́ghẹ̄ wa pịrịị ḅẹ́ Tamuno oku ma dugho wásáma ḅụ́pọ́ findi wa pịrị, sịị wa ine Krais ḅụ fịnị ḅụ́gbérépuma nyẹ ma dugho págháma mị́sa a goo ikólibie fịnịnyẹ.

1 Tẹsalonaikaapụ 3:13

Mịị ḅara ma ori ịnyọ pa ọ ḅụ suabẹm sị mịẹsị ọ kpain pịghị tọ́ntọ́ ḅụ fịnị wámịna Tamuno na Daḅọ ma toruku, wámịna Nyánáḅọ Jizọs ḅo bẹ sa ori na ori tọ́ntọ́apụ.

2 Tẹsalonaikaapụ 2:14

Tamuno ọ sị mịma bie suam wa dugho wásáma ibi oku ma ḅụ ḅọ́rọ́; ori ọ sim ḅẹ́ o ḅo ọmịna diekiri akịị wámịna Nyáná ḅo Jizọs Krais ipine ḅụ.

2 Tẹsalonaikaapụ 3:3

Kụ́ma Kị́nị́nyánáḅọ ma ọmịnị ọ ḅụ tẹ́mẹ́ gbánā ọ pịghị ọ ḅụ ịnyọ suabẹm, sị pịghị o koko sii tumḅọ ma ḅarabie.

2 Timoti 1:9

O wa duaḅọ́rọ́mam pịghị wa sị ḅẹ́ wa ḅoo ori a túminị́ sọọ, wa mịẹmáa nyẹ gosigha, kụ́ma ori mịẹ dọghụnyẹ gosi na ori tọ́rụ́kụrụkụ́rụ́. O mịị tọ́rụ́kụrụkụ́rụ́ ma pa wa pịrịm tuminikiri na saghịgha sa éné éné Krais Jizọs sịbị ḅụ ḅọ́rọ́.

2 Timoti 2:8

Jizọs Krais pa biekóróma, Deviti furo tụwọ, n fịị ḅụ saghịma ḅo nnị anị die ḅara a dugho wásáma ibi oku ma ḅụ.

Taitọs 1:2

mịị karakárá ma ḅụ ḅọ́rọ́ túminị́ tọ́rụ́ dighinyẹ nyánam gbámásó duma nyáná ḅụ, Tamuno ine epeletibịghaḅọ ma mị duma minini wa pịrịm tuminikiri na saghịgha sa,

Hiburuapụ 7:25

Anịma go ori ine mị́sa pịghị sámámgba ọḅụ ḅọ́rọ́ Tamuno damaḅoapụ ma duaḅọ́rọ́mam o duma gbámásom gosi Tamuno tẹ́ghẹ̄m nna sịbị ọ́gọ́nọ.

1 Pita 1:20

Tamuno ọ sẹ́lẹ́akịmam na n tuminikiri ma tẹ́mẹ́gha sáá kụ́ma n warị ọmịnị go ọ diepágháma mị kunema sáá ma.

1 Pita 5:10

Ọ kẹ́lẹ́ tọ́rụ́siarị so sáá, tọ́rụ́kụrụkụ́rụ́ mamgba nyáná Tamuno ma, ọ sị ḅo bẹ ọ ḅo diekiri nyáná ọrẹ gbámásó ipine ma ḅụ Krais bie, ori ma pịghị ọ mịẹ kpaimabẹm, pịghị ọ sẹ kụ́rọ́mabẹm pịghị ịnyọ, na pịghị karakárá súghúise pa ọ pịrị.

Puu Findi 10:7

Kụ́ma sọ́nọ́ma kárámá sookumuḅọ ma ori ọdụ ofuroo sáá, anịsáa Tamuno o tọ́ọ si ḅọghu warị nyẹ mịẹbẹm, o pịghị dugho ori fịrịnwangị ikiakoroapụ ma pịrị ḅara.>>