Romapụ 15:5 - Ibani New Testament

⁵ A Tamuno ma tẹ́ghẹ́arị ingịrịma na tẹ́mẹ́kụrọ ḅára saghị ḅoarịḅọ mịẹsị ọ gbẹ́rẹ́ bịpịfie ọ Krais Jizọs ma duarị ḅara,

Romapụ 15:5 ပူးပေါင်းရင်းမြစ်များ

Fịrị Ḅara 4:32

Minini ogbo ma gbẹ́rẹ́ tẹ́mẹ́ nyanam. Gbẹ́rẹ́ḅọ so amịna nyánányẹ ḅẹgha ḅẹẹ ọ́ inyee, kụ́ma nnị nyána nyẹ gonyẹ́ gonyẹ́ nnị pa jụghọ jụghọ na diem.

Romapụ 12:16

Diin ḅụ kị́nị́mamgba na ngaa. Opuamịẹnyẹ mịẹma, kụ́ma mịẹkụ oforiapụ ma na nangwọ mịẹ. Nyẹ́nimiḅọ ḅara pa ịḅụ arịma.

Romapụ 15:13

A tẹ́ghẹ̄arị ḅẹ́, Tamuno ma, tọ́rụ́dighi nyẹ ḅara saghị ḅoḅọ opu bieḅẹlẹ na diin pa ọ pịrị, ọmịnị ọ ḅụ nyáná minini ḅụ ḅọ́rọ́ sị ọmịna tọ́rụ́ dighinyẹ sẹnị tórúku tórúku mú Tọ́ntọ́ Tẹ́mẹ́ ma kụrọ ḅụ.

Romapụ 15:3

Krais ọ ḅụ go ọ mịẹnyẹ mịẹgha o bieḅẹlẹ bẹ ḅará, anịmanakaragha, n gịẹ kóróma ḅara Tọ́ndiri ma bie, <>

1 Kọrịntịapụ 1:10

I jẹa mininiapụ a ọ́ tẹ́ghẹ̄m wámịna Nyánáḅọ Jizọs Krais ẹrẹ ḅụ ḅẹẹ ó gbẹ́rẹ́ bịpịfie si puama ọmịna ogboku bie fịnịbịgha ḅara. Ọ ḅụ pa gbẹ́rẹ́nyẹ mịẹ ọmịna kúkúbie na ọmịna kóróma ḅụ.

2 Kọrịntịapụ 13:11

Kunemaá, i Daa awọ, ọmịnị ibima fịnịị, asọ nwángịị kpain ḅụ, ị́yẹ́ tẹ́ghẹ̄ẹ̄ bịpị ma pughuu, ọ gbẹ́rẹ́ tẹ́mẹ́ nyáná, o diin ḅụ ngaa, diin na ḅẹlẹma nyáná Tamuno ma ọmịnị na fịnịị.

2 Kọrịntịapụ 7:6

Kụ́ma Tamuno biesííapụ biediinmaḅọ, wa biedịịnmam Taitọs ḅo la sa.

Ẹ́fịsọsapụ 5:2

Ḅẹlẹma pịghị ọmịna duma bie ḅẹrẹtọ, Krais sọ wa ḅẹlẹma ḅara sị ọ ḅụ pa ibima kụ́nụ́ agbaa mịẹ na igwagwaá Tamuno pịrị.

Filipaiapụ 1:27

Mịẹnyẹ gonyẹ́ gonyẹ́ ḅụ árị ḅẹ́ ị́yẹ́ duma Krais ibi oku ma na kuram sị ḅọ́rọ́ a ine anịgha a pịghị inegha sị mú ọmịnị arịị a naábẹm ḅẹ ọ kụrọma sẹ́fịnịarị. Gbẹ́rẹ́ tẹ́mẹ́ ḅụ, na pịghị gbẹ́rẹ́nyẹ pụghọ tarị ḅụ, ọmịnị kị́nị́mamgba o sọ gbólomaarị ibi oku ma minini gosi.

Filipaiapụ 2:2

Anịsáa mịẹsị ị́yẹ́ bieḅẹlẹ bii ọ gbẹ́rẹ́ tẹ́mẹ́bie nyáná ḅara, gbẹ́rẹ́ ḅẹlẹma, gbẹ́rẹ́nyẹ tẹ́mẹ́ ḅụ na pịghị ọ mịẹ dọghụnyẹ ḅụ.

Filipaiapụ 3:16

Anị fịnị ḅara fịnị ḅara wa pa tórúku mú, pa wa duarị ólóghó ma dua mú mị́sa láa.

Filipaiapụ 4:2

Uodiya na Sintiki, páisisi, a ọ tẹ́ghẹ̄m ọmịnị ọmịna nụná ma kunema, ẹ́rẹ́mịnaapụ ḅara Krais bie.

1 Pita 3:20

Mịị anịị Tamuno ẹ́gẹ́rẹ́ ma osigha túminị́ tẹ́mẹ́ ma ḅọlọ sa énéné, Tamuno ọ sa ngúmá kúrúapụ, Nuwa ọrẹ árụ́ ma námáarị sa. Árụ́ ma bie fịnịapụ duḅaghaa, inineapụ ngéré. Mịnaapụ ma ngéré anịị Tamuno mingi ma pa duaḅọ́rọ́maapụ.

1 Pita 3:8

A kunemaarị: ọmịnị kị́nị́mamgba gbẹ́rẹ́ tẹ́mẹ́ nyáná, ḅụnjịrị nyáná, jụghọ jụghọ ḅẹlẹma mịnaapụ ḅara, ọmịnị ibiamịẹnyẹ nyáná pịghị ḅụ siterema jụghọ jụghọ pịrị.

2 Pita 3:15

Kị́nị́nyánáḅọ ingịrịma ma ákị, sọ́ḅọ́rọ́ o findi ị pịrị ḅụ́pọ́ ọ pa ḅọ́rọ́ dụaḅọ́rọ́ma nyáná, wámịna ibi mị́naḅọ Pọl, Tamuno pa ọ pịrị níminyẹ pa ábálálá gịẹ ọ fịrịma ḅara.

2 Pita 3:9

Kị́nị́nyánáḅọ ma o sa ngumabịgha o minini nyẹ mịẹ, jẹ́apụ si ḅara. Tụ́ma ori ngịrịma nyáná ọ pịrịm, dọghụgha gbẹ́rẹ́ḅọ sọ papa fịịfaa, o bim ḅẹ́ kị́nị́mamgba nna sii ḅụ pịghịị.