Romapụ 15:18 - Ibani New Testament

¹⁸ A bịpị findi jẹ́nyẹ gobịgha, kụ́ma Krais i pa nwángịmáa fịrị ngéré gbólómanyẹ anịị a dugho bẹnyẹ, anịị asọ pa Juughaapụ ma die ḅẹ́ nnị Tamuno ma osii. A mịma mịẹmam ẹ́gẹ́rẹ́ ḅụ na pịghị fịrị ḅara ḅụ,

Romapụ 15:18 ပူးပေါင်းရင်းမြစ်များ

Matiu 25:16

Sọ́nọ́a igbii akpa nyáná ḅo owitụ́wọ ma muu anị gbẹ́rẹ́kiri igbii ma pa tụ́ḅokọm sị jẹ́ sọ́nọ́ a akpa nyánáḅoo.

Ibi Oku Ma Mak Anị Gịẹ Ḅara 16:20

Ori ọḅụduaapụ ma muu ngaamamgba ḅụ oku ma dugho wásámám, Kị́nị́nyánáḅọ ma sọ nnị na fịrịma nwángịm pịghị diepágháma ḅẹ́ n kọọ wásámáa ẹ́gẹ́rẹ́ ma tụ́mányẹẹ, ọ nwángị tọgha ḅụ́gbérépuma fịrị ḅụ ḅọ́rọ́.

Fịrị Ḅara 14:27

Nnị ḅo Antịọkụ láa sa, nnị sọsịapụ ma kobirim sị dugho n pịrị Tamuno nnị pa nwángịmáa fịrị, ọ pịghị asọ findi Juughaapụ pịrịmaá ḅara sị n mininii.

Fịrị Ḅara 15:12

Túminị́ mamgba mịnị ine ẹ́gẹ́rẹ́gha, nnị Pọl na Banabas náa n dugho págháma sáá, Tamuno n pa nwángịmáa opuma tọ́rụ daa nyẹ na ḅụ́gbérépuma fịrị Juughaapụ ma bie.

Fịrị Ḅara 15:4

Nnị ḅo Jerusalem la sa, mininiapụ ma na nfịrịmaapụ ma na sẹ́nịapụ ma n datérémam mịnaapụ ma anịị nnị Tamuno nnị pa nwángị fịrị mamgba dugho pịrịapụ.

Fịrị Ḅara 21:19

Pọl sịbịpị pa n siim warị ḅo nyẹ fịnị ḅara mamgba dugho nnị pịrị Tamuno ọ ḅara pa nwángịmáa fịrị mamgba Juughaapụ ogbobie.

Fịrị Ḅara 26:20

Parị parị Damasikọs ḅụ na pịghị Jerusalem na pịghị Judiya gbọrụ, na pịghị Juughaapụ ma bie, a dugho wásáma n pịrịm ḅẹ́ nnị nna sii ḅụ pịghịị, n pịghị sị Tamuno ma damaḅo sị nyẹ mịẹ diepágháma bẹnyẹ ḅẹ́ karakáráma nnị nna sii ḅụ pịghịmam.

Romapụ 1:5

Tamuno Krais ḅụ ḅọ́rọ́ tọ́rụ́kụrụkụ́rụ́ nyáná wa pịrịm sị wa sị ḅẹ́ wamịnị ḅo nfịrịmaapụ sọọ Krais ma ẹrẹ́sị, sị sẹ gonyẹ́ gonyẹ́ ḅụ wa túminị́ daá bẹ ḅara ḅẹ́ nnị ọḅụụ minini pịghị ọ bịpị pughu.

Romapụ 16:26

Kụ́ma mị́sa ikiakoroapụ ma gịẹ kórómanyẹ ma mịẹmam tọghaapụ ḅo karakáráma nimi, Gbámásó Tamuno ma pịghị bịpị pịrịmam ḅẹ́ sẹ gonyẹ́ gonyẹ́ anị karakárá ma nimii si kị́nị́mamgba minini bẹ ḅara pịghị ọkọ mịẹ.

Romapụ 6:17

Kụ́ma wamịnị ịmịẹḅam pa Tamuno ḅẹbẹm! Tegó gbẹ́rẹ́sa biri ọmịnị omoni sọ sii pịrịm, kụ́ma mị́sa ọ nyánáḅọ karakárá dienyẹ ma ọ tẹ́mẹ́ gbọrụ pa anị dughonyẹ mịẹm.

2 Kọrịntịapụ 11:31

Wámịna nyánáḅọ Jizọs Krais Daa, pịghị ọ Tamuno, n túminí bẹḅọ ákị mú ḅẹsá ḅẹsá la, nimim ḅẹẹ a epeletigha.

2 Kọrịntịapụ 12:6

A ḅọ́rọ́ bịpịkpọ dọghụ, a oḅoriḅọ sọbịgha tegó a karakárányẹ ma dughobẹm. Kụ́ma a bịpịkpọbịgha tegó a bigha túminị́ jẹ́ tụ́ma ḅara pa i dighi, nnị árịnyẹ na pịghị i bịpị nnị náanyẹ ḅụ ḅọ́rọ́.

2 Kọrịntịapụ 3:5

Wámịna ḅụbie ḅẹnyẹ ḅẹnyẹ ofori, mịẹsị wa go ine dughoarịnyẹ ḅẹẹ, wa ine mị fịrị ma nwángịbẹm. Wa nyáná ịnyọ ma Tamuno ḅara anị́ị́ anị sághị ḅo nyẹ.

2 Kọrịntịapụ 6:1

Wamịnị na Tamuno na nwángị gbólomaarị fịrị ma, wamịnị ọ tẹ́ghẹ̄m, ọmịnị Tamuno tọ́rụ́kụrụkụ́rụ́ nyánámaapụ ḅẹẹ ọmịnị anị guluguluma ma.

Galesiaapụ 2:8

Tamuno ma kụ́rọ ḅụ nnị i pa nfịrịmaḅọ mịẹ Juughaapụ ma pịrịm, nnị Pita pa nfịrịmaḅọ mịẹ Juuapụ pịrị ḅara.

Kolosiapụ 3:17

Ọ mịẹnyẹ gonyẹ́ gonyẹ́, ḅọ́rọ́ ẹ́gẹ́rẹ́ ḅụ anịgha mịẹnyẹ ḅụ, nyẹ gonyẹ́ gonyẹ́ mịẹ Kị́nị́nyánáḅọ Jizọs ẹrẹ ḅụ, ịmịẹḅam pa Tamuno Daḅọ ma pịrịarị ori ẹrẹ ḅụ ḅọ́rọ́.

2 Tẹsalonaikaapụ 2:17

Ọmịna kúkúbie mịẹ kụ́rọ́ma sị pịghị ịnyọ pa ọ pịrịị ọ mịẹarị ibifịrị gonyẹ́ gonyẹ́ ḅụ na pịghị ọmịna ibi ẹ́gẹ́rẹ gonyẹ́ gonyẹ́ ḅụ.

Hiburuapụ 11:8

Minini anị Ebraham mịẹnyẹ sị ọbịpị pughu nyẹ, Tamuno osii sa ḅẹ́ ori ọrẹ sẹ wáriso sị o minini ọ pịrị ama ma mú. Ori ọrẹ ámá warịsom nimigha o muarị anga.

Hiburuapụ 5:9

Nnị o mịẹ kpainma sa, ọ warị anị ḅụ ḅọ́rọ́ gbámásó dụaḅọ́rọ́ma pa ọ dughonyẹ mịẹapụ gonyẹ́ gonyẹ́ pịrị.

Jems 1:22

Ọmịnị oḅori pa ọ ḅụ suama ḅẹ́, ọmịnị ọrẹ ẹ́gẹ́rẹ́ ma naábẹm, kụ́ma ọmịnị anị pa fịrị ḅụ suabịgha.

1 Jọn 3:18

Ị́yẹ́ ibi awọ, wámịna ḅẹlẹma anị ẹ́gẹ́rẹ́ ḅụ na ḅẹ́lẹ̄ ḅụ kunema ma, kụ́ma wámịna ḅẹlẹma anị ḅụ die mịẹnyẹ ḅụ na pịghị karakárá ḅụ.

Judu 1:9

Maikel sookumuapụ ma sịbịdá oku muḅọ sọ mịma mịẹgha, ori ẹ́kpẹ́dua ma na nụ́nányẹ nyáná sáá ḅẹ tụọ Mosis dua akị bẹ, Maikel ẹ́kpẹ́dua ma dughosimagha kụ́ma dughom ḅẹẹ, <>