Romapụ 15:14 - Ibani New Testament

¹⁴ I jẹa minini mịnaapụ, ịrị ịḅụgḅọrụ mininim ḅẹ́ ọmịnị opuma ibim, ọ pịghị níminyẹ gonyẹ́ gonyẹ́ nyanam, ọ pịghị ine nyẹ pa jụghọ jụghọ diebẹm.

Romapụ 15:14 ပူးပေါင်းရင်းမြစ်များ

1 Kọrịntịapụ 1:5

Krais ḅụ ḅọ́rọ́ o ḅoo áláápụ́ sọmam, ẹ́gẹ́rẹ́ bịpị gonyẹ́ gonyẹ́ ḅụ na pịghị níminyẹ gonyẹ́ gonyẹ́ ḅụ.

1 Kọrịntịapụ 12:8

Tẹ́mẹ́ ma pa gbẹ́rẹ́ḅọ pịrịarị opu níminyẹ oku, mị gbẹ́rẹ́ Tẹ́mẹ́ ma níminyẹ oku pa jụghọ pịrịm,

1 Kọrịntịapụ 13:2

A ine ikiakoro dienyẹ ma nyánábẹm, a ine akanyaḅo nyánábẹm, sị ḅọghunyẹ gonyẹ́ gonyẹ́ akanyaḅo; a ine minini mamgba nyánábẹm a pa ine opu tụ́ndụ́ sumasi bẹnyẹ, kụ́ma a ḅẹlẹma nyanagha nyanagha, ịrị papanyẹ.

1 Kọrịntịapụ 8:1

Mị́sa ọ gịẹnyẹ ma gbolomanyẹ anịị nnị pa igwagwaá n kárá tamuno pịrị fị́nyẹ. Karakárányẹ ḅẹẹ, wamịnị kị́nị́mamgba nyẹ́nimim, n dugho ḅara, anị fịnị ḅara ọkọ fịnị níminyẹ mịẹ mịẹm jẹ́apụ sághị opuamịẹnyẹ mịẹ; kụ́ma ḅẹlẹma tumḅọ mịẹm n ḅọ sẹnị.

1 Kọrịntịapụ 8:10

Didigha ḅọ́rọ́ tẹ́mẹ́ kụrọghaḅọ mịnyẹ ma ḅụ ị́yẹ́ arịị, ịrị mịnanyẹ ma <> nyẹ́fịarị oru warị bie; mịma anị mịẹbịgha sị n ḅo sághị n pa igwagwaá fị́nyẹ fịị?

1 Kọrịntịapụ 8:7

Kụ́ma kị́nị́mamgba mị karakárányẹ ma nimigha jẹapụ n kárá tamuno ma opuma nkeḅemam gosi, nnị ọkọfịnị fị́nyẹ ma fịarị sáá, n siim ḅẹẹ nnị n pa igwagwaá fị́nyẹ fịarị, nna tẹ́mẹ́bie kụrọgha gosi, nnị siim ḅẹẹ nnị pilemam.

2 Kọrịntịapụ 8:7

Ọmịna nyánányẹ gonyẹ́ gonyẹ́ ḅụ ọ mịnị opuma anị nyanam; minini ḅụ, ẹ́gẹ́rẹ́ pụghọ ḅụ, na pịghị níminyẹ ḅụ, ọ mịnị ịnyọ pa ḅárásua dọghụ ḅara, ọ pịghị pa wa ḅẹlẹma ḅara. Wa pịghị bim ḅẹ́ mị ḅẹlẹma fịrị ma ḅụ ọ ḅara findi balagha ḅara ḅụ.

Ẹ́fịsọsapụ 5:9

Baá ma anịị ibinyẹ gonyẹ́ gonyẹ́ akuoarị nyẹ, karakárá ibiamịẹnyẹ mamgba na pịghị tụ́manyẹ mamgba,

Filipaiapụ 1:11

Anịsáa Jizọs Krais ngéré ine pághámaḅoarị karakárá ibiamịẹnyẹ ma anịị ọmịna duma bie bii fụ́fụ́ ḅẹnyẹ, mịma ọ́ pa Tamuno boma pịghị o túminị́.

Filipaiapụ 1:7

Sámámgba ọmịnị i tẹ́mẹ́bie imii anịma gosi anị ḅụ́gbẹm ḅẹ́ a kóróma nyáná ọ pịrị mị́sa a mịẹarị ḅara. Ḅẹẹ ọmịnị mamgba diekiri nyánam Tamuno nyáná i pịrị tọ́rụ́kụrụkụ́rụ́ ma ḅụ, mị́sa a ịkóli bie fịnị sa na pịghị a ịkóli bie ófórigha sa sị pịghị sẹ́kụrọ anị ḅụ pịghị anị mịẹ anị kune nyánáa.

Kolosiapụ 3:16

O wáriso sị Krais ẹ́gẹ́rẹ́ ma bifụfụụ́ ḅara pa ọmịna bie ngaa nyẹ pa jụghọ jụghọ die pịghị opu níminyẹ ḅụ jụghọ jụghọ birinụ́nụ́, ọ núme diri ma súu pịghị núme súu pịghị tẹ́mẹ́ju núme suu ọmịna tẹ́mẹ́bie ịmịẹḅam pa Tamuno ḅẹẹarị.

1 Tẹsalonaikaapụ 5:11

Anịgo, ọ jụghọ jụghọ tẹ́mẹ́ kụrọma ọ pịghị ḅárásua jụghọ jụghọ pịrị, mị́sa ọ mịẹarị ḅara ma.

1 Tẹsalonaikaapụ 5:14

Wa pịghị ọ tẹ́ghẹ̄m, wámịna Daa awọ, ọ mini fịrịnwangịghaapụ ma birinụ́nụ́ ḅẹẹ, nnị ọkọ mịẹma, nnị ḅáláfáarịapụ ma kúkúbie kụrọma, ḅárásua ḅárásua biapụ pịrị, mgịrịma nyáná kị́nị́mamgba pịrị.

2 Tẹsalonaikaapụ 1:11

Anịị wa go sámámgba tẹ́ghẹ̄ ọ pịrịarịnyẹ, wa pịghị biiarị ḅẹ́ Tamuno pa ọ sị sịị ma ọmịnị anị ḅụ ḅụ́gbẹ́ duma kọọ ori kụ́rọ ḅụ ọ pịghị mịẹsị ọmịnị ine ọ́ mịẹ dọghụ ibinyẹ mamgba mịẹ, sị pịghị ọmịna minini fịrị ma mịẹ kárámá.

2 Timoti 1:5

A ị́yẹ́ karakárá minini ma pa biekórómam, ị́yẹ́ opu nyingi Loisi bie parị fịnịnyẹ na i nyingi Unisi nyáná minini ḅara. A mininim ḅẹẹ mịma so ịḅụ imim.

Fịlẹmọn 1:21

Á mị diri ma gịẹárị ḅara, a tẹ́mẹ́kụ́rọ nyánam ḅẹ́ ị a ị ḅara bii nyẹ ị mịẹbẹm, ị pịghị mịẹ a ḅiiḅara nẹ́ngimabẹm.

Hiburuapụ 5:12

Mị́sa ma ḅụ ọ nyẹ́dieapụ sọ naibim, kụ́ma ọ pa dọghụarị n pa parị parị Tamuno ẹ́gẹ́rẹ́ ma dawọ nyẹ́ pa o die, ọ kụ́rọ fị́nyẹ fị na ibi sa, ọfịgha, kụ́ma ndomingi anị obiarị nyẹ.

Hiburuapụ 6:9

Ị́yẹ́ ibi mịnaapụ wa ḅọ́rọ́ nwọpa ẹ́gẹ́rẹ́kọọ sọ, wa biekpọ nyánam ọ fịnị angaá wa nimim ḅẹẹ ọmịnị ibi mịma nẹ́ngị boma nyanam, ọmịna dụaḅọ́rọ́ma na ḅo nyẹ.

2 Pita 1:12

Anịgo a sámámgba mịnanyẹ ma pa o biekórómabẹm, karakárányẹ ḅẹ́ ọmịnị ibiḅara pa anị nimim, ọ nyanaḅo maá karakárá ma ḅụ ọ pịghị sẹ kụrọm.

1 Jọn 2:21

A mị diri ma gịẹ ọ pịrịarị ḅẹgha ḅẹ́ ọ karakáráma nimigha; kụ́ma ọmịnị anị nimim go, ọ pịghị nimim ḅẹ́ gbẹ́rẹ́ epele karakáráma ḅụ saghị ḅobịgha.