Romapụ 14:22 - Ibani New Testament

²² I minini nyẹ gonyẹ́ gonyẹ́ mịnanyẹ ma gbolomanyẹ pa ịrị na Tamuno ogboku wárii. Karịiḅi fịnịị ọ pịrị amịna tẹ́mẹ́ ḅẹ́rẹ́kọ sịrị pa pịrịghaḅọ, anị n ḅọ árị sị mịẹnyẹ ḅẹ́ karakáram.

Romapụ 14:22 ပူးပေါင်းရင်းမြစ်များ

Fịrị Ḅara 24:16

Anịgo a ị́yẹ́ ịnyọ la ḅárá mịẹm sị árị ḅẹ́ a fíafía kúkúbie nyánam Tamuno tórúku na pịghị túminị́ tórúku.

Romapụ 14:14

Kị́nị́nyánáḅọ Jizọs ma asọduaḅọ ḅara, a ibi ma mininim ḅẹ́ anị ḅụ na kị́nị́ pilemaarị fị́nyẹ ofori; kụ́ma ḅọ́rọ́ tumḅọ minini minini ḅẹ́ jẹa fị́nyẹ imi kị́nị́ pịlemaarị nyẹ, anịsa anị fị́nyẹ ma warị ḅo kị́nị́ pịlema fị́nyẹ sọ anịḅọ ma pịrị.

Romapụ 14:2

Gbẹ́rẹ́ḅọ minini nḅọ warisom nḅọ nyẹ gonyẹ́ gonyẹ́ fị, kụ́ma amịna minini kụrọghaḅọ pẹdiri ngéré pẹm.

Romapụ 14:23

Kụ́ma ḅọ́rọ́ nḅọ tẹ́mẹ́ mmẹẹ́ mmẹẹ́ mịẹm nḅọ fị́fị́nyẹ ḅụ, Tamuno ọ sịbị sii ḅẹ́rẹ́kọpẹlẹm ori anị fị sa, tegó ọ mịẹnyẹ ma minini ḅugha. Minini ḅụ tumḅọ mịẹgha nyẹ gonyẹ́ gonyẹ́ sii nyẹẹ.

Romapụ 14:5

Gbẹ́rẹ́ owitụ́wọ gbẹ́rẹ́ éné ákịm ori tọ́ntọ́ éné, jẹ́ owitụ́wọ gbẹ́rẹ́ ḅara pa éné gonyẹ́ gonyẹ́ ákịm. Ọ́rụ́ḅọ ọ́rụ́ḅọ ine dugho amịna ḅụ pịrịbẹm, mịma anị karakárányẹ ma.

Romapụ 2:1

Ịrị, ị jẹ́apụ sịbị ḅẹ́rẹ́kọarị? Ị ḅara pụnụ nyẹ nyanagha, Ịrị tụọ tụọ o, ị jẹ́apụ sịbị ḅẹ́rẹ́kọarị sa warị pịghị n mịẹrị nyẹ ma mịẹ, ị ḅẹ́rẹ́pẹ́lẹ́mam ị sịbị.

Romapụ 7:15

A akanyaḅogha a mịẹarịnyẹ; tegó a mịẹ dọghụnyẹ a ine mịẹgha, kụ́ma a mịẹ dọghụgha nyẹ anịị a mịẹarịnyẹ.

Romapụ 7:24

Irị anịị bieḅẹlẹgha owitụ́wọ! Tụọ i dụaḅọ́rọ́ma bẹ, mịị fịị dighiḅọ i pịrịarị oju ma ḅụ?

1 Kọrịntịapụ 8:7

Kụ́ma kị́nị́mamgba mị karakárányẹ ma nimigha jẹapụ n kárá tamuno ma opuma nkeḅemam gosi, nnị ọkọfịnị fị́nyẹ ma fịarị sáá, n siim ḅẹẹ nnị n pa igwagwaá fị́nyẹ fịarị, nna tẹ́mẹ́bie kụrọgha gosi, nnị siim ḅẹẹ nnị pilemam.

2 Kọrịntịapụ 1:12

Wa bịpịkpọm ḅẹẹ wámịna tẹ́mẹ́bie kụ́rọ kúkúbie pa wa pịrịm ḅẹẹ wámịna duma mị tuminikiri wa pịghị ibima ó nana nyáná gboloma mịẹnyẹ ma, ọ́ Tamuno ḅara sághị ḅo karakárá, na gbụ́nụ́nụ́ na Tamuno tọ́rụ́kụrụkụ́rụ́ kụ́rọ ḅụ ḅọ́rọ́ tumḅọ nyẹ́nimi ḅụ ḅọ́rọ́gha pa.

Galesiaapụ 6:1

Ị́yẹ́ amịna owiapụ, nnị ḅọ́rọ́ kị́nị́ kuu ọkụ́ma siiamịẹnyẹ ḅụ, ọmịnị Tọ́ntọ́ Tẹ́mẹ́ ma nyánáapụ diin ḅara pa n pa karakárá asọ ma ḅụ warị. Kụ́ma ḅụ ẹbị sị ịrịsọ daádighi bie sọbịgha ḅara.

Jems 3:13

Ọmịna bie opu nyẹ́nimi pịghị akanyaḅo nyánáapụ imi? Ọmịnị ọkọọ fịnị ibi duma ḅụ pa anị die, ọ ḅụ sitéréma na opu nyẹ́nimi pa ọ mịẹarịnyẹ gonyẹ́ gonyẹ́ mịẹ.

1 Jọn 3:21

Anịgo ị́yẹ́ ibi nangwọapụ, ḅọ́rọ́ wámịna tẹ́mẹ́bie wa dighi iganịgha wa biekpọ nyánam Tamuno ma tórúku.