Romapụ 14:19 - Ibani New Testament

¹⁹ Anịma go, wamịnị wámịna ịnyọ láa ḅara mịẹsị diin akuo bẹnyẹ ma mịẹ, pịghị jụghọ jụghọ kụrọma bẹnyẹ.

Romapụ 14:19 ပူးပေါင်းရင်းမြစ်များ

Matiu 5:9

Karịiḅi fịnị diin mịẹmịẹpụ pịrị, tegó n Tamuno awọ pa n sịịbẹm!

Ibi Oku Ma Mak Anị Gịẹ Ḅara 9:50

<>

Romapụ 12:18

Ị́yẹ́ ịnyọ láa ḅara mịẹsị kị́nị́mamgba na diin ḅụ fịnịị.

Romapụ 15:2

Ọ́rụ́ḅọ ọ́rụ́ḅọ amịna mị́naḅọ tẹ́mẹ́ miẹḅẹ́lẹ́ma bẹnyẹ mịẹ nna ibi ḅụ, mịẹsị n sẹ́nịbẹnyẹ minini ḅụ.

1 Kọrịntịapụ 10:23

Anịị n dugho ḅara ḅẹẹ, <> Anịma karakáram, kụ́ma nyẹ gonyẹ́ gonyẹ́ sọ́nyẹ ḅụ sọ́gha

1 Kọrịntịapụ 10:33

Pa a mịẹḅara mịẹ, a asọ dọ́ghụm sị a kị́nị́mamgba tẹ́mẹ́ mịẹ ḅẹlẹma, a mịẹarịnyẹ, gonyẹ́ gonyẹ́ ḅụ, ị́yẹ́ angaá ibi pa biekoromagha pa, kụ́ma kị́nị́mamgba ibi sị n dụaḅọ́rọ́ma nyána bẹ ḅara.

1 Kọrịntịapụ 14:26

Mịị a dughoarị nyẹ ị́yẹ́ amịnáapụ. O kobirimaẹrẹ tẹ́ghẹ̄ ḅụ, gbẹ́rẹ́ḅọ núme nyánam, jụghọ oku nyanam kịrị ẹ́gẹ́rẹ́ ḅẹ́lẹ̄ ḅụ, jụghọ pa n dughonyẹ ma dughofindi. Nnị nyẹ gonyẹ́ gonyẹ́ mịẹbẹm pa sọsị ma mịẹ sẹnịmaa.

1 Kọrịntịapụ 14:3

Kụ́ma ikiakoroarịḅọ gonyẹ́ gonyẹ́ ẹ́gẹ́rẹ́ túminị́ pịrịarị sị pa ịnyọ pa nna ḅụ sua, nna tẹ́mẹ́ kụ́rọ́ma na pịghị nna bie diinma.

1 Kọrịntịapụ 14:4

Jẹ́ ḅẹ́lẹ̄ pa ẹ́gẹ́rẹ́kọarịḅọ gonyẹ́ gonyẹ́ ịnyọ pa n ḅọ ḅụ ngéré ḅụ suarị, kụ́ma ikiakoroarịḅọ gonyẹ́ gonyẹ́ ịnyọ pa sọsị gbọrụ ma ḅụ suarị.

1 Kọrịntịapụ 14:5

A biibẹm ḅẹẹ ọmịnị kị́nị́mamgba kịrị ḅẹ́lẹ̄ pa ẹ́gẹ́rẹ́kọọ kụ́ma anị i ḅụḅẹ́lẹ́ḅabẹm ḅọ́rọ́ ọmịnị kị́nị́mamgba ikiakoro. Ḅẹẹ ikiakoroarịḅọ ma nyẹ ḅụ sọ kịrị ḅẹ́lẹ̄ pa kọọarịḅọ ma nẹngịm ḅọ́rọ́ kị́nị́ ofori sị n ḅoo kọọ ẹ́gẹ́rẹ́ ma dughofindi sị pa sọsị gbọrụ ma mịẹ sẹnịmaa.

1 Kọrịntịapụ 7:15

Anị fịnị ḅara ma, ḅọ́rọ́ Krais ḅụ mininigha taáḅọ ma anịgha deeḅọ ma ḅẹẹm n ḅọ so dọ́ghụm, anị wárịso anị ọkọ fịnị. Anị ọkọ koro sáá, minini ọ́rụ́ḅọ ma, ḅọ́rọ́ deeḅọ anịgha táaḅọ, ólóghó n ḅo ọlọgha. Tamuno wa sịmam ḅẹẹ wa ḅo diin ḅụ ngaa.

1 Kọrịntịapụ 8:1

Mị́sa ọ gịẹnyẹ ma gbolomanyẹ anịị nnị pa igwagwaá n kárá tamuno pịrị fị́nyẹ. Karakárányẹ ḅẹẹ, wamịnị kị́nị́mamgba nyẹ́nimim, n dugho ḅara, anị fịnị ḅara ọkọ fịnị níminyẹ mịẹ mịẹm jẹ́apụ sághị opuamịẹnyẹ mịẹ; kụ́ma ḅẹlẹma tumḅọ mịẹm n ḅọ sẹnị.

2 Kọrịntịapụ 12:19

O sị ḅẹẹ mị́sa mamgba wa wámịna ḅụ pighiarị ọmịna toruku. Anị ọkọ fịnịgha Tamuno ị́yẹ́ onyésẹ̄ḅọ ḅara, a karakáráma dugho ọ pịrịm Krais ómóniḅọ ḅara. Wa pịghị mịẹarịnyẹ gonyẹ́ gonyẹ́ mịnaapụ, anịị pa ḅárásua ọ pịrị!

2 Kọrịntịapụ 13:11

Kunemaá, i Daa awọ, ọmịnị ibima fịnịị, asọ nwángịị kpain ḅụ, ị́yẹ́ tẹ́ghẹ̄ẹ̄ bịpị ma pughuu, ọ gbẹ́rẹ́ tẹ́mẹ́ nyáná, o diin ḅụ ngaa, diin na ḅẹlẹma nyáná Tamuno ma ọmịnị na fịnịị.

Ẹ́fịsọsapụ 4:12

O mịma mịẹm pa Tamuno túminị́ tẹ́lẹ́ma warị pa Krais asọ duarịapụ ma fịrị pịrị, sị nnị ibima Krais oju ma, anịị Tamuno kubiri ogbo ma nama tẹ́lẹ́ma bẹ ḅara,

Ẹ́fịsọsapụ 4:29

Nyẹ pa kịnịlama bẹ ẹ́gẹ́rẹ́, kọọma, kụ́ma ḅárásua bẹ ẹ́gẹ́rẹ, túminị́ mịẹsị n sẹnịbẹ nyẹ, si túminị́ bii nyẹ pa nnị pịrịarịnyẹ, si ị́yẹ́ dughonyẹ ibinyẹ pa anị naapụ mịẹbẹ ḅara.

1 Timoti 1:4

Dugho n pịrị ḅẹ́ nnị mịnị sáá ngúmá nyẹ ḅụ ofori lughu ma na n gịẹ kóróma mánámāná tádọ́apụ ẹrẹ ma pịrịma, mịma nụná ngéré anịị anị dighiḅoarị nyẹ, mịná nụná ma minigha tumḅọ ine Tamuno fịrị ma nwángị, mịma anịị tumḅọ ine mịẹbẹnyẹ ḅọ́rọ́ n ḅọ Tamuno ma ḅụ minini nyáná ọkụma.

2 Timoti 2:22

Ọmịnị ọ ḅụ si ásáawọ na ẹ́rẹ́maawọ ojumẹnị tarịarịnyẹ ma ḅụ, sị ịnyọ pa karakárá ibiamịẹnyẹ dua, minini, ḅẹlẹma na diin na. Ị mịma mịẹbẹm ịrị na tẹ́mẹ́ fíafía ḅụ Kị́nị́nyánáḅọ ma sịarịapụ mamgba ḅẹ́ ọ ḅárásua n pịrị.

Hiburuapụ 12:14

Ḅụ́kọ́rọ́ma diin pa kị́nị́mamgba na fịnị pịghị ḅụ́kọ́rọ́ma tọ́ntọ́ duma kọọ mịma ofori, gbẹ́rẹ́ḅọ sọ ine Kị́nị́nyánáḅọ arịbịgha.

1 Pita 3:11

Nnị ḅọ siinyẹ ḅụ pịghị si ibinyẹ mịẹ, nnị nna tẹ́mẹ́ gbọrụ pa diin asọ ma dua.