Romapụ 14:18 - Ibani New Testament

¹⁸ Túminị́ mị ḅara pa fịrịnwangị Krais pịrị sa, n Tamuno mịẹm o bieḅẹlẹ túminị́ pịghị ḅara pụ́nụ́ anị pịrị.

Romapụ 14:18 ပူးပေါင်းရင်းမြစ်များ

Ibi Oku Ma Mak Anị Gịẹ Ḅara 13:34

Anị fịnị bẹ ḅara anịị warị wáriso sị nyẹ muu owitụ́wọ sị wárị kóróma ori ómóniapụ pịrị, anịị ọ fịrị pa ọ́rụ́ḅọ ọ́rụ́ḅọ pịrị so máare, n ḅọ mịẹbẹnyẹ, pịghị ḅụ́pọ́ kuruḅọ ma ḅẹẹ ọ ḅụ́pọ́ kuruu.

Ibi Oku Ma Jọn Anị Gịẹ Ḅara 12:26

Fịrịnwangị i pịrịarịḅọ gonyẹ́ gonyẹ́ i dua nyánam; a fịnị angaá anịị ị́yẹ́ fịrịnwangịḅọ fịnị ḅẹ́ angaá. I Daá ma kuu pa fịrịnwangị i pịrịarịḅọ ma suabẹm.

Fịrị Ḅara 10:35

ḅẹẹ o dighi ḅáláfaapụ sị pịghị karakárányẹ mịẹ mịnaapụ ma anịị ọ daakịarịapụ, ọ balagha nnị saghị ḅo angaá.

Romapụ 12:11

Ịnyọ faá mịẹma, kụ́ma ịnyọ pa fịrịnwangịị. Ị tẹ́mẹ́ gbọrụ pa fịrịnwangị Kị́nị́nyánáḅọ ma pịrị.

Romapụ 14:4

Ịrị tụọ jụghọ fịrịnwangịḅọ sịbị ḅẹ́rẹ́kọarị ḅo? Ómóniḅọ ma nyánáḅọ anịị ine dugho bẹḅọ ḅọ́rọ́ ori fịrịnwangịḅọ ibifịrị nwángị anịgha o sii fịrịnwangị nwángịị. Nnị ibifịrị nwángịbẹm tegó Kị́nị́nyánáḅọ ma ine mịẹbẹm sị nnị ibifịrị nwángị.

Romapụ 16:18

Ọkọfịnị nyẹ ma mịẹarịapụ fịrịnwangị wámịna Nyánáḅọ Krais pịrịgha kụ́ma nna opu furo. Nna ḅẹ́lẹ̄ bịpị na túminị́ kombo ẹ́gẹ́rẹ́ nnị oḅori pa ḅẹnyẹ ḅẹnyẹ nímighaapụ sịarị.

Romapụ 6:22

Kụ́ma mị́sa n sii ḅárabie ọ duapághámaḅomam sị ọmịnị Tamuno ómóniapụ sọ. Ọmịna sọnyẹ anịị n gbẹ́rẹ́sa saghị ḅọrọma Tamuno pịrị duma, anị kunema anịị duma gbámásó.

1 Kọrịntịapụ 7:22

Ḅẹẹ Kị́nị́nyánáḅọ sị maá ómóniḅọ ma n ḅo anịị Kị́nị́nyánáḅọ ḅụ ḅụ nyánámáaḅọ, anị gbẹ́rẹ́ ḅara ma amịna ḅụ nyánámáaḅọ sị Krais sịḅọ, n ḅọ anịị Krais ómóniḅọ.

2 Kọrịntịapụ 4:2

Wa ḅọghu na pịghị ḅụ́gịrịrịma fịrị mamgba sịghịmam, anịmanakaragha wa karakárá mamgba dughom túminị́ tórúku anị fịnị na ibiḅara, sị túminị́ wa nimi bẹ ḅara, pịghị nimi nna tẹ́mẹ́bie ḅẹ́ wa kọọ ẹ́gẹ́rẹ́ ma karakárányẹ Tamuno tórúku.

2 Kọrịntịapụ 5:11

Wa nimim Kị́nị́nyánáḅọ dighi ḅáláfa dughoarịnyẹ, anịgo, wa ḅụ́kọ́rọ́ma túminị́ tẹ́ghẹ̄m. Tamuno káara ḅara pa wa nimim, ọmịnị sọ pịghị wa nimim.

2 Kọrịntịapụ 5:9

Nyẹ́ mamgba nẹ́ngị nyẹ, wa bim ḅẹ́, wa ọ tẹ́mẹ́ miẹḅẹ́lẹ́ma mịnga oju ma bie anịgha fịị sị so oju ma bie.

2 Kọrịntịapụ 6:4

Kụ́ma wa mịẹarịnyẹ gonyẹ́ gonyẹ́ ḅụ, wamịnị wa ḅụ diearị ḅẹ́ wamịnị Tamunofịrị nwángịapụ, wa ḅụḅáláḅálá na ḅụ́kụro na ḅụdányẹ ngịrịmaarị ḅara.

2 Kọrịntịapụ 8:21

Wa biiarị ḅẹẹ, wa karakárányẹ ma mịẹ, Kị́nị́nyánáḅọ tórúku ngéréghaa, kụ́ma túminị́ tórúku sọ.

Filipaiapụ 4:18

A nyẹ gonyẹ́ gonyẹ́ nyanaḅomam bi ḅara ḅụ, anị bi wasam! A binyẹ gonyẹ́ gonyẹ́ a nyánam mị́sa Epaforoditọs ọmịna dienyẹ akuoo i pịrịmaá sáá. Anị nnị mịẹ Tamuno pịrị akị dọghụ igwaa.

Filipaiapụ 4:8

Kunemaá, ịyẹa nángwọ́apụ ọ mịnanyẹ ma pa ọmịna tẹ́mẹ́bie sua bima, ibi nyẹ gonyẹ́ gonyẹ́ sị túminị́ túminíarị nyẹ, tụ́manyẹ gonyẹ́ gonyẹ́, osigha nyánányẹ gonyẹ́ gonyẹ́, karakárányẹ gonyẹ́ gonyẹ́, fíafía nyẹ gonyẹ́ gonyẹ́, ḅẹlẹma na ibinyẹ na pighi kuu na ibi nyẹ.

Kolosiapụ 3:24

O biekóróma ḅẹ́ ọmịnị ilanyẹ nyánáḅobẹm Kị́nị́nyánáḅọ ma ḅara gbẹ́nyẹ ḅara. Kị́nị́nyánáḅọ Krais ma anịị ọ fịrịnwangị pịrịarịḅọ.

1 Timoti 2:3

Mịma anị ibim pịghị Tamuno wámịna Dụaḅọ́rọ́maḅọ ma ḅụ ḅẹ́lẹm,

1 Timoti 5:4

Kụ́ma ḅọ́rọ́ dee fịịmáa ọ́rụ́ḅọ awọ nyánam anịgha taa awọ nyánam, n Tamuno tọ́ọ n pịrị fịrị nwángịị anị nna nyingi na daa na gboloma ḅara, mị ḅara ma nnị nna nyingi na daapụ na opu nyingiapụ na opu daapụ ma sáá pa n gbẹarị, tegó mịma anịị Tamuno tẹ́mẹ́ mịẹ ḅẹ́lẹ́maarị nyẹ.

1 Pita 2:12

O mịná mịẹnyẹ mininighaapụ ma tórúku gbụ́nụ́nụ́ na ibim, si, nnị ẹ́rẹ́ pa o sịarị sáá ḅẹ́ ọ siinyẹ mịẹm, nnị ọmịna ibifịrị lighilighiḅobẹm si Tamuno ma boma o ḅo bẹ éné.

1 Pita 2:20

Anị tẹ́ sọ́nyẹ sọ ọ pịrịbẹ, ọ ḅọ́rọ́ fomḅara daá ọ mịẹ siiamịẹnyẹ gosi, warị ngịrịma nyáná anị pịrị? Kụ́ma ḅọ́rọ́ o fomḅara dam o karakárányẹ ma mịẹ sáá sị ngịrịma nyáná anị pịrịị, Tamuno o dighi bieḅẹlẹbẹm.

1 Pita 2:5

Mị́sa ọ fịnị ḅara sọ́ḅọ́rọ́ dumafịnị dapịrị nnị pa tẹ́mẹ́ju warị námáarị nyẹ. Ọmịnị sọ pịghị tọ́ntọ́ igwagwaapụ, Jizọs Krais ḅárásua ḅụ ḅọ́rọ́ ọ Tamuno ḅẹ́lẹ́maarị igwaa gwaabẹm.

1 Pita 3:16

O diin ḅara na osigha ḅara pa anị mịẹ, ọmịnị ọmịna tẹ́mẹ́bie mịẹ fiafiama, sị sii ẹ́rẹ pa ọsịarịapụ ọmịna ibi duma Krais bie mịẹbẹm nna ḅụ́gịrịrị n kọọarị si ẹ́gẹ́rẹ́ go.