Romapụ 14:15 - Ibani New Testament

¹⁵ Ị nyẹ pa ị mị́naḅọ lama ị fị́fị́nyẹ gosi, anịsa ị mịnị ḅẹlẹma ḅụ nyẹ́miẹgha. Minima sị ị fịarị fị́nyẹ gosi Krais sịbị go fịịḅọ ma ịrị nḅọ guluguluma.

Romapụ 14:15 ပူးပေါင်းရင်းမြစ်များ

Romapụ 13:10

I ḅọ́rọ́ kị́nị́ ḅẹlẹma jẹ́ ene jẹ́ ene ị siinyẹ pa n ḅọ mịẹbịgha, kị́nị́ ḅẹ́lẹ́maarị ḅọ, ólóghó mamgba kokomam.

Romapụ 14:20

Mịnị ma sị ị́yẹ́ fị́nyẹ gosi Tamuno nwángịmáa fịrị ma guluguluma. Tumḅọ ine fị́nyẹ gonyẹ́ gonyẹ́ fịbẹm, kụ́ma anị karakáragha ḅẹ́ tumḅọ fị́nyẹ fịị mịẹbẹnyẹ sị jụghọ bịghị siinyẹ bie sọ.

Romapụ 15:2

Ọ́rụ́ḅọ ọ́rụ́ḅọ amịna mị́naḅọ tẹ́mẹ́ miẹḅẹ́lẹ́ma bẹnyẹ mịẹ nna ibi ḅụ, mịẹsị n sẹ́nịbẹnyẹ minini ḅụ.

1 Kọrịntịapụ 13:1

A ine túminị́ ḅẹlẹ fiebẹm na pịghị sookumuapụ ḅẹlẹ, kụ́ma a ḅẹlẹma nyanagha nyanagha, ị́yẹ́ ẹ́gẹ́rẹ́ ma anị papa biripụ́ma akwa anịgha opuma fiearị gbom dighimam.

1 Kọrịntịapụ 8:1

Mị́sa ọ gịẹnyẹ ma gbolomanyẹ anịị nnị pa igwagwaá n kárá tamuno pịrị fị́nyẹ. Karakárányẹ ḅẹẹ, wamịnị kị́nị́mamgba nyẹ́nimim, n dugho ḅara, anị fịnị ḅara ọkọ fịnị níminyẹ mịẹ mịẹm jẹ́apụ sághị opuamịẹnyẹ mịẹ; kụ́ma ḅẹlẹma tumḅọ mịẹm n ḅọ sẹnị.

Galesiaapụ 5:13

Ịyẹa mịnaapụ Tamuno ọ sịmam ḅẹ́ ọ mịnị ómóniapụ sọ ma, kụ́ma ọ minima sị mị́sa ọ nyáná ḅụ nyána ma mịẹsị ọmịna ojumẹnị ḅẹrẹtọ ọ pịrị. Anịmanakaragha ọ ḅẹlẹma ḅụ fịrịnwangị jụghọ jụghọ pịrị.

Ẹ́fịsọsapụ 5:2

Ḅẹlẹma pịghị ọmịna duma bie ḅẹrẹtọ, Krais sọ wa ḅẹlẹma ḅara sị ọ ḅụ pa ibima kụ́nụ́ agbaa mịẹ na igwagwaá Tamuno pịrị.

2 Pita 2:1

Ḅọ́rọ́maa sáá iruo ikiakoroapụ págháḅom túminị́ ma ogbobie, anị gbẹ́rẹ́ ḅara ma anịị iruo nyẹ́dieapụ so págháḅo bẹ ḅara ọmịna ogboku bie. Nnị ḅọghu ḅara ḅụ kị́nị́ḅáa bẹ na iruo dienyẹ akuo ḅobẹm, n pịghị n dụaḅọ́rọ́ma Nyánáḅọ ma pighibẹm, anị ḅụ ḅọ́rọ́ buapághá ḅara ḅụ kị́nị́ḅáa dighiḅọ nna ḅụ pịrị.

1 Jọn 2:2

Krais, ọḅụ anị wa ḅọ́rọ́ sị siiḅụḅarasipịrị nyánáarị nyẹ, wámịna sii ngéréghaa, kụ́ma tuminikiri gbọrụ sii.