Romapụ 12:9 - Ibani New Testament

⁹ Karakárá ḅẹlẹma nyáná, siinyẹ ḅẹlẹmama, ibinyẹ ma ọlọ sẹ maá.

Romapụ 12:9 ပူးပေါင်းရင်းမြစ်များ

Matiu 26:49

Judas dada Jizọs damamum sị sịbịpị pa ọ si, <> sị ku pa o ḅolo.

Ibi Oku Ma Jọn Anị Gịẹ Ḅara 12:6

Ọ mịma dughogha ḅẹ́ ori igonyiapụ ma balam, kụ́ma ori fúrúḅọ gosi. Ori igbii akpa ma dighiarịḅọ ẹrẹ́sị, sa ḅụ akị muu sa láa ọ kálá igbii nyẹ ákịkịm pa ḅárásua ọ ḅụ pịrị.

Fịrị Ḅara 11:23

Ori anị ngaa láa sáá, ori arịm Tamuno ma túminị́ ma bomamáa ḅara, o bieḅẹlẹm, warị n ḅẹ́ nnị sẹ kụ́rọ pịghị karakárá ḅụ fịnị Kị́nị́nyánáḅọ ma pịrị n Tẹ́mẹ́ gbọrụ mamgba.

2 Kọrịntịapụ 6:6

Wa wámịna ḅụ fiafiama ḅụ ḅọ́rọ́ wámịna níminyẹ, ngịrịma na ibiamịẹnyẹ wa wámịna ḅụ diemam ḅẹẹ wamịnị Tamuno fịrịnwangịapụ Tamuno Tọ́ntọ́ Tẹ́mẹ́ ma ḅụ ḅọ́rọ́ pịghị wámịna karakárá ḅẹlẹma,

2 Kọrịntịapụ 8:8

A ólóghó sua ọ pịrịgha, kụ́ma pa o die jẹapụ kụrọma biiarị ḅara sị n ḅárásua. A ḅụ́kọ́rọ́maarị a pa nimi ḅẹ́ ḅara ọmịna ḅẹlẹma anị karakárá fịnị ḅara.

1 Tẹsalonaikaapụ 2:3

Wa kọọ ọ pịrị ẹ́gẹ́rẹ́ ma gbẹ́rẹ́ siinyẹ sọ nyanagha anị bie. Wa pịghị wámịna kóróma ḅụ ḅọ́rọ́ ẹ́gẹ́rẹ́ kọọgha, wamịnị ẹ́gẹ́rẹ́ ma kọarị sáá. Wa pịghị mịná ẹ́gẹ́rẹ́ ma kọọgha pa oḅori pa ọ sịị́.

1 Tẹsalonaikaapụ 5:15

Arịị ḅẹ́ gbẹ́rẹ́ḅọ sọ siinyẹ pa siinyẹ gbẹ́gha, kụ́ma sámámgba pa ọmịna mịẹmịẹnyẹ mịẹsị ibi mịẹ jụghọ jụghọ pịrị na pịghị kị́nị́mamgba pịrị.

1 Tẹsalonaikaapụ 5:21

Nyẹ gonyẹ́ gonyẹ́ daádighi, ibinyẹ ma ọlọ kụ́rọ́maá.

1 Timoti 1:5

A mị bịpị ma pịrịm túminị́ ine karakárá kúkúbie ḅụ sághị ḅo ḅẹlẹma pa jụghọ jụghọ ḅẹlẹma bẹ ḅara, fíafía tẹ́mẹ́bie na pịghị karakárá minini ḅụ.

Hiburuapụ 1:9

I karakárá ibiamịẹnyẹ ḅẹ́lẹ́mam, kụ́ma irima nyẹ ma ị́ ḅẹlẹmagha. Anịma go anịị Tamuno, ị́yẹ́ Tamuno, i dighi sóghólóma ị jẹ́apụ nẹngịmam, o bieḅẹlẹ dighiarị pulo pa ị sịbị sara ḅara.>>

Hiburuapụ 12:14

Ḅụ́kọ́rọ́ma diin pa kị́nị́mamgba na fịnị pịghị ḅụ́kọ́rọ́ma tọ́ntọ́ duma kọọ mịma ofori, gbẹ́rẹ́ḅọ sọ ine Kị́nị́nyánáḅọ arịbịgha.

Jems 3:17

Kụ́ma ọ́gọ́nọ saghị ḅo opu nyẹ́nimi ma parị anị kpainm, anị pịghị diin ḅẹ́lẹ́mam, sárásárám, nangwọmiẹdim, anị pịghị tọ́rụ́kụrụkụ́rụ́ nyánam, ibi ibiamịẹnyẹ nyánam, anịị anị dipiapụ sughuarị nyẹ. Anị pịghị tọ́rụ́kúkúgha pịghị mmẹẹ́ a tọ́rụ kingigha.

1 Pita 1:22

Ḅẹ́ mị́sa ọmịnị ọmịna ḅụ mịẹ yóriyórimamáa ḅara ma karakárányẹ ma mịẹ ḅụ, ọ pịghị mị́sa karakárá ḅẹlẹma nyáná jẹ́ mininiapụ ma pịrịmam, ọmịnị ọmịna tẹ́mẹ́bie gbọrụ pa ibiḅara pa jụghọ jụghọ ḅẹlẹma.

1 Pita 4:8

Nyẹ mamgba nẹ́ngị nyẹ, ọmịnị ibiḅara pa jụghọ jụghọ ḅẹlẹma, tegó, ḅẹlẹma tọgha siinyẹ gbẹgbẹm gosi.