Romapụ 12:8 - Ibani New Testament

⁸ ḅọ́rọ́ kị́nị́ tẹ́mẹ́ kụrọma, n ḅọ ọkọ mịẹ. Nyẹ die jẹapụ pịrịarịḅọ gonyẹ́ gonyẹ́ ḅara findi ma pịrị, ḅọ́rọ́ sịbịdá anị ị́yẹ́ dienyẹ i Tẹ́mẹ́ mamgba pa anị mịẹ, ḅọ́rọ́ lolomakúkúbie bieḅẹlẹ pa anị mịẹ.

Romapụ 12:8 ပူးပေါင်းရင်းမြစ်များ

Matiu 25:40

<<Ámányánáḅọ ma nnị pagharabẹm,

Fịrị Ḅara 11:23

Ori anị ngaa láa sáá, ori arịm Tamuno ma túminị́ ma bomamáa ḅara, o bieḅẹlẹm, warị n ḅẹ́ nnị sẹ kụ́rọ pịghị karakárá ḅụ fịnị Kị́nị́nyánáḅọ ma pịrị n Tẹ́mẹ́ gbọrụ mamgba.

Fịrị Ḅara 13:12

Ḅẹ́rẹ́tọ́ḅọ ma mininim ọ pághányẹ árị sáá, tegó Kị́nị́nyánáḅọ gboloma dienyẹ ma o tọ́rụ́ nẹngịm.

Fịrị Ḅara 13:15

Nnị Mosis ólóghó diri ma bie goo faá ma sáá na pịghị ikiakoroapụ diri ma, kobiri yọ ma sịbịdáḅọ warị oku fịrịma ḅẹẹ, <>

Fịrị Ḅara 15:32

Judas na Sailas nnị ḅụgbọrụ ikiakoroapụ, sáá faá ma nnị na ẹ́gẹ́rẹ́kọọm sị pịghị ịnyọ pa nna ḅụ suam.

Fịrị Ḅara 20:2

Ori anị párángáa ḅụ ḅọ́rọ́m warị tọgha biekụ́rọ́ma ẹ́gẹ́rẹ́kọọ túminị́ ma tẹ́mẹ́ kụ́rọ́maá. Ọ warị anịsáa ḅọ́rọ́ ḅo Akaya láa,

Fịrị Ḅara 20:28

Ọ tọ́rụ́ pa kiri lama ọmịna ḅụ pịrị, na pịghị Tọ́ntọ́ Tẹ́mẹ́ ma saghị ọ ḅarabie sua ánáná awọ ma pịrị. Ọmịnị ánánákúrúapụ dighi Tamuno sọsị ma pịrị, ori ọ tụwọ ọmbịnyẹ́ pa fẹ nyẹ.

Fịrị Ḅara 4:36

Ori anịị mịị Josẹf ma, Livai furotụ́wọ nnị pịghị Saiprọs ḅụ yiiḅọ, nfịrịmaapụ ma Banabas pa sịḅọ (anịị <>)

Romapụ 12:13

Ị nyánányẹ pa nyẹ́ḅụ kụ́rọ mịnaapụ ma na die, pịghị ḅụ́pọ́ findi igoniapụ pịrị.

Romapụ 13:6

Mịma go anịị o go ósó igbii gbẹ́ẹ́arị nyẹ, tegó táarịapụ ma nnị anịị Tamuno fịrịnwangịapụ, nna sa mamgba pa taa fịrị ma pịrịmáapụ.

1 Kọrịntịapụ 12:28

Sọsị ma bie Tamuno túminị́ tọọmam, párị nfịrịmaapụ, mmẹẹ́ kárámáapụ ikiakoroapụ, tẹ́rẹ́ kárámáapụ nyẹ́dieapụ; anịsáa ḅụ́gbérépuma fịrịnwangịapụ, mịnaapụ ma duaapụ anịị n kị́nị́ gwọọ kụrọ pa pịrịapụ anịgha ḅárásua jẹapụ pịrịapụ, túminị́ daatụ́ghụ́ma, tọ́rụ́kịrịkị́rị́ ḅẹ́lẹ pa ẹ́gẹ́rẹ́kọariapụ.

1 Kọrịntịapụ 14:3

Kụ́ma ikiakoroarịḅọ gonyẹ́ gonyẹ́ ẹ́gẹ́rẹ́ túminị́ pịrịarị sị pa ịnyọ pa nna ḅụ sua, nna tẹ́mẹ́ kụ́rọ́ma na pịghị nna bie diinma.

2 Kọrịntịapụ 1:12

Wa bịpịkpọm ḅẹẹ wámịna tẹ́mẹ́bie kụ́rọ kúkúbie pa wa pịrịm ḅẹẹ wámịna duma mị tuminikiri wa pịghị ibima ó nana nyáná gboloma mịẹnyẹ ma, ọ́ Tamuno ḅara sághị ḅo karakárá, na gbụ́nụ́nụ́ na Tamuno tọ́rụ́kụrụkụ́rụ́ kụ́rọ ḅụ ḅọ́rọ́ tumḅọ nyẹ́nimi ḅụ ḅọ́rọ́gha pa.

2 Kọrịntịapụ 11:3

A ḅáláfa nyánam, ḅẹ́ ododó ma aka ḅara pa oḅori pa Ivu sị ḅara ọmịna kóróma gbisiribẹm ọmịna Krais ḅẹlẹma na pịghị ọmịnị ọ tẹ́ghẹ̄arị ḅara ḅụ.

2 Kọrịntịapụ 8:12

Anị ḅọ́rọ́ ọ́taárịarị ḅẹẹ ọ nyẹ pịrị, Tamuno ọmịna pịrịnyẹ ma daákịbẹm, ọmịnị nyáná sị pịrị bi ḅara, ọ nyanagha nyẹ ḅụghaa.

2 Kọrịntịapụ 9:11

Ọ mịẹbẹm ọmịnị opuma ngọ nyána sámámgba ḅụ, sị ị ine ḅara findi sị nyẹ pịrịbẹm sị tọghaapụ anị ḅụ ḅọ́rọ́ ịmịẹḅam pa Tamuno ḅẹẹbẹm, n wámịna ḅara nyána ḅo dienyẹ gosi.

2 Kọrịntịapụ 9:13

Ọ nwángị fịrị ma nyána sị die pághámaarị nyẹ gosi tọghaapụ boma pa Tamuno pịrịbẹm ọmịnị Krais ibi ọkụ́ ma osii ḅara, ọ pịghị dugho pághámaarị nyẹ, ọ pịghị ḅara findi nnị na diearị ḅara na pịghị kị́nị́mamgba na.

2 Kọrịntịapụ 9:7

Anịgo ọ́rụ́ḅọ ọ́rụ́ḅọ pịrịị tẹ́mẹ́bie n ḅo tọ́ọ pẹ́lẹ́máa ḅara, nyẹ́mọ́ni ḅugha, anịgha ḅẹẹ a anị mịẹ nyánam gosi, tegó Tamuno bieḅẹlẹ ḅụ nyẹ pịrịarịḅọ gonyẹ́ gonyẹ́ ḅẹlẹma ḅẹ́lẹ́mam.

Ẹ́fịsọsapụ 6:5

Ómóniapụ ọ ḅáláfa na osigha pa tuminikiri ọmịna nyánáapụ dughonyẹ mịẹ, pịghị fíafía tẹ́mẹ́ pa anị mịẹ, sọ́ḅọ́rọ́ ọ fịrịnwangị Krais pịrịarị.

Kolosiapụ 3:22

Ómóniapụ, ọmịnị ọmịna nyánáapụ tuminikiri bịpị pughu nyẹ gonyẹ́ gonyẹ́ ḅụ, ọmịnị anị mịẹ nna tọ́rụ́ ọ ḅụ laarị sa ngéréghaa, ọmịnị nna ḅẹlẹma nyánáḅoo ḅẹ́ ḅara, kụ́ma ọmịnị anị mịẹ karakárá tẹ́mẹ́bie na pịghị osigha pa Kị́nị́nyánáḅọ ma pịrị ḅụ.

1 Tẹsalonaikaapụ 2:3

Wa kọọ ọ pịrị ẹ́gẹ́rẹ́ ma gbẹ́rẹ́ siinyẹ sọ nyanagha anị bie. Wa pịghị wámịna kóróma ḅụ ḅọ́rọ́ ẹ́gẹ́rẹ́ kọọgha, wamịnị ẹ́gẹ́rẹ́ ma kọarị sáá. Wa pịghị mịná ẹ́gẹ́rẹ́ ma kọọgha pa oḅori pa ọ sịị́.

1 Tẹsalonaikaapụ 2:8

Wa nyáná ọ pịrị ḅẹlẹma gosi, wa tẹ́lẹ́mamam ibi oku ma ngéréghaa wa dugho wásáma ọ pịrị ḅẹnyẹ kụ́ma wámịna duma sọ tegó ọmịnị opuma wa ḅụ nyẹ́lam.

1 Timoti 4:13

A fịnị wárii si ḅoo bẹ sáá láa, sáá ngúmá tọ́ndiri ma goo págháma kubiri ogbobie, ẹ́gẹ́rẹ́ ma dugho wásáma pịghị nyẹ́die.

1 Timoti 5:17

Ibifịrị nwángịarị sẹ́nịapụ ma sịbịdaapụ ḅara ma anị ḅụ́gbẹm ḅẹ́ nnị mmẹẹ́ kiri kuu pa n pịrị, nyẹ mamgba nẹ́ngị nyẹ, anịị ịnyọsua fịrị nwángịarịapụ ma oku ma dugho wásáma na nyẹ́die ḅụ.

1 Timoti 6:18

Kụ́rọ ḅara pa dugho n pịrị ḅẹ́ nnị ibi nyẹ mịẹ, nnị opuma ibifịrị nwángị, n ḅara findi wásáma, sámámgba n tẹ́lẹ́ma jẹ́apụ na nyẹ die ḅụ.

Hiburuapụ 10:25

Wamịnị wámịna kobiri ma pa ọḅụ gbima, jẹ́apụ mị́sa mịẹarị ḅara, kụ́ma anị ibim ḅẹ́ wa jụghọ jụghọ mịẹ kụrọma tẹ́lẹ́ma, wa nimi sa ḅẹẹ Kị́nị́nyánáḅọ ma éné kịkịaarị.

Hiburuapụ 13:17

Ọmịnị ọmịna sịbịdaapụ osii, pịghị n dughonyẹ mịẹ. Nnị ọmịna tẹ́mẹ́ kúruarị ịnyọsáragha pa, n pịghị dugho Tamuno pịrịbẹ ḅara n ḅárá warị o didighi ḅara. Ọ ḅọ́rọ́ nnị osisii, n bieḅẹlẹ ḅara pa nna fịrị nwángịbẹm, anịgha n sitẹ́mẹ́ pa nna fịrị nwángịbẹm. Anịma sọ́nyẹ sọọ ọ pịrịbịgha.

Hiburuapụ 13:22

A ọ tẹ́ghẹ̄m ị́yẹ́ mịnaapụ ḅẹ́ ọmịnị ingịrịma nyáná a gịẹḅọ ọ pịrị tẹ́mẹ́kụ́rọma ábálálá ma pịrị. Mị́sa a gịẹ ábálálá ma opuma nángwọgha.

Hiburuapụ 13:24

Ọmịnị ọmịna sịbịdaapụ bii wa piri, na pịghị Tamuno túminị́ mamgba, Ịtalị ḅụ fịnị mininiapụ oku fịrịmam ḅẹ́ nnị obii.

Hiburuapụ 13:7

Ọmịnị ọmịna ḅọ́rọ́maa sịḅidaapụ pa biekóróma, Tamuno ẹ́gẹ́rẹ́ ma kọọ ọ pịrịapụ, okórómaḅo, n ḅárá warị duma kọ ḅara na pịghị n fịị ḅara sị nna minini daa nyẹ mịẹ.