Romapụ 12:6 - Ibani New Testament

⁶ Anịgo ọ́rụ́ḅọ ọ́rụ́ḅọ n ḅọ nyáná dienyẹ ma pa fịrịnwangị, Tamuno ma ori tọ́rụ́kụrụkụ́rụ́ ḅụ ḅọ́rọ́ pa n pịrịnyẹ. Tumḅọ dienyẹ ḅọ́rọ́ ikiakoro, ikiakoro ị́yẹ́ minini láa ḅara.

Romapụ 12:6 ပူးပေါင်းရင်းမြစ်များ

Matiu 23:34

Mịma gosi a ikiakoroapụ na nyẹ́nimiapụ pa ọ fịrịmaarị na pịghị nyẹ́dieapụ. Jẹ́apụ ọmịnị n ḅabẹm pịghị mgbẹsẹ sị́ ḅụ nnị ḅaupálị, isiapụ ọmịnị n fombẹm ọmịna kobiri yọ sị pịghị n deesi ọmịna ama bie.

Matiu 25:22

<

Ibi Oku Ma Luk Anị Gịẹ Ḅara 11:49

Mịma go Tamuno ori níminyẹ ḅụ dughom ḅẹẹ,

Fịrị Ḅara 13:1

Antịọkụ ḅụ fịnị sọsị ma ḅụ, ikiakoroapụ na nyẹ́dieapụ imi. Nna ẹrẹ anịị Banabas, Simion (n kụ́rụ́kụ́rúḅọ pa sịḅọ), Lusiyọs Sirini ḅụ saghị ḅoḅọ, Manayen (n Ḅẹ́rẹ́tọ́ḅọ Hẹrọd na didighi pághámaḅoḅọ), na Sọl.

Fịrị Ḅara 15:32

Judas na Sailas nnị ḅụgbọrụ ikiakoroapụ, sáá faá ma nnị na ẹ́gẹ́rẹ́kọọm sị pịghị ịnyọ pa nna ḅụ suam.

Fịrị Ḅara 2:17

<<

Fịrị Ḅara 21:9

Ori ínia ẹ́rẹ́awọ nyanam náa dee yaghaapụ, Tamuno ẹ́gẹ́rẹ́ ma dugho wásámáarịapụ.

Romapụ 1:11

Ọmịnị arịị ma opuma i pụghọ tárịm, sị a ine Tamuno Tẹ́mẹ́ ma ḅara sághị ḅo karịibima die ọ pịrị, mịẹbẹnyẹ sị ọ kurosẹ tẹ́mẹ́ju ọ kụrọma bẹnyẹ.

Romapụ 12:3

Tamuno ma ori tọ́rụ́kụrụkụ́rụ́ ḅụ ḅọ́rọ́ pa die i pịrịnyẹ gosi, a dugho ọmịnị kị́nị́mamgba pịrịarị ḅẹ́ gbẹ́rẹ́ḅọ sọ kóróma ma ḅẹ́ n ḅọ opuma duḅamam, n ḅọ ọkọ fịnịgha sa, anịmanakaragha ḅụsímínímá ị́yẹ́ kóróma ḅụ, pịghị ḅẹ́rẹ́kọ ịḅụ pịrị Tamuno ma pa ị pịrị minini láa ḅara ḅụ.

1 Kọrịntịapụ 12:18

Anị fịnị ḅara ma, Tamuno kịrịkị́rị́ angaá ma suam oju ma bie, ori anị dọghụ ḅara.

1 Kọrịntịapụ 13:2

A ine ikiakoro dienyẹ ma nyánábẹm, a ine akanyaḅo nyánábẹm, sị ḅọghunyẹ gonyẹ́ gonyẹ́ akanyaḅo; a ine minini mamgba nyánábẹm a pa ine opu tụ́ndụ́ sumasi bẹnyẹ, kụ́ma a ḅẹlẹma nyanagha nyanagha, ịrị papanyẹ.

1 Kọrịntịapụ 14:1

Ḅẹlẹma asọ ma dua, pịghị ibima Tẹ́mẹ́ dienyẹ ma dọghụ, kụ́ma ẹ́rẹ́so ḅa nyẹ ma anịị ikiakoro dienyẹ ma.

1 Kọrịntịapụ 14:24

Kuma ḅọ́rọ́ kị́nị́mamgba ikiakorom sị jẹ́ mininighaapụ sọ ḅo sáá anịgha pápáapụ, n naarị nyẹ ma ḅụ ḅọ́rọ́ nna siiamịẹnyẹ ḅo pághábẹm nnị pịghị nna sịbị ḅụ ḅẹ́rẹ́kọbẹm n náanyẹ ma ḅụ ḅọ́rọ́.

1 Kọrịntịapụ 14:29

Mmẹẹ́ anịgha tẹ́rẹ́ ikiakoroapụ ẹ́gẹ́rẹ́ẹ́, isiapụ warị anị sịbị ḅẹ́rẹ́kọọ.

1 Kọrịntịapụ 3:5

Anịsáa tụọ ḅọ́rọ́ Apọlọs, Pọl ori tụọ? Wamịnị papa Tamun fịrịnwangịapụ Tamuno pa ọ daa tụụma sị o goo minini nyẹ. Wamịnị papa Tamuno fịrịnwangịapụ, pịghị mị fịrị ma ḅụ ḅọ́rọ́ ọmịnị ḅo Krais ḅụ minimam.

1 Kọrịntịapụ 7:7

Tụ́manyẹ, anị iḅụḅẹ́lẹ́bẹm ọmịnị kị́nị́mamgba a fịnị ḅara fịnịị. Ọ́rụ́ḅọ ọ́rụ́ḅọ amịna dienyẹ nyánam Tamuno ḅara, gbẹ́rẹ́ḅọ mị dienyẹ ma, jụghọ anị dienyẹ ma.

2 Kọrịntịapụ 8:12

Anị ḅọ́rọ́ ọ́taárịarị ḅẹẹ ọ nyẹ pịrị, Tamuno ọmịna pịrịnyẹ ma daákịbẹm, ọmịnị nyáná sị pịrị bi ḅara, ọ nyanagha nyẹ ḅụghaa.

Ẹ́fịsọsapụ 3:5

Tamuno anị diefindi áyásaapụ pịrịghaa kụma mị́sa ọ Tẹ́mẹ́ ḅụ ḅọ́rọ́ anị diefindi ori tọ́ntọ́ nfịrịmaapụ na ikiakoroapụ pịrịmam.

Ẹ́fịsọsapụ 4:11

Ori anị <> jẹ́apụ ori nnị tọọm ḅẹ́ nnị nfịrịmaapụ sọ; jẹ́apụ ikiakoroapụ, jẹ́apụ ibi oku ma dugho wásámáarịapụ jẹ́apụ Tamuno kubiri ogbo sịbịdaapụ na pịghị nyẹ́dieapụ.

Filipaiapụ 3:15

Wamịnị kị́nị́mamgba tẹ́mẹ́ ḅụ sẹ́nịmaapụ mamgba mị gbẹ́rẹ́ duma ma nyánábẹm. Kụ́ma ḅọ́rọ́ ọmịna ḅụ jẹ́apụ jẹ́ kịrị duma nyáná nyáná. Tamuno mịma mịẹbẹm ọmịna ibima anị akanyaḅo.

1 Tẹsalonaikaapụ 5:20

Tẹ́mẹ́ ma ḅara saghị ḅo oku dighisima ma.

2 Pita 1:20

Nyẹ́ mamgba nẹ́ngị nyẹ, biekóróma ḅẹ gbẹ́rẹ́ḅọ sọ ine nḅọ níminyẹ ḅụ ḅọ́rọ́ Tọ́ndiri ma bie Tamuno gbẹ́rẹ́ ikiakoro puu findibịgha.