Romapụ 12:2 - Ibani New Testament

² Mịnị tuminikiriapụ dua nnị nyẹ mịẹmịẹ ḅara pa nyẹ mịẹma, kụ́ma wárịso Tamuno biebẹ ọ dima, anịị káara ḅara pa ọmịna kúkúbie dima. Anịsa, o nimibẹm Tamuno ma tọ́nyẹ, ibi nyẹẹ, ọḅụ ḅẹ́lẹ́nyẹ pịghị kpain nyẹ.

Romapụ 12:2 ပူးပေါင်းရင်းမြစ်များ

Matiu 13:22

Nangi ḅụ sóórókoro sịmgbọ́lụ ma anịị oku ma naapụ, kụ́ma mịị tuminikiri ma ḅụḅáláḅálá ma pịghị ngọ oḅori pa kị́nị́ sị, anị kpepumam, mịẹsị anị ine sịmgbọ́lụ suagha.

Ibi Oku Ma Mak Anị Gịẹ Ḅara 4:19

kụ́ma tuminikiri ḅụḅáláḅálá na ngọ ḅẹlẹma na pịghị pụghọ tarịarị tọ́rụ́kịrịkị́rị́ nyẹ ḅo oku ma pụ́nụ́mam anịgosi anị mgbọ́lụ suagha.

Ibi Oku Ma Jọn Anị Gịẹ Ḅara 14:30

A mịnị ọ nana ẹ́gẹ́rẹ́kọ ḅọlọbịgha, tegó mịị tuminikiri ma táarịḅọ ḅoarị. Ọ kụ́rọ nyanagha ịḅụ,

Ibi Oku Ma Jọn Anị Gịẹ Ḅara 15:19

Ọ mịnị ḅọ́rọ́ tuminikiriapụ ma ḅụ gbẹ́rẹ́ḅọ, nnị ọ ḅẹ́lẹ́mabẹm nna ḅụ ḅọ ḅara. Anị fịnị ḅara ọmịnị tuminikiri ma ḅụ gbẹ́rẹ́apụgha, kụ́ma tuminikiri ma bie a o sẹ́lẹ́akị pághámá ḅom. Anịị tuminikiri ma go ọ tarịgha nyẹ.

Ibi Oku Ma Jọn Anị Gịẹ Ḅara 17:14

A ị́yẹ́ ẹ́gẹ́rẹ́ ma pa nnị pịrịmam tuminikiri ma warị n pa tarịgháapụ sọmam tegó nnị mịnị mịị tuminikiri bẹapugha, irịsọ mịnị mịị tuminikiri bẹ ḅọgha ḅara.

Ibi Oku Ma Jọn Anị Gịẹ Ḅara 7:7

Tuminikiriapụ ma ine ọ tarịghaapụ sọbịgha, kụ́ma nnị i tarịgha tegó a dugho págháma n pịrịarị ḅẹẹ nnị mịẹarịnyẹ ma siinyẹ.

Romapụ 12:1

Anị ẹrẹ́sị, mịnaapụ, Tamuno ma nyáná wa pịrị opu lolomakúkúbie gosi, a ọ tẹ́ghẹ̄m ḅẹ́ ọmịnị ọmịna ḅụ pa duma igwagwaá Tamuno pịrị, n fófóoma ori fịrị pịrịnyẹ na pịghị ọ ḅẹlẹma nyẹ. Mịma anịị ọmịnị pa ọ pịrịbẹ tụ́ma susi.

Romapụ 13:14

Tụ́ma bịtẹ sua ḅara Kị́nị́nyánáḅọ Jizọs Krais ma sua si mịnị sịbịbie kiẹma ị ḅara warị ojumẹnị ma biiarị siinyẹ pa anị pịrịbẹ ḅara.

Romapụ 7:12

Anịgo ólóghó ma ḅụgbọrụ tọ́ntọ́, ólóghó bịpị ma tọ́ntọ́, karakáram, pighi ibim.

Romapụ 7:14

Wa nimim ḅẹ́ ólóghó ma tẹ́mẹ́ ḅụ imi; kụ́ma irị a Tẹ́mẹ́ ḅụ ofori, nnị pa sii dẹrị ómóniḅọ ḅara.

Romapụ 7:22

Bẹ ị́yẹ́ duma bie Tamuno ólóghó ma koko i pụghọ tárịm.

1 Kọrịntịapụ 3:19

Tegó mị tuminikiriapụ pa nyẹ́nimi nyẹ sị nyẹ anịị papanyẹ Tamuno tórúku tegó, Tọ́ndiri ma dugho ḅara, <>

2 Kọrịntịapụ 4:4

Mịị tuminikiri tamuno ma mininighaapụ ma kóróma tọ́rụ́pụ́mamam anịgo nnị ine baá ma arịgha anịị Krais ipine gboloma sị ibi oku ma ḅụ sághị ḅoarị baá, ori ma anị gbẹ́rẹ́sa Tamuno ma na kịkaḅọ.

2 Kọrịntịapụ 5:17

Anịgosi, Krais na gbẹ́rẹ́nyẹ mịẹḅọ gonyẹ́ gonyẹ́, n ḅọ ịwọma nnị tẹ́mẹ́ḅọ sọmam olom nyẹ ma somam, iwọnyẹ ma ḅomam.

Galesiaapụ 1:4

Krais ori duma pa igwagwaá wa pịrịm wámịna sii gosi, Tamuno Daḅọ ma bi ḅara.

Ẹ́fịsọsapụ 1:18

A tẹ́ghẹ̄arị ḅẹẹ ọmịna tẹ́mẹ́ findi sị ọmịnị ori baá ma arịị, o nimi bẹ ḅara o go ọ sị tọ́rụ́ dighinyẹ, ọ pịghị mini ori tọ́ntọ́apụ pịrị karịibima anị dụḅa na anị ḅụ́gbérépuma láa ḅara,

Ẹ́fịsọsapụ 2:2

Anịsáa ma ọ tuminikiri sii asọ nwángịm, ọmịnị ọgọnọ bie fịnị kụ́rọ sitẹ́mẹ́ táarịḅọ ma bịpị pughum, mị́sa ḅẹrẹtọ mini Tamuno osighaapụ ma pịrịarị Tẹ́mẹ́.

Ẹ́fịsọsapụ 5:17

Anịgo oḅoriapụ sọ ma, kụ́ma dọghụ pághámaḅo Kị́nị́nyánáḅọ i ḅara binyẹ sị i mịẹ.

Kolosiapụ 1:9

Mịma gosi, wa sághị o gbolomanyẹ náa sa éné éné wamịnị ịnyọsáragha ḅara pa tẹ́ghẹ̄ ọ pịrịarị pịghị Tamuno ḅara biiarị ḅẹ́ Tamuno ori níminyẹ ọ tọ́ọ ḅará pa ọ pịrị bimáa na pịghị ọ Tẹ́mẹ́ sághị ḅoo opúniminyẹ mamgba na akanyaḅo pa ọ pị́rị́.

Kolosiapụ 3:10

ịwọ oju ma sua sị árị ḅẹ́ sámámgba ọmịnị iwọarị, ọ pịghị sẹnịarị ḅara ọmịna Tẹ́mẹ́ḅọ nimi ḅụ sị pịghị ọ fịnị ḅara fịnị.

Kolosiapụ 4:12

Epafras ọmịna ḅụ́gbẹrẹḅọ pịghị Krais Jizọs fịrịnwangịḅọ fịrịmam ḅẹ́ a obii. Sámámgba ori ọ tẹ́mẹ́ gbọrụ pa ịnyọsua tẹ́ghẹ̄ ọ pịrịarị ḅẹ́ ọ sẹ kụrọ, Tamuno bii ḅara mamgba ḅụ ọ sẹnị tumḅọ láa minini ma ḅụ pịghị tẹ́mẹ́ kụrọ nyáná.

1 Tẹsalonaikaapụ 4:3

Ḅẹẹ mịị Tamuno binyẹ, ḅẹẹ ọ tọ́ntọ́ ḅụ fịnị ḅẹ́, gbẹ́rẹ́ḅọ sọ yáakuu ḅụ ófórigha nwángị kọma, ọkọfịnị nyẹ ḅụ ọ gbẹ́rẹ́ sáá ọ ḅụ fóofóo ma.

Taitọs 3:5

ọ wa duaḅọ́rọ́mam, ḅẹgha ḅẹ́ wa mịẹ ọ pịrị ibinyẹ gosi kụ́ma ori lolomakúkúbie ḅụ ḅọ́rọ́ ọ wa ḅọ́rọ́mam. Ọ wa duaḅọ́rọ́mam Tọ́ntọ́ Tẹ́mẹ́ ma ḅụ ḅọ́rọ́, sii ḅụ wa sịrị siḅọ sị ịwọma wa yii na pịghị ịwọ duma pa wa pịrị.

Jems 1:27

Tamuno Daḅọ árị sị kpain pịghị karakárá Tamuno nimi, ọ́ nyingi na daa ófórigha awọ ma tákubiri, na pịghị dee oforighaapụ ma nna tọ́rụ́siarị ḅụ, pịghị minigha sị tuminikiri ma n ḅọ sima.

Jems 4:4

Ọmịnị ine Tamuno na sẹghaapụ, o nimigha ḅẹ́ tuminikiri ma na nangwọ sọọ anịị Tamuno na iruonaḅọ mịẹ? Dọghụḅọ gonyẹ́ gonyẹ́ ḅẹ́ n ḅọ tuminikiri na nangwọ sọọ, Tamuno iruonaḅọ sọmam.

1 Pita 1:14

Ọ Tamuno bịpị pughu, o minima si ọ Tamuno nimigha sa ọ kọmaá olom duma ḅara ma pa ḅẹrẹtọ ọmịna duma pịrị mị́sa.

1 Pita 1:18

Ọ nimim ọ sịbị mgbe sáá sị pa ọ dụapághámaḅo ọmịna tádọ́apụ ḅọ́rọ́ma ọ pịrị ofori ofori duma bie. Anị odoḅala anịgha pị́naḅala fịnị ḅara fịnịgha, tumḅọ ine álála sima bẹnyẹ.

1 Pita 2:3

mị́sa ọ dọghụ pághámaḅomam ḅẹ́ Kị́nị́nyánáḅọ ma ori ibim.

1 Pita 4:2

Ḅẹ́ mị́sa saghị bịpịmú, ọmịnị ọmịna duma kọnyẹ́ ma kọọ tuminikiri Tamuno tọ ḅara, mịnị duma kọma tuminikiriapụ sii duma kọarị ḅara.

2 Pita 1:4

Mịná ipine na mịná ibi ḅụ ḅọ́rọ́, ori ọmịnị wa pịrị opuma dụḅa na nyẹ́la dienyẹ ma pa wa pịrịmam. Mịná diepịrịnyẹ ma ḅụ ḅọ́rọ́, ọ tuminikiri bie fịnị sị tuminiḅaarị pụghọ tarịarịnyẹ ma ḅarabie mangị págháḅobẹm, sị ori tọ́ntọ́ duma ma nyáná.

2 Pita 2:20

Ḅọ́rọ́ wámịna Dụaḅọ́rọ́maḅọ Jizọs Krais nimi ḅụ ḅọ́rọ́, túminị́ pịonị pághámam tuminikiri kị́nị́ pilemaarị nyẹ ma ḅárabie, mịná kụ́rọ ma sima n kuu pịghị n sọ́ḅa sọ́ḅa, anịapụ ma fịnị ḅára kunema siḅaá, nna fịnị ḅára nẹ́ngịbẹm parị sa.

1 Jọn 3:13

Anịgo anị ọ́ tọ́rụ́ nẹ́ngimama, ịyẹa mịnaapụ ḅọ́rọ́ tuminikiriapụ ma ọ tarịgha.

1 Jọn 5:19

Wa nimim ḅẹ́ wamịnị Tamuno awọ, tuminikiri gbọrụ ma sọ sii tumḅọ ma sughubie imi.

Puu Findi 12:9

Opuma dụḅa ḅụọ nyáná ododó ma nnị anị gbi pághámam, anị olom kiri nwángị ododó ma ẹ́kpẹ́dua anịgha Satanị pa sịḅọ, oḅori pa tuminikiri mamgba sịḅọ. Nnị o gbi kórómam tuminikiri, ori na ori sookumuapụ.

Puu Findi 13:8

Tuminikiri dumafịnịapụ mamgba susi anị pịrịbẹm, tuminikiri ma na saghịgha sáá nnị ẹ́rẹ́ gịẹ kórómaapụ dumafịnịapụ ma diri bie anịị susi anị pịrịbịghaapụ, mịị diri ma nyánáḅọ anịị n ḅáa Ánáná Tụwọ ma.