Romapụ 12:16 - Ibani New Testament

¹⁶ Diin ḅụ kị́nị́mamgba na ngaa. Opuamịẹnyẹ mịẹma, kụ́ma mịẹkụ oforiapụ ma na nangwọ mịẹ. Nyẹ́nimiḅọ ḅara pa ịḅụ arịma.

Romapụ 12:16 ပူးပေါင်းရင်းမြစ်များ

Matiu 11:5

Tọ́rụ́pụ́apụ nna tọ́rụ́ nyẹ́ arịm, ikúléapụ saghị nwángịm, ḅụkọ-obii kọọapụ ori nnị gwọm, biripụuapụ biri nyẹ́ naam, fịịapụ fịị ḅụ saghị duma bie sọm, n pịghị ibi oku ma dugho wásámáa igonyiapụ pịrịm.

Matiu 26:11

Igonyiapụ ma sáá mamgba nnị ọmịnị na imii kụ́ma irị sámámgbagha ọmịnị i nyáná ḅo bẹnyẹ.

Ibi Oku Ma Luk Anị Gịẹ Ḅara 14:13

Kụ́ma ị fị na ḅụ ti kóróma nḅẹḅẹ́, igonyiapụ ma sị, oju karagha nwángịapụ ma na ikúléapụ na pịghị Tọ́rụ́pụ́apụ ma sịị,

Ibi Oku Ma Luk Anị Gịẹ Ḅara 6:20

Jizọs warị tọ́rụ́ pa ori ọḅụduaapụ dighi warị ḅẹẹ: <

Fịrị Ḅara 4:32

Minini ogbo ma gbẹ́rẹ́ tẹ́mẹ́ nyanam. Gbẹ́rẹ́ḅọ so amịna nyánányẹ ḅẹgha ḅẹẹ ọ́ inyee, kụ́ma nnị nyána nyẹ gonyẹ́ gonyẹ́ nnị pa jụghọ jụghọ na diem.

Romapụ 11:20

Mịma karakárányẹ. Nnị nna anyịmasim nnị mininigha gosi, nnị warị ọ pa nna kiri ḅụ warị, ọ mininim gosi. Kụ́ma anịma pa bịpịkpọ ma; anịmanakaragha ḅáláfaa.

Romapụ 11:25

Gbẹ́rẹ́ ḅọghu tụ́manyẹ imi, a dọghụnyẹ sị o nimi ị́yẹ́ amịnáapụ, anị minibịgha ọ kọ́rọ́ma ọmịna nyẹ́nimi láa ḅara. Mịị Izirẹlị kụrọ kúkúbie ma fịnị mú kunema láabịgha, kụ́ma anị fịnịbẹm ákị mú Juughaapụ ma kịẹbịpị Tamuno damaḅo bẹapụ kara sa láa.

Romapụ 12:3

Tamuno ma ori tọ́rụ́kụrụkụ́rụ́ ḅụ ḅọ́rọ́ pa die i pịrịnyẹ gosi, a dugho ọmịnị kị́nị́mamgba pịrịarị ḅẹ́ gbẹ́rẹ́ḅọ sọ kóróma ma ḅẹ́ n ḅọ opuma duḅamam, n ḅọ ọkọ fịnịgha sa, anịmanakaragha ḅụsímínímá ị́yẹ́ kóróma ḅụ, pịghị ḅẹ́rẹ́kọ ịḅụ pịrị Tamuno ma pa ị pịrị minini láa ḅara ḅụ.

Romapụ 15:5

A Tamuno ma tẹ́ghẹ́arị ingịrịma na tẹ́mẹ́kụrọ ḅára saghị ḅoarịḅọ mịẹsị ọ gbẹ́rẹ́ bịpịfie ọ Krais Jizọs ma duarị ḅara,

Romapụ 6:2

Ọkọfịnị nyẹ ofori! Wa fịị sii pịrịmam, wa tegósi pa anị bie duma kọ bẹ?

1 Kọrịntịapụ 1:10

I jẹa mininiapụ a ọ́ tẹ́ghẹ̄m wámịna Nyánáḅọ Jizọs Krais ẹrẹ ḅụ ḅẹẹ ó gbẹ́rẹ́ bịpịfie si puama ọmịna ogboku bie fịnịbịgha ḅara. Ọ ḅụ pa gbẹ́rẹ́nyẹ mịẹ ọmịna kúkúbie na ọmịna kóróma ḅụ.

1 Kọrịntịapụ 3:18

Ọmịnị oḅori pa ọmịna ḅụ sị ma. Ḅọ́rọ́ o kórómam mḅẹ́ḅẹ́ ḅẹẹ tuminikiri asọ ḅụ ọ nyẹ́nimim ọ tụ́ma oḅori sọọ sị ọmịnị ibima nyẹ́nimi bẹ ḅara.

1 Kọrịntịapụ 4:10

Krais goo, wamịnị oḅoriapụ sọọm; kụ́ma ọmịnị nyẹ́nimiapụ sọọm Krais ḅụ! Wamịnị ịnyọ wa ḅụ ofori, kụ́ma ọmịnị ọ kụrọm! Nnị wa dighisimam kụ́ma nnị o dighi sóghólomam!

1 Kọrịntịapụ 6:5

A mịma dugho pa ọmịna ḅụgịrịrịmamam. Ḅẹẹ gbẹ́rẹ́ nyẹ́nimiḅọ sọ ofori mọ ọmịna kobiri ogbo ine ḅẹ́rẹ́kọ bẹḅọ ori amịnáapụ Krais asọ duarịapụ ma ogbobie?

1 Kọrịntịapụ 8:2

Sịḅọ ḅẹẹ ọ nyẹ nimim, karakárá ma nimigha ọ nimi na ibiḅara.

2 Kọrịntịapụ 13:11

Kunemaá, i Daa awọ, ọmịnị ibima fịnịị, asọ nwángịị kpain ḅụ, ị́yẹ́ tẹ́ghẹ̄ẹ̄ bịpị ma pughuu, ọ gbẹ́rẹ́ tẹ́mẹ́ nyáná, o diin ḅụ ngaa, diin na ḅẹlẹma nyáná Tamuno ma ọmịnị na fịnịị.

Filipaiapụ 1:27

Mịẹnyẹ gonyẹ́ gonyẹ́ ḅụ árị ḅẹ́ ị́yẹ́ duma Krais ibi oku ma na kuram sị ḅọ́rọ́ a ine anịgha a pịghị inegha sị mú ọmịnị arịị a naábẹm ḅẹ ọ kụrọma sẹ́fịnịarị. Gbẹ́rẹ́ tẹ́mẹ́ ḅụ, na pịghị gbẹ́rẹ́nyẹ pụghọ tarị ḅụ, ọmịnị kị́nị́mamgba o sọ gbólomaarị ibi oku ma minini gosi.

Filipaiapụ 3:16

Anị fịnị ḅara fịnị ḅara wa pa tórúku mú, pa wa duarị ólóghó ma dua mú mị́sa láa.

Filipaiapụ 4:2

Uodiya na Sintiki, páisisi, a ọ tẹ́ghẹ̄m ọmịnị ọmịna nụná ma kunema, ẹ́rẹ́mịnaapụ ḅara Krais bie.

Hiburuapụ 13:5

Ọ mịnị ọmịna duma fófóoma igbii ḅẹlẹma ḅụ, ọnyana nyẹ ọ tọ́rụ́ bi, Tamuno kọkọ ḅẹ́, <>

1 Pita 3:8

A kunemaarị: ọmịnị kị́nị́mamgba gbẹ́rẹ́ tẹ́mẹ́ nyáná, ḅụnjịrị nyáná, jụghọ jụghọ ḅẹlẹma mịnaapụ ḅara, ọmịnị ibiamịẹnyẹ nyáná pịghị ḅụ siterema jụghọ jụghọ pịrị.

1 Pita 5:3

Ọ kị́nị́nyánáapụ dighi Tamuno pa ọ pịrị ánánáawọ́ ma pịrịma, kụ́ma n siḅe sị nnị ọ duma kọọ ḅara pa duma kọọ.

3 Jọn 1:9

A gbulu ábálálá gịẹ Tamuno kubiri ogbo ma fịrịmam kụ́ma Diyotirifes dọghụḅọ bẹ ọ sịbịdaa n pịrịm, biri pa ị́yẹ́ dughonyẹ náa dọghụgha.