Romapụ 12:10 - Ibani New Testament

¹⁰ Ọ mịnaapụ ḅara pa jụghọ jụghọ ḅẹlẹma, osigha pa jụghọ jụghọ pịrị ọ́ ḅụ nẹ́ngịma.

Romapụ 12:10 ပူးပေါင်းရင်းမြစ်များ

Matiu 20:26

Anị ọkọfịnịbịgha ọmịna ḅụ. Anịmanakaragha ọmịna bie opu tumḅọ sọ biḅọ gonyẹ́ gonyẹ́ n ḅo ọmịna fịrịnwangịḅọ sọọ.

Ibi Oku Ma Luk Anị Gịẹ Ḅara 14:10

Tụ́ma nnị ị sị ḅoo maẹrẹ, mú pápáapụ yọ ma ḅụ kpọrọfịnị, si ị sịḅọ ma warị ḅo i ḅẹbẹm, Mịma warị kuu akuoo ị pịrịbẹm igoniapụ mamgba tórúku.

Ibi Oku Ma Jọn Anị Gịẹ Ḅara 15:17

Mịị ị́yẹ́ ologho: ọ jụghọ jụghọ ḅẹlẹma.

Ibi Oku Ma Jọn Anị Gịẹ Ḅara 17:21

Daa mịẹsị nnị kị́nị́mamgba gbẹ́rẹ́ ḅụ ḅụ fịnị, ịrị ibie fịnị ḅara, ịrị ma sọ ibie fịnị ḅara. Mịẹsị nnị wa bie fịnị, sị tuminikiri ma minini bẹ ḅara ḅẹ́ ịrị i fịrịmam.

Fịrị Ḅara 4:32

Minini ogbo ma gbẹ́rẹ́ tẹ́mẹ́ nyanam. Gbẹ́rẹ́ḅọ so amịna nyánányẹ ḅẹgha ḅẹẹ ọ́ inyee, kụ́ma nnị nyána nyẹ gonyẹ́ gonyẹ́ nnị pa jụghọ jụghọ na diem.

Romapụ 13:7

Ọ́rụ́ḅọ ọ́rụ́ḅọ ḅara ịrị ọlọnyẹ gbẹ́ẹ̄; ị ḅárákū ósó igbii na ị́yẹ́ ngọ ósó igbii gbẹ́ẹ̄, osigha na kuu pa nnị kị́nị́mamgba pịrị.

Galesiaapụ 5:13

Ịyẹa mịnaapụ Tamuno ọ sịmam ḅẹ́ ọ mịnị ómóniapụ sọ ma, kụ́ma ọ minima sị mị́sa ọ nyáná ḅụ nyána ma mịẹsị ọmịna ojumẹnị ḅẹrẹtọ ọ pịrị. Anịmanakaragha ọ ḅẹlẹma ḅụ fịrịnwangị jụghọ jụghọ pịrị.

Galesiaapụ 5:22

Kụ́ma Tẹ́mẹ́ ma pághámaḅoarị sịmgbọlụ anịị, ḅẹlẹma, bieḅẹlẹ, diin, ngịrịma, ibitẹ́mẹ́ nyána jụghọ jụghọ pịrị ibinyẹ, tẹ́mẹ́ gbánā,

Galesiaapụ 5:6

Wa ḅo Krais Jizọs na gbẹ́rẹ́nyẹ mịẹ sáá, tumḅọ tọ́ngọ̄ pẹ́lẹ́ na tumḅọ tọ́ngọ̄ pẹ́lẹ́gha na mịẹnyẹ ofori. Nyẹ ḅụ sọnyẹ anịị minini ḅẹlẹma ḅụ ḅọ́rọ́ anị ḅụ die pághámaarị nyẹ.

Filipaiapụ 2:3

Ọ bẹnyẹ bẹnyẹ mịẹma ọ nyánáḅọ ọ ḅụ pịrị bi sọ́nyẹ goo anịgha ọ pa álála ḅọ́rọ́ pa bịpịkpọ ḅẹnyẹ, kụ́ma ọ ḅụ sitéréma jụghọ jụghọ pịrị, jẹ́apụ pa nyẹ́sị ọmịna ḅụ nẹ́ngii.

Kolosiapụ 1:4

Tegó wa namam ọmịna minini Krais Jizọs ḅụ, ọ pịghị nyáná Tamuno túminị́ mamgba pịrị ḅẹlẹma.

1 Tẹsalonaikaapụ 4:9

Mịnaapụ ma ḅẹlẹma gbolomanyẹ, o bigha gbẹ́rẹ́ḅọ sọ anị gbolomanyẹ gịẹ ọ pịrị Tamuno ọ ḅara na pa o diemam ọ jụghọ jụghọ ḅẹlẹma bẹ ḅara.

2 Tẹsalonaikaapụ 1:3

Wámịna Daa awọ, sámámgba wamịnị ịmịẹḅam pa Tamuno ḅẹbẹm ọmịna sịbị goo tegó mịma anị karakáram ḅẹẹ wamịnị ọkọọ mịẹ ọmịna minini opuma sẹnịarị gosi ọ nyáná jụghọ jụghọ pịrị ḅẹlẹma sọ pịghị opuma duḅaarị.

Hiburuapụ 13:1

Ọ jụghọ jụghọ ḅẹlẹma bịpịmú Krais asọ duaarịapụ ḅara.

1 Pita 1:22

Ḅẹ́ mị́sa ọmịnị ọmịna ḅụ mịẹ yóriyórimamáa ḅara ma karakárányẹ ma mịẹ ḅụ, ọ pịghị mị́sa karakárá ḅẹlẹma nyáná jẹ́ mininiapụ ma pịrịmam, ọmịnị ọmịna tẹ́mẹ́bie gbọrụ pa ibiḅara pa jụghọ jụghọ ḅẹlẹma.

1 Pita 2:17

Ọmịnị osigha nyáná kị́nị́mamgba pịrị, ị jẹa mininiapụ ma ḅẹlẹma, ọ Tamuno dighi ḅáláfaa, kuu pa ámányánáḅọ ma pịrị.

1 Pita 5:5

Anị gbẹ́rẹ́ ḅara ma ọmịnị ásáawọ ọmịnị ọ tórúku sẹ́nịapụ ma osii. Ọ ḅụ́sitéréma fịrịnwangị jụghọ jụghọ pịrị. Tọ́ndiri ma dugho ḅara ḅẹ́, Tamuno opuamịẹnyẹapụ ma daá sẹ́ma sẹ́mam kụ́ma ọrẹ ḅẹlẹma pa ḅụ sitérémaapụ ma die.

2 Pita 1:7

Tamuno dighi ḅáláfaa ḅụ, ibitẹ́mẹ́ nyáná mịnaapụ pịrịị, ibitẹ́mẹ́ nyáná mịnaapụ pịrị ḅụ ḅẹlẹma pa anị ḅụ sua.

1 Jọn 4:11

Ị́yẹ́ ibi nangwọapụ, ḅọ́rọ́ Tamuno mị ḅara ma pa wa ḅẹ́lẹ́mam, wamịnị sọ jụghọ jụghọ ḅẹlẹma na ibim.

1 Jọn 4:20

Bẹḅọ fịnịfịnị ḅẹẹ, <> anịsọ n ḅọ mị́naḅọ na tarịgha ḅụ fịnị, anị tumḅọ ma epeletiḅọ. Tegó ine amịna mị́naḅọ, n ḅọ tọ́rụ́ pa árịarịḅọ ḅẹ́lẹ́maghaḅọ ine n ḅọ na arịgha Tamuno ma ḅẹ́lẹ́mabịgha.