Romapụ 12:1 - Ibani New Testament

¹ Anị ẹrẹ́sị, mịnaapụ, Tamuno ma nyáná wa pịrị opu lolomakúkúbie gosi, a ọ tẹ́ghẹ̄m ḅẹ́ ọmịnị ọmịna ḅụ pa duma igwagwaá Tamuno pịrị, n fófóoma ori fịrị pịrịnyẹ na pịghị ọ ḅẹlẹma nyẹ. Mịma anịị ọmịnị pa ọ pịrịbẹ tụ́ma susi.

Romapụ 12:1 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 7:47

A dugho ọ pịrịm ḅẹẹ a diepágháma maá ḅẹlẹma ma diearị ḅẹẹ árị tọgha sii ma ḅụ a siiḅụḅarasipịrị nyánámam. Nnị kálá siiḅụḅarasi pịrịḅọ kálá ḅara pa ḅẹ́lẹ́mam.>>

Romapụ 12:2

Mịnị tuminikiriapụ dua nnị nyẹ mịẹmịẹ ḅara pa nyẹ mịẹma, kụ́ma wárịso Tamuno biebẹ ọ dima, anịị káara ḅara pa ọmịna kúkúbie dima. Anịsa, o nimibẹm Tamuno ma tọ́nyẹ, ibi nyẹẹ, ọḅụ ḅẹ́lẹ́nyẹ pịghị kpain nyẹ.

Romapụ 15:16

ḅẹ́ a Krais Jizọs fịrịnwangịḅọ sọọ Juughaapụ ma pịrị sị Tamuno ma igwagwaḅọ ḅara a Tamuno ma ibi oku dugho wásámaarị, Juughaapụ ma warị ḅo Tamuno daakị bẹ agba sọ, Tọ́ntọ́ Tẹ́mẹ́ fófóoma ọ pịrịnyẹ.

Romapụ 15:30

Mịnaapụ, a wámịna Nyánáḅọ Jizọs Krais ẹ́rẹ́ na pịghị Tẹ́mẹ́ ma pịrịarị ḅẹlẹma pa ọ tẹ́ghẹm: ḅẹ́ ọ ḅárásua sị Tamuno tẹ́ghẹ̄ kụrọma i sịbị go.

Romapụ 2:4

Anịgha ị Tamuno opu ibi na ori inema tẹ́mẹ́ na ori ngịrịma pa papanyẹ mịẹbẹ, Tamuno ori ibim, ori ibi ma ọ daa mú sii ḅụ pịghị ḅụ súúarị.

Romapụ 6:13

Ọmịnị ọmịna oju gbẹ́rẹ́ angaá sọ saghị sii pịrịma ḅẹ́ nnị anị pa sii fịrị nwángị. Anịmanakaragha ọmịnị nnị fịị ḅụ ḅọ́rọ́ma duma bie suaapụ, ọmịnị ọ ḅụ pa Tamuno pịrị, ọmịnị ọmịna oju gbọrụ mamgba saghị Tamuno pịrị sị nnị anị pa karakárá ibiamịẹnyẹ fịrịnwangị.

Romapụ 6:16

Ọmịnị o nimigha ḅẹ́, ọmịnị ọmịna ḅụ pa jụghọ pịrị sa soḅọ́rọ́ n ḅọ ómóniḅọ sị n ḅọ bịpị pughu, ọmịnị omoni sọ ọ bịpị pughu nyánáḅọ ma pịrịmam ḅọ́rọ́ ọmịnị omoni sọ sii pịrị, fịị dighiḅoarị nyẹ anịgha Tamuno bịpị pughu mịẹsị tumḅọ na Tamuno na karakárá ḅụ ḅụ fịnị.

Romapụ 6:19

A éné gonyẹ́ gonyẹ́ ḅụ ọ naarị ẹ́gẹ́rẹ́ pa nyẹ pa o diem ọmịna pologha akanyaḅo gosi. Gbẹ́rẹ́sa biri ọmịnị ọmịna ḅụgbọrụ saghị pa ómóniapụ mịẹ ịlọ́lị duma na ólóghó bịpị pughugha duma pịrịm, anị gbẹ́rẹ́ ḅara ma ọmịnị ọmịna ḅụgbọrụ saghị pa ómóniapụ mịẹ karakárá ibiamịẹnyẹ pịrị, tumḅọ dighi mú tọ́ntọ́ duma bie súúarị nyẹ.

Romapụ 9:23

Ọ pịghị dọ́ghụm ori ọrẹ opu ipine diepágháma, ọ pa wamịnị ọ tọ́rụ́kụrụkụ́rụ́ nyáná pịrịapụ ma sịbị sara nyẹ, ọ tẹ́lẹ́maapụ ḅẹ́ wamịnị ori ipine nyáná.

1 Kọrịntịapụ 1:10

I jẹa mininiapụ a ọ́ tẹ́ghẹ̄m wámịna Nyánáḅọ Jizọs Krais ẹrẹ ḅụ ḅẹẹ ó gbẹ́rẹ́ bịpịfie si puama ọmịna ogboku bie fịnịbịgha ḅara. Ọ ḅụ pa gbẹ́rẹ́nyẹ mịẹ ọmịna kúkúbie na ọmịna kóróma ḅụ.

2 Kọrịntịapụ 10:1

Krais ḅụ fịnị diin na ḅụsímínímá, irị Pọl, anịị mị tẹ́ghẹ̄ bịpị ma pa ọ tẹ́ghẹ̄arị nyẹ, ịrị anịị túminị́ ḅẹ́ sị tọ́rụ́kụ́kụ́ḅọ a ọ nana gbẹ́rẹ́ angaá fịnị sáá, kụ́ma tọ́rụ kụ́rọ a ọ nana gbẹ́rẹ́ angaá ófórigha sáá.

2 Kọrịntịapụ 4:1

Tamuno ọrẹ lolomakúkúbie ḅụ mị fịrị ma pa wa pịrịmam ḅẹ́ wa nwángị, anịgo gbẹ́rẹ́nyẹ sọ mịẹbịgha si wámịna tẹ́mẹ́ oḅudáa.

2 Kọrịntịapụ 4:16

Mịma go anị wámịna tẹ́mẹ́bie kụrọmagha sọ, wamịnị ọkọ minighaa, karakárányẹ ḅẹẹ wámịna ojumẹnị kẹ́lẹ́kẹlẹ ḅụrụarị, kụ́ma wámịna tẹ́mẹ́bie duma ma anịị ene gbọrụ gbọrụ ḅụ nnị anị mịẹ iwomaarị.

2 Kọrịntịapụ 5:20

Wamịnị anị mị́sa sẹ Krais pịrịarịapụ sọ́ḅọ́rọ́ Tamuno wa ḅụ ḅọ́rọ́ túminị́ tẹ́ghẹ̄arị. Wa Krais sịbị go ọ tẹ́ghẹ̄arị; ḅẹẹ Tamuno iruonaapụ ḅụ ọ pịghị mú ọrẹ nangwọapụ sọọ.

2 Kọrịntịapụ 6:1

Wamịnị na Tamuno na nwángị gbólomaarị fịrị ma, wamịnị ọ tẹ́ghẹ̄m, ọmịnị Tamuno tọ́rụ́kụrụkụ́rụ́ nyánámaapụ ḅẹẹ ọmịnị anị guluguluma ma.

Ẹ́fịsọsapụ 4:1

Anịgosi a ọ tẹ́ghẹ̄m ịrị mị́sa ikólinaḅọ a fịrịnwangị Kị́nị́nyánáḅọ ma pịrịarị goo ḅẹ́, ọ duma kọọ Tamuno bi ḅara ḅẹẹ o duma kọọ, ori ọ sị sáá.

Ẹ́fịsọsapụ 5:10

pịghị ḅụ́kọ́rọ́ma Kị́nị́nyánáḅọ ma ḅẹlẹma nyẹ dọghụ pághámaḅo.

Filipaiapụ 1:20

Tẹ́mẹ́bie a binyẹ na pịghị a tọ́rụ́ dighinyẹ anị ḅẹ́ ị́yẹ́ fịrị ma ḅụ a ọḅụ daagha, kụ́ma sámámgba ḅụ, pịghị mị́sa ma ḅụ a opuma tẹ́mẹ́kụ́rọ nyánábẹm sị gboro gboro kuu akuoo Krais pịrịbẹm, a duma a pịghị fịị o.

Filipaiapụ 2:17

Didighigha nnị ị́yẹ́ ọmbịnyẹ́ pa ọmịna minini mịẹ pa Tamuno pịrị ágbáa ma ḅụ karị sárábẹm anị ḅọ́rọ́ ọkọfịnị fịnị. I bieḅẹlẹm ḅẹ a ọmịnị kị́nị́mamgba na bieḅẹlẹ.

Filipaiapụ 4:18

A nyẹ gonyẹ́ gonyẹ́ nyanaḅomam bi ḅara ḅụ, anị bi wasam! A binyẹ gonyẹ́ gonyẹ́ a nyánam mị́sa Epaforoditọs ọmịna dienyẹ akuoo i pịrịmaá sáá. Anị nnị mịẹ Tamuno pịrị akị dọghụ igwaa.

1 Tẹsalonaikaapụ 4:1

Kunemaá, wámịna Daa awọ, ọ wámịna ḅara dawọḅomam ọ duma kọọ bẹ ḅara sị anị Tamuno ḅụ ḅẹ́lẹ̄. Mị ḅara ma anịị o duma kọọarị ḅara. Mị́sa wamịnị ọ tẹ́ghẹ̄m opuma ḅẹ́ Kị́nị́nyánáḅọ Jizọs ẹrẹ ḅụ ọmịnị ibi mịma nẹ́ngị ḅara pa duma kọọ.

1 Tẹsalonaikaapụ 4:10

Ọ pịghị mị ḅara ma pa Krais ḅụ mininiapụ mamgba na ngáamam Masidoniya gbọrụ ḅụ. Anịgo, wamịnị ọ tẹ́ghẹ̄m ḅẹ́ ọ mịma nẹ́ngịma ibiḅara pa angaá.

1 Tẹsalonaikaapụ 5:12

Wamịnị ọ tẹ́ghẹ̄m, wámịna Daa awọ, ḅẹẹ ọmịnị ibima ọmịna ogboku bie fịrịnwangịarịapụ ma osii, ọ datụ́ghụ́ma pịghị againma pa ọ pịrịarịapụ Krais asọ ma ḅụ.

1 Timoti 2:3

Mịma anị ibim pịghị Tamuno wámịna Dụaḅọ́rọ́maḅọ ma ḅụ ḅẹ́lẹm,

1 Timoti 5:4

Kụ́ma ḅọ́rọ́ dee fịịmáa ọ́rụ́ḅọ awọ nyánam anịgha taa awọ nyánam, n Tamuno tọ́ọ n pịrị fịrị nwángịị anị nna nyingi na daa na gboloma ḅara, mị ḅara ma nnị nna nyingi na daapụ na opu nyingiapụ na opu daapụ ma sáá pa n gbẹarị, tegó mịma anịị Tamuno tẹ́mẹ́ mịẹ ḅẹ́lẹ́maarị nyẹ.

Fịlẹmọn 1:10

Á ị tẹ́ghẹ́arị Onisimọs sịbị ọgọ́nọ́, mị́sa tụwọ sọọ i pị́rị́máaḅọ Krais bie, a pa ịkóliwárị ma bie fịnị sa, a ḅo Krais bie daa sọọ ọ pịrịmam.

Fịlẹmọn 1:9

Kụ́ma, a nyáná ị pịrị ḅẹlẹma go, tẹ́ghẹ̄ anị a ị tẹ́ghẹ̄arị nyẹ. Á mịma mịẹarị irị Pọl mḅẹ́sọ, olom owitụ́wọ pịghị mị́sa ma ḅụ Jizọs Krais ikólinaḅọ.

Hiburuapụ 13:22

A ọ tẹ́ghẹ̄m ị́yẹ́ mịnaapụ ḅẹ́ ọmịnị ingịrịma nyáná a gịẹḅọ ọ pịrị tẹ́mẹ́kụ́rọma ábálálá ma pịrị. Mị́sa a gịẹ ábálálá ma opuma nángwọgha.

1 Pita 2:20

Anị tẹ́ sọ́nyẹ sọ ọ pịrịbẹ, ọ ḅọ́rọ́ fomḅara daá ọ mịẹ siiamịẹnyẹ gosi, warị ngịrịma nyáná anị pịrị? Kụ́ma ḅọ́rọ́ o fomḅara dam o karakárányẹ ma mịẹ sáá sị ngịrịma nyáná anị pịrịị, Tamuno o dighi bieḅẹlẹbẹm.

1 Pita 2:5

Mị́sa ọ fịnị ḅara sọ́ḅọ́rọ́ dumafịnị dapịrị nnị pa tẹ́mẹ́ju warị námáarị nyẹ. Ọmịnị sọ pịghị tọ́ntọ́ igwagwaapụ, Jizọs Krais ḅárásua ḅụ ḅọ́rọ́ ọ Tamuno ḅẹ́lẹ́maarị igwaa gwaabẹm.