Romapụ 11:7 - Ibani New Testament

⁷ Tẹ́ nyẹ anịsa? Izirẹlịapụ dọghụarị nyẹ ma n dọghụḅogha. Tamuno sẹlẹakị káláapụ ma ngéré anịị dọghụḅọ nyẹ; isiapụ ma biripụ́ma pa Tamuno n sị oku ma pịrịm.

Romapụ 11:7 ပူးပေါင်းရင်းမြစ်များ

Ibi Oku Ma Mak Anị Gịẹ Ḅara 6:52

Tegó nnị ine na akanyaḅogha fị́nyẹ pa owiapụ oyi mmẹẹ́ a ndẹ́ẹ na sọ́nọ́ a si pịrịma dughoarị nyẹ, nna tẹ́mẹ́bie ine anị nimiḅogha.

Ibi Oku Ma Luk Anị Gịẹ Ḅara 13:24

<<Ị́yẹ́ ịnyọ láa ḅara mịẹsị kpápụ́ ḅụ́pọ́ ma ḅụ ḅọ́rọ́ tegó tọghaapụ asọ dọghụ sị kpápụ́ ḅụ́pọ́ ma ḅụ ḅọ́rọ́bẹm kụ́ma inebịgha.

Ibi Oku Ma Jọn Anị Gịẹ Ḅara 12:40

<>

Romapụ 10:3

Nnị Tamuno ḅara saghị ḅo karakárá ibiamịẹnyẹ ma nimigha sa warị asọ dọghụ nna nganyẹ pụ́úpágháma ḅo, anị ḅara ma nnị mịnị sịbị tughú Tamuno ma karakárá ibiamịẹnyẹ pịrịgha.

Romapụ 11:25

Gbẹ́rẹ́ ḅọghu tụ́manyẹ imi, a dọghụnyẹ sị o nimi ị́yẹ́ amịnáapụ, anị minibịgha ọ kọ́rọ́ma ọmịna nyẹ́nimi láa ḅara. Mịị Izirẹlị kụrọ kúkúbie ma fịnị mú kunema láabịgha, kụ́ma anị fịnịbẹm ákị mú Juughaapụ ma kịẹbịpị Tamuno damaḅo bẹapụ kara sa láa.

Romapụ 11:5

Anị gbẹ́rẹ́ ḅara ma anịị anị fịnị ḅara mị́sa, kọọ káláapụ imi, Tamuno ori a tọ́rụ́kụrụkụ́rụ́ ḅụ ḅọ́rọ́ sẹlẹakịapụ.

Romapụ 3:9

Anịsa, wamịnị Juuapụ ma wámịna anganyẹ ibiḅaa Juughaapụ ma nganyẹ nẹ́ngị? Ọkọfịnịnyẹ ofori! A parị dieḅọ́rọ́mamam ḅẹ́ Juuapụ na Juughaapụ na nnị kị́nị́mamgba sịị kụrọ ma sughubie imi.

Romapụ 6:15

Anịsa, wa tẹ́ dugho bẹ? Wa pa siinyẹ mịẹbẹ, wa ólóghó sughubie ofori gosi kụ́ma Tamuno tọ́rụ́kụrụkụ́rụ́ ḅụ? Ọkọfịnị nyẹ ofori!

Romapụ 9:18

Anịgo Tamuno lolomakúkúbie nyáná ọ lolomakúkúbie nyáná pịrị dọghụḅọ pịrịbẹm, ọ pịghị mịẹ dọghụḅọ n ḅọ kụ́rọ kúkúbie nyáná ori ọkọ mịẹm.

Romapụ 9:23

Ọ pịghị dọ́ghụm ori ọrẹ opu ipine diepágháma, ọ pa wamịnị ọ tọ́rụ́kụrụkụ́rụ́ nyáná pịrịapụ ma sịbị sara nyẹ, ọ tẹ́lẹ́maapụ ḅẹ́ wamịnị ori ipine nyáná.

1 Kọrịntịapụ 10:19

A mịma dugho ḅara ma anị dugho ḅẹẹ n gwaa pa n kárá tamuno pịrị igwaa ḅẹnyẹ ḅẹnyẹ ḅụ imi anịgha ḅẹ́ n kárá tamuno ḅẹnyẹ ḅẹnyẹ ḅụ imii?

2 Kọrịntịapụ 3:14

Kụ́ma, nna kóróma pụ́ụ́m, sị ḅo mịmgba éné ma láa, n pa bịtẹ pa nna kóróma gbẹm, nnị olom ọḅọọ ma diri gooarị sa. Nnị bịtẹ ma nụ́nụ́ sịbẹm tumḅọ amịna ḅụ pa Krais na gbẹ́rẹ́nyẹ mịẹ sa ngéré.

2 Kọrịntịapụ 4:4

Mịị tuminikiri tamuno ma mininighaapụ ma kóróma tọ́rụ́pụ́mamam anịgo nnị ine baá ma arịgha anịị Krais ipine gboloma sị ibi oku ma ḅụ sághị ḅoarị baá, ori ma anị gbẹ́rẹ́sa Tamuno ma na kịkaḅọ.

Ẹ́fịsọsapụ 1:4

Ḅọlọmaa sáá, Tamuno náa tuminikiri ma tẹ́mẹ́gha sáá, ọ wa sẹ́lẹ́akịm ḅẹ́ wamịnị ori a túminị́ sọọ Krais ḅụ ḅọ́rọ́, ḅẹẹ wa tọ́ntọ́ ḅụ fịnị sị bịpị ḅụ laagha ḅara pa fịnị ọ toruku. Ori ḅẹlẹma gosi

Ẹ́fịsọsapụ 4:18

Nna kúkúbie kánákáná ḅụ imi, nnị diekiri nyanagha Tamuno pịrịarị duma ma ḅụ, n nimi gbẹ́rẹ́nyẹ sọ ofori, n pịghị kụ́rọ sịbịbie nyanam.

Filipaiapụ 1:18

Anị mịẹ nyẹ́ ofori kụ́ma anị ibieḅẹ́lẹ́mam ḅẹ́ asọ kịrịkị́rị́ ḅụ, n Krais dugho wásámam, ḅọ́rọ́ anị ibi kúkúbie ḅụ anị dugho wásáma anịgha sii kúkúbie ḅụ anị dugho wásáma o anị ibieḅẹ́lẹ́mam. A pa anị ḅụ bieḅẹ́lẹ́bẹm.

Hiburuapụ 12:17

Ọ́ kọ́kọ́ nimi bẹ, anịsa ma ḅọ́rọ́ sa, ọ pịghị ḅo ọ daa karịibima dọghụ sa ọ mịnị anị nyánaḅogha, ori ine asọ arịgha parị ọ mịẹmáa nyẹ ma dima bẹ ḅara, karakárányẹ ḅẹ́ ori owu mingi ḅụ ḅọ́rọ́ anị dọ́ghụm.

1 Pita 1:2

Nnị ọ sẹ́lẹ́akịm, Tamuno Daḅọ ma níminyẹ ḅụ ḅọ́rọ́, ọ Tẹ́mẹ́ pịghị ọ pa tọ́ntọ́ ḅụ wárị, si ọ Jizọs Krais osii, ọrẹ ọmbịnyẹ́ pịghị ọmịnị sịrị fiafiamaa. Tọ́rụ́kụrụkụ́rụ́ na diin, bí ḅara pa ọmịna nyẹ sọ.