Romapụ 11:22 - Ibani New Testament

²² Mịnga wamịnị arịm Tamuno ma ibi láa ḅara na pịghị ori ḅẹ́rẹ́kọ kụ́rọ ḅara. Ori ḅẹ́rẹ́kọ kụrọm bịghịmaapụ ma ḅụ, kụ́ma ibim ọ fịnị angaá, ḅọ́rọ́ ọmịnị ori ibi ma ḅụ sẹ toruku muu. Kụ́ma ọmịnị ọkọ mịẹgha mịẹgha, ọmịnị sọ nnị ọmịnị ányịmásibẹm.

Romapụ 11:22 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 8:15

Ibikiri ḅụ kóró sịmgbọlụ ma sẹ oku ma naapụ pịrịm sị ibi na pịghị bịpị osii tẹ́mẹ́bie pa anị kokom, anị warị ngịrịma nyáná wárii sị ḅo sịmgbọlụ suam.

Ibi Oku Ma Jọn Anị Gịẹ Ḅara 15:2

Ịḅụ fịnị sịịmgbọ́lụ suagha sị ḅara gonyẹ́ gonyẹ́ ori anị pẹlẹsibẹm, sịịmgbọlụ sua sị ḅara gonyẹ́ gonyẹ́ ori anị pẹlẹ gbulumabẹm sị anị jẹ́ jẹ́ mgbọ́lụ sua bẹ ḅara.

Ibi Oku Ma Jọn Anị Gịẹ Ḅara 8:31

Jizọs warị ọ ḅụ minini Juuapụ ma ḅẹẹ, <<Ọ ḅọ́rọ́ ị́yẹ́ dienyẹ ma ọlọ ọlọ, ọmịnị anịị tụ́ma sị ị́yẹ́ ọḅụduaapụ.

Fịrị Ḅara 11:23

Ori anị ngaa láa sáá, ori arịm Tamuno ma túminị́ ma bomamáa ḅara, o bieḅẹlẹm, warị n ḅẹ́ nnị sẹ kụ́rọ pịghị karakárá ḅụ fịnị Kị́nị́nyánáḅọ ma pịrị n Tẹ́mẹ́ gbọrụ mamgba.

Fịrị Ḅara 14:22

Nnị ịnyọ pa mininiapụ ma ḅụ suam ḅẹẹ nnị karakárá ḅụ sẹ nna minini ma pịrị. Warị pa n die ḅẹẹ, <>

Romapụ 11:21

Ḅọ́rọ́ Tamuno papa Juuapụ ma warịsogha karakárá sị ḅara fịnị ḅara fịnịapụ, ọ papa ọ warịsobịgha.

Romapụ 2:7

Jẹ́apụ ibinyẹ mịẹmịẹ tórúku mú ḅụ boma na kuu na gbámásó duma bim, nnị ma Tamuno duma gbámásó pa n pịrịbẹm.

1 Kọrịntịapụ 15:2

Mịị ibi oku ma ḅụ ḅọ́rọ́ ọ dụaḅọ́rọ́ma nyánam, ọ ḅọ́rọ́ a dugho wásáma ọ pịrị ẹ́gẹ́rẹ́ ma ọ́lọ́ kụ́rọ́ma kụ́rọ́maá. Ọkọgha nḅẹḅẹ́, ọ pápá mininimam.

Galesiaapụ 6:9

Ịnyọ wa ḅụ fama ibinyẹ mịẹ ḅụ, tegó wa mịẹ bịpị mumu, sáá ḅobẹm wamịnị anị sịmgbọlụ sughuakị bẹ sáá.

1 Tẹsalonaikaapụ 3:5

Anịị a go Timoti fịrịma nyẹ. A mịnị ine anị dagha sáá, a ọ fịrịmam ḅẹ́ o ḅo ọmịna minini gbolomanyẹ dọghụpágháma ḅoo. A ine ịḅụ ọlọgha, ḅụḅáláḅálá pa i tẹmẹ pịrịgha pa ḅẹ́ ẹ́kpẹ́dua ma ọ daádighim si wámịna fịrị mamgba sọ ḅo papanyẹ soarị.

1 Tẹsalonaikaapụ 3:8

Tegó ḅẹ́ mị́sa ma ḅụ wa tụmasi dumam, ọ ḅọ́rọ́ sẹ kụrọ ị́yẹ́ Kị́nị́nyánáḅọ na gbẹ́rẹ́nyẹ mịẹ duma ma ḅụ.

Hiburuapụ 10:23

Wa ibiḅara pa wa dugho págháma tọ́rụ́ dighinyẹ ma ọlọ, wa nimi sa ḅẹẹ Tamuno ọ minini nyẹ ọ mịẹbẹm.

Hiburuapụ 3:14

Wa ḅo Krais bie diekiri nyánámam, wa ḅọ́rọ́ wámịna tarị minini ma ọlọ kụrọma mú kunema ma láa.

Hiburuapụ 3:6

Kụ́ma Krais Tamuno Tụ́wọ, ọ sẹ kụrọm Tamuno wárị ma bie, ori anịị sịbịdáḅọ, wamịnị anịị wárị ma, wa ḅọ́rọ́ wámịna biekpọ na tẹ́mẹ́kụ́rọ ọlọsẹma nḅẹḅẹ́, wa pa ine bịpịkpọ ḅẹnyẹ.

1 Jọn 2:19

Mịnaapụ ma wámịna mịẹgbólóma kubiri ogboapugha, anị n go wa wáriso nyẹ; ḅọ́rọ́ nnị wámịna mịẹ gbolomaa kubiri ogboapụ, nnị wamịnị na fịnị dọghụbẹm. Kụ́ma nnị sọm kị́nị́mamgba árị bẹ ḅara ḅẹ́ karakáráma nnị wámịna ḅụ gbẹ́rẹ́apụgha.

Puu Findi 2:5

Biekóróma ọ bịghị kóró lama ḅara! Ọmịnị ọmịna sii ḅụ pịghị sị parị ọ mịẹmịẹnyẹ ma mịẹ. Ọ sii ḅụ pịghịgha pịghịgha, a ọ dámáḅobẹm sị ọmịna tọndọ gbananyẹ ma ákị anị fịnịkiri.