Romapụ 11:20 - Ibani New Testament

²⁰ Mịma karakárányẹ. Nnị nna anyịmasim nnị mininigha gosi, nnị warị ọ pa nna kiri ḅụ warị, ọ mininim gosi. Kụ́ma anịma pa bịpịkpọ ma; anịmanakaragha ḅáláfaa.

Romapụ 11:20 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 18:14

Jizọs warị ḅẹẹ, <>

Fịrị Ḅara 18:6

Juuapụ ma ọ nana jine jine sáá pịghị wirinumo pa ọ wiri nna ḅẹ́lẹ̄ pa siinyẹ fie ọ pịrị, ori ọ ḅụ suaḅịtẹ́ ḅụ fịnị fọọ gugu kórómam sị warị n ḅẹẹ, <<Ọmịna pulo ọmịna sịbị gbánaá! Irị i ḅara fiafiam. Mị́sa sághị bịpị muu, a Juughaapụ ma dámámubẹm.>>

Romapụ 11:18

Anịgo nnị ányịmasi sị ḅara ma dighisima ma, ọ ḅọ́rọ́ ọkọ mịẹmịẹ mịma pa biekóróma, ọmịnị kune ma ọlọsẹmagha kụ́ma kune ma anịị ọmịnị ọlọsẹma nyẹ.

Romapụ 11:21

Ḅọ́rọ́ Tamuno papa Juuapụ ma warịsogha karakárá sị ḅara fịnị ḅara fịnịapụ, ọ papa ọ warịsobịgha.

Romapụ 12:16

Diin ḅụ kị́nị́mamgba na ngaa. Opuamịẹnyẹ mịẹma, kụ́ma mịẹkụ oforiapụ ma na nangwọ mịẹ. Nyẹ́nimiḅọ ḅara pa ịḅụ arịma.

Romapụ 12:3

Tamuno ma ori tọ́rụ́kụrụkụ́rụ́ ḅụ ḅọ́rọ́ pa die i pịrịnyẹ gosi, a dugho ọmịnị kị́nị́mamgba pịrịarị ḅẹ́ gbẹ́rẹ́ḅọ sọ kóróma ma ḅẹ́ n ḅọ opuma duḅamam, n ḅọ ọkọ fịnịgha sa, anịmanakaragha ḅụsímínímá ị́yẹ́ kóróma ḅụ, pịghị ḅẹ́rẹ́kọ ịḅụ pịrị Tamuno ma pa ị pịrị minini láa ḅara ḅụ.

Romapụ 3:3

Ḅọ́rọ́ nna ḅụ jẹ́apụ minini nyanagha, nna minini nyánágha ma anị mịẹbẹ sị Tamuno mịnị sẹ́kụrọghaḅọ sọ?

1 Kọrịntịapụ 10:12

Ị ḅọ́rọ́ sị ḅẹẹ ị́ ibima sẹ́fị́nịarị ịḅụ ẹbị, sị ịbịghịbịgha ḅara.

1 Kọrịntịapụ 15:1

Mị́sa i jẹa mininiapụ, a pá o biekóróma, a dugho wásáma ọ́ pịrị ibi oku, ọ daákịnyẹ, anị ḅụ anịị ọmịna minini pịghị sẹ nyẹ.

1 Kọrịntịapụ 16:13

Ọ tọ́rụ́ kiri láa, sẹ kụrọ minini ma ḅụ, ọ tẹ́mẹ́ kụrọapụ sọ; ọ kụrọ fịnịị.

2 Kọrịntịapụ 1:24

Ḅẹgha ḅẹ́ wa dugho ọ pịrịarị ḅẹ́ ọ minini, wa nimim ḅẹ́ ọ sẹ kụrọm ọmịna minini ḅụ, Anịmanakaragha wamịnị ó nana nwángị gbólomaarị ọmịna bieḅẹlẹ bẹ ḅara.

2 Kọrịntịapụ 10:5

Na opuamịẹnyẹapụ pa asọ mgbẹsẹ karakárá Tamuno nimi ma pịrịnyẹ gonyẹ́ gonyẹ́ nụ́nụ́ kiri gbi, sii kóróma gonyẹ́ gonyẹ́ akị ịkóli ḅụ sua sị anị Krais bịpị pughu bẹ ḅara.

Filipaiapụ 2:12

Anịgosi, ịyẹa nángwọ́apụ, ọmịnị i bịpị pughuarị ḅara ma a ọ nana fịnị sáá, anị kọkọ ibi ḅẹẹ ọmịnị i bịpị púghú mị ḅara nẹ́ngịma mị́sa a ọ nana ófórigha sáá. Ọ pa ḅáláfá na oju sẹ́ghị pa ọmịna fịrịnwangị sị mịẹsị ọmịna dụaḅọ́rọ́ma káara.

Kolosiapụ 2:7

Ọmịna kune ọ ḅụ sọtẹ́lẹ́máa, ọmịnị ọ ḅụ duma kọọ, sị sẹ kụ́rọ tẹ́lẹ́ma ọmịna minini ḅụ, nnị anị pa ọ die ḅárá. Si bieḅẹlẹ imiẹḅa ọmịna bie bii fụ́fụ́.

2 Tẹsalonaikaapụ 2:4

Túminị́ pa tamuno mịẹsị susi pịrịarịnyẹ gonyẹ́ gonyẹ́ o sa nyáná pịrịbịgha mịị tumḅọ oḅu árịbẹm ḅẹ́ ọ dụḅa n nẹ́ngifámam, ọ pịghị Tamunowarị ma sọ́bẹm kpọrọfịnị sị dugho págháma ḅẹẹ ori anị Tamuno.

1 Timoti 6:17

Kụrọ ḅara pa dugho mị tuminikiri ngọ ma nyánáapụ pịrịị ḅẹ́ nnị opuamịẹnyẹ mịẹma, anịgha tẹ́mẹ́ gbánā dima dima koroarị nyẹ ḅụ, anịị tuminikiri ngọ kụma Tamuno ḅụ, nyẹ gonyẹ́ gonyẹ́ pa wásáma wa pịrịḅọ sị wamịnị anị pa wa ḅụ tii.

Hiburuapụ 3:12

I jẹa mininiapụ, ọ ḅụ ẹḅịị sị ọmịna bie gbẹ́rẹ́ḅọ sọ mininigha sị kúkúbie nyánábịgha ḅara sị n ḅọ ọḅụ pa dumafịnị Tamuno ma gbiibiegha ḅara.

Hiburuapụ 3:19

Anịgo, wamịnị arịm ḅẹẹ nnị ine ori ịnyọ́sárá sọgha n minini nyanagha gosi.

Hiburuapụ 4:11

Anịgo wamịnị wa ine ḅara mamgba mịẹsị árị ḅẹẹ wamịnị anị ịnyọ́sárá ma nyánam sị gbẹ́rẹ́ḅọ so bịghịbịgha ḅara isiapụ bịghị ḅara nnị minini nyanagha gosi.

Hiburuapụ 4:6

Tarị ibi oku ma naapụ, ịnyọ́sárá ma nyánaḅogha, tegó nnị mininigha. Kụ́ma jẹ́apụ imi nnị warisoapụ ḅẹẹ nnị anị daákịị.

Jems 2:19

Ị mininim ḅẹ́ gbẹ́rẹ́ Tamuno ngéré anị fịnịnyẹ, anịma ibim! Ẹ́kpẹ́dua ma sọ mininim sị pịghị jighe jighem ḅáláfa ḅụ.

Jems 4:6

Kụ́ma Tamuno nyáná wa pịrị tọ́rụ́kụrụkụ́rụ́ kụrọm anị Tọ́ndiri ma dugho ḅara ḅẹ́, <>

1 Pita 1:17

Ọ Tamuno ma tẹ́ghẹ̄arị sa, ọ Daḅọ pa ọ sim. Ori anị gbẹ́rẹ́ ḅara pa ḅẹ́rẹ́kọ kị́nị́mamgba pịrịarịḅọ, ọ́rụ́ḅọ ọ́rụ́ḅọ mịẹnyẹ labiri ḅụ. Anịma go, ị́yẹ́ duma éné kọnyẹ́ ma tuminikiri, árị bẹ, ịrị anị pa opu osigha nyáná pa ọ pịrịm.

1 Pita 5:12

Sailas a minini akị ḅo ḅẹ́ ori karakáráma Krais asọduaḅọ, ori anị ḅárásua si a mị kálá ábálálá ma gịẹ ọ fịrịma ḅọ. A ọmịna tẹ́mẹ́ kụrọma dọ́ghụm sị ị́yẹ́ dugho págháma nyẹ ma dugho ḅẹ́, mị anị Tamuno karakárá tọ́rụ́kụrụkụ́rụ́ ma anị ḅụ sẹ kụrọ.

1 Pita 5:9

Ọ sẹ́kụrọ ọmịna minini ḅụ, ọ daa sẹ́ma ọ kọkọ nimi bẹ ọmịna jẹ́ mininiapụ tuminikiri gbọrụ ḅụ nnị sọ mị gbẹ́rẹ́ tọ́rụ́siarị ma árịarị.

Puu Findi 18:7

Tọ́rụ́siarị na opu ḅụakụ pa a pịrị a pa a ḅụ pịrị opu na loghuloghu dumafịnị ḅara. A pa dugho a ḅụ pịrịarị:

Puu Findi 3:17

Ọ ḅẹm ḅẹẹ, <Ọmịnị igbii nyanam; ọmịnị ngọ kọmam, ọ dọghụnyẹ gonyẹ́ gonyẹ́ nyánámam!> Kụ́ma o nimigha ọmịna duma galagala ḅara na pịghị nnị ọ dighi ḅụ́jịrịrị ḅara! Ọmịnị igónyim, ọ papa ḅụ ḅụ imii, ọ tọ́rụ́ pịghị pụụm.