Romapụ 11:17 - Ibani New Testament

¹⁷ Nnị dipi olivu ma ḅụ n jẹa sị ḅara anyịmasim, n warị owi olivu sị ḅara pa anị na ḅọlọ gboloma. Ọmịnị Juughaapụ ma ọmịnị owi olivu sị ḅara ma kịkam, ọ warị mị́sa saghị Juuapụ tẹ́mẹ́ju ibi fị́nyẹ ma fịarị.

Romapụ 11:17 ပူးပေါင်းရင်းမြစ်များ

Matiu 21:43

<

Ibi Oku Ma Jọn Anị Gịẹ Ḅara 15:1

<

Ibi Oku Ma Jọn Anị Gịẹ Ḅara 15:2

Ịḅụ fịnị sịịmgbọ́lụ suagha sị ḅara gonyẹ́ gonyẹ́ ori anị pẹlẹsibẹm, sịịmgbọlụ sua sị ḅara gonyẹ́ gonyẹ́ ori anị pẹlẹ gbulumabẹm sị anị jẹ́ jẹ́ mgbọ́lụ sua bẹ ḅara.

Ibi Oku Ma Jọn Anị Gịẹ Ḅara 15:6

Iḅụbie fịnịgha ḅọ gonyẹ́ gonyẹ́, nḅọ fịnị ḅara anịị n gbii ḅuuma sị saghị sámụ́nọ́arị sị ḅara; ọkọfịnị sị ḅara n saghị fịnịbie gbi sua sị anị dọ́ghụm.

Fịrị Ḅara 2:39

Ḅẹẹ Tamuno mini nyẹ ma, o mini ọmịnị na ọmịna awọ pịrịm, na pịghị ḅọlọ angaá fịnịapụ pịghị wámịna Nyáná Tamuno sị ọ ḅụ pịrịbẹapụ mamgba.>>

Romapụ 11:24

Ọmịnị Juughaapụ ma fịnị ḅara sọ́ḅọ́rọ́ nnị ányịmasii owi olivu sị ḅara, warị nyẹ́ dipi ólóghó na kuragha ḅụ anị pa karakárá olivu sị ḅụ pẹ́lẹ́suú. Juuapụ ma fịnị ḅára sọ́ḅọ́rọ́ nnị dipi olivu sị ma, anị opuma Tamuno ḅụ sárásárábẹm nnị anyịma sị ḅara ma pa anị ngá sị ḅụ sima pẹ́lẹ́suú.

Galesiaapụ 2:15

Karakárányẹ ḅụ, wamịnị nnị wa yiim Juuapụ, <>

Ẹ́fịsọsapụ 3:6

Mịị ḅọghunyẹ ma dughoarị ḅẹ́ ibi oku ma ḅụ ḅọ́rọ́ Juughaapụ na Juuapụ na diekiri nyánam Tamuno karịibima ḅụ, nnị gbẹ́rẹ́apụ oju ma ḅụ pịghị diekiri nyánam, Tamuno Krais Jizọs ḅụ ḅọ́rọ́ minini nyẹ ma ḅụ.

Kolosiapụ 2:13

Gbẹ́rẹ́ sáá biri tẹ́mẹ́ ḅụ ọ fịị famam ọmịna sii gosi, ọmịnị ma pịghị ólóghó nyánágha Juughaapụ gosi. Kụ́ma mị́sa Tamuno ọmịnị pa duma bie suamam Krais ḅụ. Tamuno pịghị wámịna sii mamgba wáriso wa pịrịm.

Puu Findi 11:4

Mịị mmẹẹ́ a onyésẹapụ ma anịị mmẹẹ́ olivu pa sị sị́ị́ ma na pịghị mmẹẹ́ tọndọ gbananyẹ. Mịná mmẹẹ́ owiapụ ma tuminikiri ma Nyánáḅọ ma tórúku sẹm.