Romapụ 11:12 - Ibani New Testament

¹² Kụ́ma ḅọ́rọ́ nna siiamịẹnyẹ ma opu karịiḅi akuo tuminikiri pịrịm nna faá opu karịiḅi akuo Juughaapụ pịrịm. Anịsa karịibima ma anị dụḅa tọrọ́ láa bẹ Juuapụ ma kịẹbịpị ma káara sa!

Romapụ 11:12 ပူးပေါင်းရင်းမြစ်များ

Fịrị Ḅara 3:21

O sobie fịnịbẹm sị nnị nyẹ gonyẹ́ gonyẹ́ mịẹsị anị ịwọ sa láa, Tamuno ori tọ́ntọ́ ikiakoroapụ ḅụ ḅọ́rọ́ dugho págháma ma ḅara ḅọlọ sáá éné éné.

Romapụ 11:15

Tamuno n sịghị sa, tuminikiriapụ mamgba Tamuno iruonaapụ ḅụ fịnịapụ pịghị ḅo ori nángwọ́apụ sọm, anị tọ́rọ́ pa fịnị bẹ anịsa, nnị n daakị sa? Anị fịnị bẹ ḅara anịị fịị ḅụ saghị sị dumaapụ.

Romapụ 11:25

Gbẹ́rẹ́ ḅọghu tụ́manyẹ imi, a dọghụnyẹ sị o nimi ị́yẹ́ amịnáapụ, anị minibịgha ọ kọ́rọ́ma ọmịna nyẹ́nimi láa ḅara. Mịị Izirẹlị kụrọ kúkúbie ma fịnị mú kunema láabịgha, kụ́ma anị fịnịbẹm ákị mú Juughaapụ ma kịẹbịpị Tamuno damaḅo bẹapụ kara sa láa.

Romapụ 11:33

Gbẹ́rẹ́ḅọ so ine Tamuno ngọ dụḅa láa ḅara nimiḅobịgha, Ori opu níminyẹ na ori níminyẹ pịghị opuma dụḅam! Tụọ ine nimi bẹ Tamuno kóróma fịnị ḅara? Tụọ ine ori nyẹ́ mịẹ ḅara nimiḅọ bẹ?

Romapụ 9:23

Ọ pịghị dọ́ghụm ori ọrẹ opu ipine diepágháma, ọ pa wamịnị ọ tọ́rụ́kụrụkụ́rụ́ nyáná pịrịapụ ma sịbị sara nyẹ, ọ tẹ́lẹ́maapụ ḅẹ́ wamịnị ori ipine nyáná.

Ẹ́fịsọsapụ 3:8

Tamuno tọ́ntọ́apụ mamgba ḅụ irịị ịrụ́ḅam, anịsọ Tamuno pa mị opuma nyẹ́la fịrị ma pa i pịrịm ḅẹ́ a muu dugho wásáma Juughaapụ ma pịrị Krais ḅụ fịnị sị tumḅọ ine dọghụpágháma ḅofámábịghaa ngọ,

Kolosiapụ 1:27

Nna ḅụ anịị Tamuno bii nyẹ ḅẹ́ o diepágháma Juughaapụ ma ogboku ḅọghunyẹ ma. Mịị ḅọghunyẹ ma anịị, ipine dụḅa láa ḅara na anị ḅụ́gbérépuma láa ḅara, anịị ọmịna bie fịnị Krais ma, anị ọmịna tọ́rụ́ dighinyẹ ḅẹẹ ori ipine ḅụ ọ diekiri nyánábẹm.