Romapụ 1:20 - Ibani New Testament

²⁰ Tamuno tuminikiri ma tẹ́mẹ́ sa éné éné, o gboloma sị túminị́ ine tọ́rụ́ pa arịbịgha nyẹ, mị́sa ḅo pághámam túminị́ tọ́rụ́ ḅụ, mịnanyẹ ma anịị Tamuno ma gbámásó kụ́rọ na pịghị ori fịnị ḅara. Anịgosi n ḅara pụ́nụ́nyẹ nyánágha n mịẹnyẹ ḅụ.

Romapụ 1:20 ပူးပေါင်းရင်းမြစ်များ

Matiu 5:45

sị ọmịnị ọmịna Daá sobie fịnịḅọ awọ sọọ bẹ ḅara. Ọ mịẹm sị ori ịrụa bia siiapụ na ibiapụ ḅụ pịghị mịẹsị ori iti ibiamịẹnyẹapụ na siiamịẹnyẹapụ ḅụ kóró.

Ibi Oku Ma Mak Anị Gịẹ Ḅara 10:6

Kụ́ma parị parị sáá, n tuminikiri ma tẹ́mẹ́ sáá, Tamuno owi na ẹ́rẹ́ na ḅụ n tẹmẹm Tọ́ndiri ma dugho ḅara.

Ibi Oku Ma Jọn Anị Gịẹ Ḅara 1:18

Gbẹ́rẹ́ḅọ sọ jẹ́ éné na Tamuno arịgha. Kpọ́kpọ́ gbẹ́rẹ́ tụ́wọ ma, ori na Tamuno na gbẹ́rẹ́nyẹ ma, ori ma pịghị Daḅọ ma ngása imi, ori ma pịghị mịẹmam sị wamịnị o nimi.

Ibi Oku Ma Jọn Anị Gịẹ Ḅara 15:22

A ḅọ́rọ́ ḅo ẹ́gẹ́rẹ kọọ n pịrịgha, siiamịẹnyẹ ḅẹrẹ nna ḅara sibịgha. Mị́sa anị fịnị ḅara ma n pa ḅara ọlọ bẹnyẹ ofori nna sii ḅụ.

Fịrị Ḅara 17:29

<

Fịrị Ḅara 22:1

<>

Romapụ 1:19

Tamuno n dighi bieoḅum tegó Tamuno gboloma sị tumḅọ ine nimibẹnyẹ, anị ibima n tọ́rụ́ pághám, tegó Tamuno ma mịẹm sị anị n tọ́rụ́ pághá.

Romapụ 16:26

Kụ́ma mị́sa ikiakoroapụ ma gịẹ kórómanyẹ ma mịẹmam tọghaapụ ḅo karakáráma nimi, Gbámásó Tamuno ma pịghị bịpị pịrịmam ḅẹ́ sẹ gonyẹ́ gonyẹ́ anị karakárá ma nimii si kị́nị́mamgba minini bẹ ḅara pịghị ọkọ mịẹ.

Romapụ 2:1

Ịrị, ị jẹ́apụ sịbị ḅẹ́rẹ́kọarị? Ị ḅara pụnụ nyẹ nyanagha, Ịrị tụọ tụọ o, ị jẹ́apụ sịbị ḅẹ́rẹ́kọarị sa warị pịghị n mịẹrị nyẹ ma mịẹ, ị ḅẹ́rẹ́pẹ́lẹ́mam ị sịbị.

Romapụ 2:15

Nna mịẹnyẹ diearị ḅẹ́ ólóghó ma dughonyẹ n gịẹ kórómam nna kúkúbie. Nna tẹ́mẹ́bie sọ onyesẹ́arị ḅẹ́ mịma tụ́manyẹ, nna tẹ́mẹ́bie jẹ́ sa ḅẹ́rẹ́si pa n pịrị sa pịghị jẹ́ sa ḅẹ́rẹ́ ibima.

1 Kọrịntịapụ 1:20

Anịsáa opu nyẹ́nimiapụ ma n tẹ́ angaá imii opu dirinimiapụ ma n tẹ́ angaá imii, mịị tuminikiri nyẹ gbilaapụ ma n tẹ́ angaá imii? Tamuno diemam ḅẹ́ mịị tuminikiri níminyẹ ma anị papa oḅori nyẹẹ!

Kolosiapụ 1:15

Krais, wa tọ́rụ́ pa arịarịḅọ ma fịnị ḅárá anịị Tamuno ma wa tọ́rụ́ pa arịgha ḅọ ma fịnị ḅárá. Ori anị n parị yii Tụwọ, ori n tẹ́mẹ́nyẹ gonyẹ́ gonyẹ́ ma nẹngịm.

Kolosiapụ 2:9

Ḅẹẹ Krais ḅụ, anịị Tamuno káara ḅara pa ọ ḅụ die nyẹ ojumẹnị ḅụ,

1 Timoti 1:17

Mị́sa kuu na ipine fịnị Gbámásó Ámányánáḅọ ma pịrị Fịịfịghaḅọ, Tọ́rụ́arịghaḅọ, ori ma ngéré anịị Tamuno ma, akị muu ḅẹsá ḅẹsá láa! Anị ọkọ fịnị.

1 Timoti 6:16

ori ngéré anịị fịịbịgha Tamuno ma ori anịị tumḅọ ine sọma mú láabịgha baá ma bie angaá ḅoo. Gbẹ́rẹ́ḅọ sọọ na jẹ́ éné ori arịgha, gbẹ́rẹ́ḅọ sọọ ine ori arịbịgha. Kuu na ịnyọ fịnị ọ pịrị mú gbámásó láa! Anị ọkọ fịnịị.

Hiburuapụ 11:27

Minini anịị Mosis mịẹsị ori Ijipiti wáriso nyẹ ámányánáḅọ ma bieoḅu dighi ḅáláfagha pa. Ọ mini ọḅụdagha sọ ḅọ́rọ́ ọ tọ́rụ́ pa n tọ́rụ́ pa árịrịgha Tamuno ma arịm.

Hiburuapụ 9:14

Mịma karakárányẹ sáá, Krais pulo mịma nẹ́ngịma nyẹ́ mịẹbịgha? Ori gbámásó Tẹ́mẹ́ ma ḅụ ḅọ́rọ́ ọrẹ oju pa kpain agbā mịẹ Tamuno pịrịm. Ọrẹ pulo wa sịrịbẹm ofori ofori mịẹmịẹnyẹ, ḅụ sị wamịnị ine dumafịnị Tamuno ma tẹ́ghẹ̄ bẹ ḅara.