Romapụ 1:18 - Ibani New Testament

¹⁸ Tamuno sobie bieoḅu túminị́ pịrịarị n mịẹrị sii gosi, n pịghị kuu pa ọ pịrịgha ḅara n pịghị nna sii pa Tamuno ma karakárá gbẹarị ḅara.

Romapụ 1:18 ပူးပေါင်းရင်းမြစ်များ

Romapụ 1:19

Tamuno n dighi bieoḅum tegó Tamuno gboloma sị tumḅọ ine nimibẹnyẹ, anị ibima n tọ́rụ́ pághám, tegó Tamuno ma mịẹm sị anị n tọ́rụ́ pághá.

Romapụ 1:28

Mịná túminị́ ma Tamuno gboloma sị tumḅọ ine nimibẹnyẹ, nnị anị sịghịm gosi nna kóróma ḅụ, Tamuno nna ḅụ ḅárási mịnị tụghụgha kóróma pịrịmam, na nnị mịẹna ibighaa nyẹ ma mịẹ.

Romapụ 1:32

Nnị nimim Tamuno ologho ma dughonyẹ ḅẹẹ, nwọfịnị duma kọọapụ fịị anịị nnị na gbẹ́ẹ̄ nyẹ, anị so n pa anịma nẹ́ngịma siiamịẹnyẹ mịẹarị, pịghị anị siiamịẹnyẹ ma miẹrịapụ túminíarị.

Romapụ 2:3

Kụ́ma ịrị mịnanyẹ ma mịẹarịapụ sịbị ḅẹ́rẹ́kọarịḅọ, ị sị ḅẹ́ ị́ ịḅụ fọ́nyá págháma ḅo bẹ Tamuno ḅẹ́rẹ́kọ ḅụ?

Romapụ 3:9

Anịsa, wamịnị Juuapụ ma wámịna anganyẹ ibiḅaa Juughaapụ ma nganyẹ nẹ́ngị? Ọkọfịnịnyẹ ofori! A parị dieḅọ́rọ́mamam ḅẹ́ Juuapụ na Juughaapụ na nnị kị́nị́mamgba sịị kụrọ ma sughubie imi.

Romapụ 4:15

Ólóghó ma Tamuno igani dighi kórómaarị; kụ́ma ólóghó ma ófórigha angaá, ologho kóró so ofori.

Romapụ 5:6

Ọ́ kọ́kọ́ arịị ḅẹ́ sa ma karakárá sa, ịnyọ wámịna ḅụ ófórigha sa, Krais fịị siiamịẹnyẹapụ ma pịrịm.

Romapụ 5:9

Ori ọrẹ ọmbịnyẹ́ pa karakárá ibiamịẹnyẹapụ pa wa mịẹmam Tamuno fịnịngaa, mịẹ nẹ́ngị nyẹ, ọ wa duaḅọ́rọ́mabẹm Tamuno ma igani ḅụ!

Romapụ 6:13

Ọmịnị ọmịna oju gbẹ́rẹ́ angaá sọ saghị sii pịrịma ḅẹ́ nnị anị pa sii fịrị nwángị. Anịmanakaragha ọmịnị nnị fịị ḅụ ḅọ́rọ́ma duma bie suaapụ, ọmịnị ọ ḅụ pa Tamuno pịrị, ọmịnị ọmịna oju gbọrụ mamgba saghị Tamuno pịrị sị nnị anị pa karakárá ibiamịẹnyẹ fịrịnwangị.

Ẹ́fịsọsapụ 5:6

Minima sị gbẹ́rẹ́ḅọ sọ ofori ofori ẹ́gẹ́rẹ́ pa oḅori pa ọ sị, mịma gosi anị Tamuno igani goo ori osighaapụ ḅụụ koro bẹnyẹ.

Kolosiapụ 3:6

Mịnanyẹ ma gosi, Tamuno igani ḅo ọ bịpị pughughaapụ ma pịrịarị.

2 Tẹsalonaikaapụ 2:10

Pịghị tọ́rụ́kịrịkị́rị́ aka pa papa fịịfaa bẹapụ ti. Nnị papa fịị faabẹm tegó nnị karakárá ma ḅẹlẹmagha pịghị anị daakórómagha sị dụaḅọ́rọ́ma nyáná.

2 Tẹsalonaikaapụ 2:6

Kụ́ma nyẹ imi anị kiki si nịị anịgo na kiri akịịghaa nyẹ mị́sa ọ pịghị anị nimim. Anị sáá ma láa sáá, Sịbịbie ḅọ ma ọ ḅụ diebẹm.