Romapụ 1:13 - Ibani New Testament

¹³ A dọ́ghụm ḅẹ́ sị o nimi ị́yẹ́ amịnáapụ, ḅẹẹ, tọgha sa a tọmam ḅẹ́ a ḅo ọmịnị arịị, kụ́ma nyẹ sámamgba ị́kíkímam. A dọ́ghụm ḅẹ́ ọmịna ogbobie a mininiapụ nyáná ḅo bẹ ḅara, a nyáná ḅara jẹ́ Juughaapụ ma ogbobie.

Romapụ 1:13 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 12:24

A karakárányẹ ma dugho ọ pịrịm, n kiribie mbiakpa mgbọ́lụ dipi nyánam. Anị fịịgha fịịgha anị ọkọfịnịbẹm, gbẹ́rẹ́ sịmgbọlụ ma. Kụ́ma anị fịịfịị anị tọgha sịịmgbọlụ pághámaḅobẹm.

Ibi Oku Ma Jọn Anị Gịẹ Ḅara 15:16

Ọ mịnị i sẹlẹakịgha, kụ́ma ịrị ọ sẹ́lẹ́akịm sị tọ́ọ ọ pịrị ḅẹ́ o muu sịịmgbọlụ sua, anịị fịnị bẹ sịịmgbọlụ. Anịsáa ọ Daḅọ ma ḅara binyẹ binyẹ gonyẹ́ gonyẹ́ iyẹ ẹrẹ ḅụ, ori anị pa ọ pịrịbẹm.

Ibi Oku Ma Jọn Anị Gịẹ Ḅara 4:36

Mị́sa ori duasughuarịḅọ ma gbẹ́nyẹ nyanaḅoarị, n ḅọ pịghị sịịmgbọlụ kobiri pa duma gbámásó pịrịarị, sị dụadipiḅọ na pịghị ori duasughuḅọ nnị mamgba bieḅẹlẹ dụrụkụbẹm.

Fịrị Ḅara 1:15

Tọgha dii ḅo ḅọ́rọ́ sáá, mininiapụ ma kóbiri ogbo ḅo kiriakịm, anị ngaa fịnịapụ mamgba túminị́ suene a si, Pita warị sághị si ẹ́gẹ́rẹ́ẹ́

Fịrị Ḅara 14:27

Nnị ḅo Antịọkụ láa sa, nnị sọsịapụ ma kobirim sị dugho n pịrị Tamuno nnị pa nwángịmáa fịrị, ọ pịghị asọ findi Juughaapụ pịrịmaá ḅara sị n mininii.

Fịrị Ḅara 15:12

Túminị́ mamgba mịnị ine ẹ́gẹ́rẹ́gha, nnị Pọl na Banabas náa n dugho págháma sáá, Tamuno n pa nwángịmáa opuma tọ́rụ daa nyẹ na ḅụ́gbérépuma fịrị Juughaapụ ma bie.

Fịrị Ḅara 19:21

Mịnanyẹ ma kiriakịfama sáá, Pọl warị ọ tẹ́mẹ́bie tọ́ọ pẹ́lẹ́ ḅẹ́ ọ Masidoniya na Akaya ḅụ ḅọ́rọ́ muu Jerusalem láabẹm. O warị ḅẹẹ, <>

Fịrị Ḅara 21:19

Pọl sịbịpị pa n siim warị ḅo nyẹ fịnị ḅara mamgba dugho nnị pịrị Tamuno ọ ḅara pa nwángịmáa fịrị mamgba Juughaapụ ogbobie.

Fịrị Ḅara 28:14

Wa ḅo anịị ngaa jẹ́ mininiapụ na dona, ḅẹapụ ḅẹẹ, wamịnị nnị ná sọ́nọ́ma dii la nyẹ fịnịị. Anịị wa warị ḅọ́rọ́ Rom láa ḅara.

Romapụ 1:12

A dughoarị nyẹ anịị, wa dona sa, ọmịna minini mịẹbẹm sị a kurosẹ, ị́yẹ́ minini pịghị mịẹbẹm sị ọ kụrọ sẹ.

Romapụ 11:25

Gbẹ́rẹ́ ḅọghu tụ́manyẹ imi, a dọghụnyẹ sị o nimi ị́yẹ́ amịnáapụ, anị minibịgha ọ kọ́rọ́ma ọmịna nyẹ́nimi láa ḅara. Mịị Izirẹlị kụrọ kúkúbie ma fịnị mú kunema láabịgha, kụ́ma anị fịnịbẹm ákị mú Juughaapụ ma kịẹbịpị Tamuno damaḅo bẹapụ kara sa láa.

Romapụ 7:1

Ịyẹa amịnáapụ, a dugho dọghụnyẹ ma ọmịnị akanyaḅobẹm tegó ọmịnị ólóghó ma nimim, ḅẹ́ ólóghó ma kụ́rọ nyánam tumḅọ dumafịnị sa gonyẹ́ gonyẹ́.

1 Kọrịntịapụ 1:10

I jẹa mininiapụ a ọ́ tẹ́ghẹ̄m wámịna Nyánáḅọ Jizọs Krais ẹrẹ ḅụ ḅẹẹ ó gbẹ́rẹ́ bịpịfie si puama ọmịna ogboku bie fịnịbịgha ḅara. Ọ ḅụ pa gbẹ́rẹ́nyẹ mịẹ ọmịna kúkúbie na ọmịna kóróma ḅụ.

1 Kọrịntịapụ 10:1

I jẹa miniapụ, a dọ́ghụm ọ pa biekóróma, wámịna tádọ́apụ Mosis duaapụ ma ḅụ pághányẹ. Oḅuto ma nnị kị́nị́mamgba gbẹm n warị gbẹ́rẹ́nyẹ sọ n laagha ḅara ḅụ Ányị́nyá tọ́rụ́ ma sáḅá.

1 Kọrịntịapụ 12:1

Mị́sa Tẹ́mẹ́ dienyẹ ma gbólómanyẹ i jẹa mininiapụ a bighaa ḅẹ́ ọ nimigha ḅụ fịnị.

1 Kọrịntịapụ 14:20

Ị jẹa mininiapụ ọmịnị awọamaapụ kịkama ọmịna kóróma ḅụ, siinyẹ gbolomanyẹ ḅụ ọmịnị awọamaapụ kịka, kụ́ma ọmịna kóróma ḅụ ọ sẹnịapụ dighi.

1 Kọrịntịapụ 14:26

Mịị a dughoarị nyẹ ị́yẹ́ amịnáapụ. O kobirimaẹrẹ tẹ́ghẹ̄ ḅụ, gbẹ́rẹ́ḅọ núme nyánam, jụghọ oku nyanam kịrị ẹ́gẹ́rẹ́ ḅẹ́lẹ̄ ḅụ, jụghọ pa n dughonyẹ ma dughofindi. Nnị nyẹ gonyẹ́ gonyẹ́ mịẹbẹm pa sọsị ma mịẹ sẹnịmaa.

1 Kọrịntịapụ 9:2

Ḅọ́rọ́ jẹ́apụ ị́yẹ́ ákịịgha nfịrịmaḅọ ḅara, ọmịnị ị́yẹ́ ákịm! Ọ nyáná duma ma gosi Kị́nị́nyánáḅọ ma bie ọmịnị ma anịị túminị́ pa ḅara ọlọ bẹnyẹ ḅẹẹ irị nfịrịmaḅọ.

2 Kọrịntịapụ 1:8

I Daa awọ, wa dọ́ghụm o nimi wa la ḅụḅáláḅálá Esiya ḅẹrẹtọ yọ. N dighi wamịnị ọgọnọ kóróma ikúnyẹ ma, opuma dụḅam pịghị opuma ikum ḅẹẹ wa sịgha ḅẹ́ wa dumabẹm.

2 Kọrịntịapụ 2:14

Kụ́ma wa ịmịẹḅam pa Tamuno ḅẹm. Ḅẹ́, wamịnị na Krais na gbẹ́rẹ́nyẹ sọ ḅụ, Tamuno Krais ḅụ, ḅọ́rọ́ sọọḅa pa wa pịrịarị, ọ pịghị wámịna ḅụ ḅọ́rọ́ mịẹsị Krais níminyẹ ma kụ́nụ́ pulo kụ́nụ́ ḅara pa kụ́nụ́ ngámámgba saama.

Galesiaapụ 3:15

Ịyẹa mịnaapụ, a éné gbọrụ mịẹarịnyẹ pa nyẹ pa, o diebẹm; mmẹapụ nyẹ mini sáá, anị gịẹ sua diri bie, ḅara pụnụ; ḅẹ́ mịị anị fịnị bẹ ḅara, gbẹ́rẹ́ḅọ ine anị kaabịgha, anịgha nyẹ sua anị ḅụ.

Galesiaapụ 6:18

Ị́yẹ́ amịnáapụ, wa Nyánáḅọ Jizọs Krais tọ́rụ́kụrụkụ́rụ́ ọmịnị kị́nị́mamgba náa fịnị. Anị ọkọ fịnị.

Filipaiapụ 1:22

A pa dumafịnị fịnị, mịma dughoarị ḅẹ́ a sọnyẹ sọ fịrị nwángịbẹm, anịgosi a nimigha mị́sa a sẹ́lẹ́akị bẹnyẹ.

Filipaiapụ 4:17

Ḅẹgha ḅẹ́ a diepịrịnyẹ daakị dọ́ghụm, tụ́ma túminị́ árị sị sọnyẹ sọ ọ pịrịbẹnyẹ.

Kolosiapụ 1:10

Wa mịị tẹ́ghẹ̄ ma kọọarị sị ọmịnị ine Kị́nị́nyánáḅọ bii ḅara pa duma kọọ, pịghị o bieḅẹlẹma asọ mamgba ḅụ: ọmịna duma pịghị mgbọ́lụ suarị ibifịrị gonyẹ́ gonyẹ́ ḅụ, pịghị sẹnịarị ọmịna Tamuno nimi ḅụ.

Kolosiapụ 1:6

ọ pịrịmaá ma nyẹ. Tuminikiri gbọrụ ḅụ mịị ibi oku ma anị mgbọ́lụ suarị pịghị sẹnịarị, anị pịghị mịẹarị ḅara ma ọmịna ogboku bie ọ sághị anị náa sa éné éné pịghị Tamuno tọ́rụ́kụrụkụ́rụ́ ma akanyaḅo anị karakárá mamgba ḅụ.

1 Tẹsalonaikaapụ 2:18

Wa bim wa sima ọ damaḅo. Irị ị ḅụgbọrụ asọ dọ́ghụm ḅẹ́ a pịghịma mú a gbẹ́rẹ́ sáá nẹ́ngị nyẹ pa asọ dọ́ghụm, kụ́ma ẹ́kpẹ́dua mini wa pịrịgha.

1 Tẹsalonaikaapụ 4:13

Wámịna Daa awọ wa bim ọ karakárá ma nimi fịịmaapụ ma gbolomanyẹ, sị ọ tẹ́mẹ́ si nyánábịgha ḅara tọ́rụ́ dighinyẹ nyánágháapụ ḅara.

2 Tẹsalonaikaapụ 2:7

Mị́sa tọghaapụ Tamuno ẹ́gẹ́rẹ ma na kuragha duma kọọarị, kụ́ma kiriakị dọghụnyẹ ma kiriakịbịgha n nyẹ́ma kiki ḅo ma sịghare asọogbo.

2 Timoti 4:17

Kụ́ma Kị́nị́nyánáḅọ ma ịrị na fịnịm sị pighi ịnyọ pa i pịrịm, anịgosi a ine bifụfụụ́ oku ma dugho wásáma juughaapụ gonyẹ́ gonyẹ́ pịrịm ḅẹ́ n náa; n pịghị i duapághámaḅom ọkụ nama ma bịpịbie.