Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Puu Findi 9:18 - Ibani New Testament

18 Mịị tẹ́rẹ́ a tọ́rụ́siarị díghíarị ḅụḅáláḅálá ma anịị fịnị ma, onwi ma, na pịghị ọpọlịḅuruma ma ásụ ma bịpịbie sághị págháḅoarị nyẹ, tuminikiri gbọrụ ma pa tẹ́rẹ́ a kiri die gbẹ́rẹ́ angaá ḅáfamam.

အခန်းကိုကြည့်ပါ။ ကော်ပီ




Puu Findi 9:18
9 ပူးပေါင်းရင်းမြစ်များ  

Anịsáa, tẹ́rẹ́ kárámá sookumuḅọ ma warị ori ọdụ ofuroo. Opuma dụḅa ḅálōló fịnịtuu kọrị ḅara pa kọrịarị nyẹ sobie sághị sóórókórom warị tọ́rụ́ mamgba pa tẹ́rẹ́ a kiri die anị ḅụ gbẹ́rẹ́ angaá ḅụ koro, na pịghị mingi sághị págháḅo págháḅo angaá gonyẹ́ gonyẹ́ ḅụ koro.


Ḅálōló ma ẹ́rẹ́ anịị, <> Mingi ma pa tẹ́rẹ́ angaá die gbẹ́rẹ́ angaá sághị akụụm, mingi ma ḅuu tọghaapụ fịịm tegó mingi ma sághị akụ́mam.


Anịsáa ini kárámá sookumuḅọ ma warị ori ọdụ ofuroo. Ịrụa ma pa tẹ́rẹ́ angaá die gbẹ́rẹ́ angaá n nyẹ pa anị láamam, akalụ́ pa tẹ́rẹ́ angaá die gbẹ́rẹ́ angaá n nyẹ pa anị láamam, ḅálōló pa tẹ́rẹ́ angaá die gbẹ́rẹ́ angaá n nyẹ pa anị láamam, anịgo nna baá mamgba pa tẹ́rẹ́ angaá die gbẹ́rẹ́ angaá mịnị kọrịgha; éné ma pa gbẹ́rẹ́ angaá die gbẹ́rẹ́ angaá baá nyanagha dii ma sọ pa tẹ́rẹ́ angaá die gbẹ́rẹ́ angaá ḅo kánákánám.


Parị sookumuḅọ ma ori ọdụ ofurom, onwo mgbọ́lụ kịkama itii, na fịnị, ọmbịnyẹ́ pa gwaa nyẹ, anịị págháḅo nyẹ n warị anị pa tuminikiri ma gbii. Tuminikiri ma pa tẹ́rẹ́ angaá die gbẹ́rẹ́ angaá dọ́ghụm, sị ma pa tẹ́rẹ́ angaá die gbẹ́rẹ́ angaá dọ́ghụm, osuka gonyẹ́ gonyẹ́ dọghụ fámam.


Mmẹẹ́ kárámá sookumuḅọ ma ori ọdụ ofurom n warị dọghụarị opu tụ́ndụ kịkamanyẹ pa tọ́rụ́ ma bie gbii. Tọ́rụ́ ma pa tẹ́rẹ́ angaá die gbẹ́rẹ́ angaá pịghị ọmbịnyẹ́ sọm.


Tọ́rụ́ ma bie dumafịnị nyẹ pa tẹ́rẹ́ angaá die gbẹ́rẹ́ angaá fịfámam. Onwi árụ́ ma pa tẹ́rẹ́ angaá die gbẹ́rẹ́ angaá gulugulum.


Ínia sookumuapụ ma, n tẹ́lẹ́ma pa mịị sáá ma pịrịapụ mịị éné ma, mịị akalụ́ ma na mịị kụ́rá pịrịapụ ma, nnị n fịịmam sị túminị́ ma pa tẹ́rẹ́ a kiri die n gbẹ́rẹ́ angaá ḅá.


Múnogha dáwọ ḅụ arịị ásụ ma na ásụ dọghụarịapụ ma mịị nnị fịnị ḅara: nna kúkúbie kikima nyẹ áwụ biam sọ́ḅọ́rọ́ fịnị, buluu biam sọ́ḅọ́rọ́ safaya, odoḅala bia ḅára biam sọ́ḅọ́rọ́ ọpọlịḅuruma. Ásụ ma sịbị akụ nama sịbị kịkam, nna bịpịbie fịnị na onwi na ọpọlịḅuruma sághị págháḅom.


Ḅẹẹ ásụ ma nna kụrọ nna bịpịbie na nna otume ḅụ anịị anị fịnịnyẹ, nna otume fịnị ḅara sọ́ḅọ́rọ́ sịbị nyáná ododó ine nyẹ pa kị́nị́ láama bẹnyẹ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ