Puu Findi 9:17 - Ibani New Testament

¹⁷ Múnogha dáwọ ḅụ arịị ásụ ma na ásụ dọghụarịapụ ma mịị nnị fịnị ḅara: nna kúkúbie kikima nyẹ áwụ biam sọ́ḅọ́rọ́ fịnị, buluu biam sọ́ḅọ́rọ́ safaya, odoḅala bia ḅára biam sọ́ḅọ́rọ́ ọpọlịḅuruma. Ásụ ma sịbị akụ nama sịbị kịkam, nna bịpịbie fịnị na onwi na ọpọlịḅuruma sághị págháḅom.

Puu Findi 9:17 ပူးပေါင်းရင်းမြစ်များ

Puu Findi 11:5

Ḅọ́rọ́ nyẹ pa n láama bi ḅo fịnịfịnị, fịnị nna bịpịbie sághị págháḅobẹm sị nna iruonaapụ gulugulumabẹm. Mịị ḅara ma nyẹ pa n lama biḅọ gonyẹ́ gonyẹ́ nnị nḅọ ḅáabẹm.

Puu Findi 14:10

nnị Tamuno igani iru ma ḅuubẹm nnị pa ori igani ọmọngọ ma bie gwagha ḅara pa suabiimamáa nyẹ, nnị tọ́ntọ́ sookumuapụ ma tórúku na pịghị Ánáná Tụwọ ma tórúku nnị fịnị na dọghụarị ọpọlịḅuruma pa nnị pa tọ́rụ́siarịmabẹm.

Puu Findi 19:20

Ḅáláfáma nama ma nnị ikólinaḅọ ḅara ḅụ okuakịm ori na iruo ikiakoroḅọ, ḅụ́gbérépuma fịrị nwangimaaḅọ ọ tórúku. (Mịná ḅụ́gbérépuma fịrị ma anịị ọ pa ḅáláfáma nama ma ilíghíma nyánáapụ ma oḅori pa n sịị nyẹ, na pịghị susi n tẹ́mẹ́ sị anị pa biekóróma bẹnyẹ pịrịmáapụ) Ḅáláfáma nama ma na iruo ikiakoroapụ ma duma ḅụ anịị nnị n pa kọrịfịnị ésiḅe ma bie gbi suanyẹ ọpọlịḅuruma pa kọrịarị nyẹ.

Puu Findi 20:10

Anịsáa oḅori pa n sị ẹ́kpẹ́dua ma nnị ọ pa ọpọlịḅuruma pa dọghụarị kọrịfịnị ésiḅe bie gbi suam, n ḅáláfama nama ma na iruo ikiakoroapụ ma gbi suamaa ngaa, nnị n pa tọ́rụ́siarịmabẹm dii na ḅáa na ákị muu ḅẹsá ḅẹsá láa.

Puu Findi 21:20

Sọ́nọ́ kárámá nyẹ onizi, suene kárámá nyẹ kanelia anị sọ́nọ́ma kárámá nyẹ odo kuartz, inine kárámá nyẹ beril, ésẹ́nie kárámá nyẹ topaz, oyi kárámá nyẹ kalsidoni, oyi ngịẹ findi kárámá nyẹ tokwoisi, oyi mmẹẹ́ findi kárámá nyẹ ametisiti.

Puu Findi 21:8

Kụ́ma ḅáláfaapụ, mininighaapụ, pilemaapụ, kị́nị́ ḅáapụ, yáakuu ḅụ ofori nwángị kọọarịapụ, tọ́rụ́kịrịkị́rị́ dirikọ́rịapụ, susi n kárányẹ pịrịrịarịapụ, na iruonyẹ dughoapụ mamgba nna fịnị yọ anịị ọpọlịḅuruma pa dọghụarị kọrịfịnị ésiḅe ma, anịị mmẹẹ́ kárámá fịị ma.>>

Puu Findi 9:18

Mịị tẹ́rẹ́ a tọ́rụ́siarị díghíarị ḅụḅáláḅálá ma anịị fịnị ma, onwi ma, na pịghị ọpọlịḅuruma ma ásụ ma bịpịbie sághị págháḅoarị nyẹ, tuminikiri gbọrụ ma pa tẹ́rẹ́ a kiri die gbẹ́rẹ́ angaá ḅáfamam.

Puu Findi 9:9

Nnị pa nna kúkúbie gbẹ́ẹ̄ nyẹ anịị nnị ikúlélu pa tẹ́mẹ́ kúkúbie gbẹ́nyẹ, nna pamba ma ḅụ ḅoarị ọwụ soḅọ́rọọ́ n tọgha ásụ, tọgha ọmụgbi árụ́ nụnụ pa ọ́mụ́gbi múuarị nyẹ.