Puu Findi 8:12 - Ibani New Testament

¹² Anịsáa ini kárámá sookumuḅọ ma warị ori ọdụ ofuroo. Ịrụa ma pa tẹ́rẹ́ angaá die gbẹ́rẹ́ angaá n nyẹ pa anị láamam, akalụ́ pa tẹ́rẹ́ angaá die gbẹ́rẹ́ angaá n nyẹ pa anị láamam, ḅálōló pa tẹ́rẹ́ angaá die gbẹ́rẹ́ angaá n nyẹ pa anị láamam, anịgo nna baá mamgba pa tẹ́rẹ́ angaá die gbẹ́rẹ́ angaá mịnị kọrịgha; éné ma pa gbẹ́rẹ́ angaá die gbẹ́rẹ́ angaá baá nyanagha dii ma sọ pa tẹ́rẹ́ angaá die gbẹ́rẹ́ angaá ḅo kánákánám.

Puu Findi 8:12 ပူးပေါင်းရင်းမြစ်များ

Matiu 24:29

<

Matiu 27:45

Éné ogbo saghị, sẹ gbọrụ ma kánákáná ḅo anị gbẹm, mị kánákáná ma tẹ́rẹ́ énékịẹnyẹ lam.

Ibi Oku Ma Mak Anị Gịẹ Ḅara 13:24

<<Ḅáláfámáarị éné ma ḅo ḅọ́rọ́ sáá, << <ịrụa ma ḅoo kánákánábẹm, akalụ́ sọ mịnị biabịgha,

Ibi Oku Ma Mak Anị Gịẹ Ḅara 15:33

Énéḅa so ogbo ogbo kánákáná sẹ́ gbọrụ ma gbẹm, mị kánákáná ma fịnị wárii mú tẹ́rẹ́ énékịẹnyẹ lam.

Ibi Oku Ma Luk Anị Gịẹ Ḅara 21:25

<

Fịrị Ḅara 2:20

Ịrụa mịnị biabịgha, akalụ́ sọ pịghị sághị áwụ biabẹm. Mịma ḅọ́rọ́ sa anịị Kị́nị́nyánáḅọ opu ipine éné ma ḅo bẹnyẹ.

2 Kọrịntịapụ 4:4

Mịị tuminikiri tamuno ma mininighaapụ ma kóróma tọ́rụ́pụ́mamam anịgo nnị ine baá ma arịgha anịị Krais ipine gboloma sị ibi oku ma ḅụ sághị ḅoarị baá, ori ma anị gbẹ́rẹ́sa Tamuno ma na kịkaḅọ.

Puu Findi 12:4

Sobie fịnị ḅálōló pa tẹ́rẹ́ angaá die anị ótume gbẹ́rẹ́ angaá nụ́nụ́ ákịm warị n pa tuminikiri gbii. Ḅụọ nyáná ododó ma yii ọlọ ọ́rụ́ḅọ ma tórúku sẹm sị ori tụwọ ma pẹẹ́ bẹ ḅara árị anị yii gbẹ́rẹ́kiri.

Puu Findi 16:10

Anịsáa sọ́nọ́ kárámá sookumuḅọ ma ori bọlị ọsụsaram ḅáláfama nama ma imine ọ́gọ́nọ. Kánákáná warị ḅáláfáma nama amadakiri ma gbẹ́ẹ̄ túminị́ warị sághị n ḅẹlẹ túrú nna ákụ gosi.

Puu Findi 6:12

A Ánáná Tụwọ ma arịm ori suéné kárámá agbā ma sịarị sa. Kiri ḅo opuma jighem. Ịrụa ma warị pịghị kúrúkúrú sọ́ḅọ́rọ́ dụadu kúrúkúrú bịtẹ nnị oḅori osuka pa mịẹnyẹ, akalụ́ ma sọ pịghị sághị áwụ áwụ bia sọ́ḅọ́rọ́ ọmbịnyẹ́ bia ḅara.

Puu Findi 9:15

Ínia sookumuapụ ma, n tẹ́lẹ́ma pa mịị sáá ma pịrịapụ mịị éné ma, mịị akalụ́ ma na mịị kụ́rá pịrịapụ ma, nnị n fịịmam sị túminị́ ma pa tẹ́rẹ́ a kiri die n gbẹ́rẹ́ angaá ḅá.

Puu Findi 9:18

Mịị tẹ́rẹ́ a tọ́rụ́siarị díghíarị ḅụḅáláḅálá ma anịị fịnị ma, onwi ma, na pịghị ọpọlịḅuruma ma ásụ ma bịpịbie sághị págháḅoarị nyẹ, tuminikiri gbọrụ ma pa tẹ́rẹ́ a kiri die gbẹ́rẹ́ angaá ḅáfamam.