Puu Findi 7:2 - Ibani New Testament

² A pịghị jẹ́ sookumuḅọ arịm ịrụa ma sághịarị ngá sághị ḅooḅọ dumafịnị Tamuno ilíghíma suanyẹ ọ́lọ́ḅọ. Ori kụrọ pụghọ pa ínia sookumuapụ ma sịm, Tamuno kụrọ pa pịrịmáapụ ḅẹẹ nnị tuminikiri ma na tọ́rụ́ ma simaa.

Puu Findi 7:2 ပူးပေါင်းရင်းမြစ်များ

Matiu 16:16

Saimọn Pita pagharam, <<Ịrị anịị Krais ma, dumafịnị Tamuno ma Tụwọ.>>

Matiu 26:63

Kụ́ma Jizọs pa bifiegha. Opu igwagwaḅọ ma warị Jizọs ḅẹẹ, <>

Ibi Oku Ma Jọn Anị Gịẹ Ḅara 6:27

Fịrịnwangị síi bẹ fị́nyẹ ma pịrịma kụ́ma fịrịnwangị fịnị muu gbámásó duma láa bẹnyẹ pịrị, Tumḅọ yii Tụwọ ma pa ọ pịrịbẹnyẹ, tegó ori ma anịị Tamuno Daḅọ ma ḅara pụnụ pịrịmaá ḅọ pa die ḅẹ́ ori anịị kụ́rọ pa ọ pịrịḅọ.>>

2 Kọrịntịapụ 1:22

Ori anịị ọrẹ ilíghíma suamaá ḅọ wámịna ḅụ, pịghị Tọ́ntọ́ Tẹ́mẹ́ ma pa wa pịrịmaá ḅo wámịna tẹ́mẹ́bie, mịma anị ọ pa wa tẹ́mẹ́kụ́rọma ọ nyáná kóróma wa pịrịnyẹ.

Ẹ́fịsọsapụ 1:13

Ọmịnị sọ ḅo Krais túminị́ sọm ọ tụ́ma ẹ́gẹ́rẹ́ ma náa sáá, dụaḅọ́rọ́ma akuoo ọ pịrị ibi oku ma, ọ Krais ḅụ mininim, Tamuno pịghị o mini Tọ́ntọ́ Tẹ́mẹ́ pa ọmịna ḅụ ilíghíma suam ḅẹ́ ọmịnị onyẹẹ.

Ẹ́fịsọsapụ 4:30

Tamuno Tọ́ntọ́ Tẹ́mẹ́ ma biesima ma, Tẹ́mẹ́ ma anịị Tamuno pa ọ ḅụ ilíghíma suanyẹ ḅẹẹ ọmịnị onyẹẹ, ọmịna sẹ́pịrịarị nyẹ ḅẹ́ éné ma ḅobẹm Tamuno ọ dụapághámaḅo bẹnyẹ.

1 Tẹsalonaikaapụ 1:9

Anịapụ mamgba dughoarị ọ wa dáasu ḅara wamịnị ọ fịnịanga ḅo sa, ọmịnị oru wáriso sị sághị karakárá na pịghị duma gbámásó Tamuno ma tẹ́ghẹ̄ ḅara,

2 Timoti 2:19

Tamuno kụrọ sughu isé ma ḅẹnyẹ ḅẹnyẹ anị jighe jighemabịgha; anị ọgọnọ anịị n mị ẹ́gẹ́rẹ́ ma gịẹnyẹ: <>

Hiburuapụ 12:22

Tụ́ma Zayọn tụ́ndụ́ anị o tándị ḅo nyẹ dumafịnị Tamuno ma opu ama, sobie Jerusalem na pịghị tọgha tọgha mmẹẹ́ a ndẹ́ẹ oyia si findi sookumuapụ bieḅẹlẹ kubiri ogbo.

Puu Findi 1:3

Nnị karịibimaapụ anịị mị diri ma gooapụ, nnị karịibimaapụ anị pịghị mịị ikiakoro oku ma pughuapụ sị pịghị anị bie n gịẹnyẹ ma koko! Ḅẹẹ sáá ma kikiamam nyẹ gonyẹ́ gonyẹ́ kiri ákị bẹ sáá.

Puu Findi 10:1

Anịsáa a warị jẹ́ opu sookumuḅọ arịị sobie sághị kóróḅoarịḅọ. Oḅuto ọ gbẹ́ẹ̄ ikélekélem so sọ́ḅọ́rọ́ suabịtẹ, ọdum warị ọ sịbị ikelekelema; o tórúku sọ́ḅọ́rọ́ ịrụa ma, ọ ḅụọ sọ́ḅọ́rọ́ n fịnị ḅụ fịnịkiri pie sị.

Puu Findi 10:4

Sọ́nọ́ma so alágbā ma ẹ́gẹ́rẹ́ sáá, a sághị gịẹ dọ́ghụm, kụ́ma a pụghọ naam sobie sághị ḅoo nyẹ, ḅẹẹ, <>

Puu Findi 16:12

Anịsáa suene kárámá sookumuḅọ ma ori bọlị ọ́sụ́sara opu Ufretis okolo ma ḅụ, anị mingi warị kụ́lụ́kụ́lụ́ sị asọ tẹ́lẹ́ma pa ịrụa saghị saghị angaá sághị ḅoarị ámányánáapụ ma pịrị.

Puu Findi 5:2

A warị gbẹ́rẹ́ opu sookumuḅọ arịị opu pụghọ pa dugho pághámaḅo ḅẹẹ, <>

Puu Findi 8:3

Jẹ́ sookumuḅọ, odoḅala Insẹnsị suanyẹ ọlọḅọ ḅoo ẹ́bẹ ma angásá sẹm. Nnị tọgha Insẹnsị pa ọ pịrịm ḅẹẹ sị ori anị dọ́ghụ́ma imine ma tórúku fịnị odoḅala ẹ́bẹ ọ́gọ́nọ, Insẹnsị ma kụ́nụ́ Tamuno túminị́ mamgba tẹ́ghẹ̄ na gwaa bẹ ḅara.

Puu Findi 9:14

Pụghọ ma ọdụ ma ọlọ suene kárámá sookumuḅọ ma ḅẹ́m, <>

Puu Findi 9:4

Nnị dugho nnị pịrịm ḅẹẹ nnị nyẹ́ pa tuminikiri osuka ma láma ma anịgha ḅẹ́ jẹ́ sị; anịgha n dipinyẹ; nnị nyẹ pa lama bẹapụ anịị Tamuno ilíghíma ma nyánágháapụ nna fụ́ḅára ogbo.