Puu Findi 6:9 - Ibani New Testament

⁹ Ánáná tụ́wọ ma sọ́nọ́ kárámá agbā ma si sáá, a Tamuno ẹ́gẹ́rẹ́ ma na nna sẹ kụrọ dugho págháma nyẹ ma gosi n ḅá túminị́ ma biebẹ duma arịm ẹ́bẹ ma sughu.

Puu Findi 6:9 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 16:2

Nnị ọ deesibẹm Juuapụ kobiri yọ ma ḅụ; tụ́manyẹ ḅụ, sáá ḅoarị ọ ḅa ḅo fịnịfịnị sịbẹm ḅẹ́ n ḅọ fịrịnwangị Tamuno pịrịarị.

2 Kọrịntịapụ 5:8

Wamịnị opuma biekpọ nyánam tụ́ma biiarị ḅẹ́, wa mị tuminikiri ojumẹnị wárị ma wáriso sị mú ámáọ́gọ́nọ Kị́nị́nyánáḅọ na fịnị

Filipaiapụ 1:23

Amaḅara i nụ́nụ́arị ẹ́rẹ́ḅara i nụ́nụ́arị a opuma biiarị ḅẹ́ a mị duma ma wáriso sị mú Krais na fịnị, mịma anị kọkọ ibiḅaa;

Filipaiapụ 2:17

Didighigha nnị ị́yẹ́ ọmbịnyẹ́ pa ọmịna minini mịẹ pa Tamuno pịrị ágbáa ma ḅụ karị sárábẹm anị ḅọ́rọ́ ọkọfịnị fịnị. I bieḅẹlẹm ḅẹ a ọmịnị kị́nị́mamgba na bieḅẹlẹ.

2 Timoti 1:8

Anịgosi, ḅụ́gịrịrịma sị wámịna Nyánáḅọ ma gbolomanyẹ dugho págháma; anịgha i dighi ḅụ́gịrịrị ịrị ikólinaḅọ Krais sịbị goo. Anịmanakaragha ị́yẹ́ diekiri ákịị si tọ́rụ́siarị ibi oku ma pịrị Tamuno ịnyọ pa ịḅụ sua lama ḅara ḅụ.

2 Timoti 4:6

Kụ́ma ịrị ma, ị́yẹ́ duma nnị ọsụ saramam sọ ḅọ́rọ́ igwagwaá iru, sáá láamam a mị tuminikiri warisoo bẹ sáá.

Hiburuapụ 12:23

Ọ Tamuno parị yii awọ ma kobiri ḅom, n sobie nnị ẹ́rẹ́ gịẹapụ, o Tamuno dámáḅómam kị́nị́mamgba ḅẹ́rẹ́kọḅọ, na pịghị n mịẹ kpainma ma karakárá ibiamịẹnyẹapụ tẹ́mẹ́.

Puu Findi 1:2

Jọn warị ori árị nyẹ́ mamgba dugho págháma anịma anịị Tamuno ẹ́gẹ́rẹ́ ma na pịghị Jizọs Krais dugho págháma nyẹ.

Puu Findi 1:9

Irị anịị Jọn, ọmịna mịnaḅọ owitụ́wọ, pịghị Jizọs duaarị gbẹ́rẹ́ḅọ irị ọ́ḅụ gbẹ́rẹ́ḅọ ngịrịma pa ori ásẹ́mẹ́kiriapụ laarị tọ́rụ́siarị ma arịarịḅọ. Nnị i pa Patmọs ogbosúányẹ ḅụ kórómam a Tamuno ẹ́gẹ́rẹ́ ma dugho wásámam na pịghị Jizọs diepágháma karakárá gosi.

Puu Findi 14:18

A pịghị jẹ́ sookumuḅọ arịm fịnị ma ḅụ kụ́rọ nyanaḅọ, ori ẹ́bẹ ma párángáa sághị ḅom. Ọ warị opu pụghọ pa ilúghú oḅu iko piompio agidi ma ọlọḅọ ma pịrị, <<Ị́yẹ́ óḅū iko agidi ma pa grepụ ma pẹ́lẹ́ tuminikiri duakiri ma ḅụ, tegó grepụ ma biamam!>>

Puu Findi 16:7

Anịsáa a ẹ́bẹ ọ́gọ́nọ sághị pụghọ naam dughoarị nyẹ ḅẹẹ, <>

Puu Findi 19:10

A ọ ḅụọ sughu sóórókórom ḅẹẹ a susi ọ pịrị, kụ́ma ori i ḅẹm, <<Ọkọ mịẹma! Irị fịrịnwangịḅọ, ịrị na jẹ́ mininiapụ ma fịnị ḅara, Jizọs diepágháma karakárá ma ọlọapụ. Susi Tamuno pịrị!>> Jizọs diepágháma karakárá ma anịị ịnyọ pa ikiakoroapụ ma pịrịarịnyẹ.

Puu Findi 2:13

A nimim ọmịnị ngaa angaá, anịị Satanị ma ori imine nyáná ngaa. Anịsọ ọ pa sẹ́kụrọ ị́yẹ́ ẹrẹ ma pịrịm ọ pa ịḅụ mininim nnị Antipasi ị́yẹ́ karakárá onyésẹ̄ḅọ ma ḅá sa ọmịna opu ama bie anịị Satanị ma ngaa angaá.

Puu Findi 20:4

Anịsáa a tọgha imine arịm, anị ọ́gọ́nọ kpọrọfịnịapụ nnị kụrọ pa n pịrịm ḅẹẹ nnị ḅẹ́rẹ́kọọ. A pịghị n sịbị pẹ́lẹ́apụ ma biebẹ duma arịm ḅẹẹ nnị Jizọs diepágháma karakárá ma na Tamuno ẹ́gẹ́rẹ́ ma dugho wásámam. Na nnị susi ḅáláfama nama ma pịrịgha anịgha n tẹ́mẹ́ sị pa anị pa biekóróma bẹnyẹ, anịgha anị ilíghíma nyáná nna fụ́ḅára ogbo anịgha nna ḅara. Nnị pịghị ḅoo dumam sị Krais na taa ámányánáapụ ḅara kụ́rá a mmẹẹ́ ndẹ́ẹ oyia si findi.

Puu Findi 8:3

Jẹ́ sookumuḅọ, odoḅala Insẹnsị suanyẹ ọlọḅọ ḅoo ẹ́bẹ ma angásá sẹm. Nnị tọgha Insẹnsị pa ọ pịrịm ḅẹẹ sị ori anị dọ́ghụ́ma imine ma tórúku fịnị odoḅala ẹ́bẹ ọ́gọ́nọ, Insẹnsị ma kụ́nụ́ Tamuno túminị́ mamgba tẹ́ghẹ̄ na gwaa bẹ ḅara.

Puu Findi 9:13

Anịsáa suene kárámá sookumuḅọ ma ori ọdụ ofurom. A warị pụghọ naam odoḅala ẹ́bẹ ma ikpangi ḅụ sághị ḅoarị nyẹ. Tamuno ma tórúku fịnịnyẹ.