Puu Findi 5:6 - Ibani New Testament

⁶ Anịsáa a warị gbẹ́rẹ́ ánáná tụwọ arịị sẹ́fịnịarị nyẹ imine ma ogboku, dumafịnị ínia nyẹ ma na sẹ́nịapụ ma anị ikelekelemam. Ánáná tụwọ ma fịnị ḅara sọ́ḅọ́rọ́ nnị anị ḅaamam, anị sọ́nọ́ma ikpangi na sọ́nọ́ma tọ́rụ́ nyanam anịị Tamuno sọ́nọ́ma Tẹ́mẹ́ ma, n pa tuminikiri gbọrụ fịrịma maá nyẹ.

Puu Findi 5:6 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 1:69

Ori opu Dụaḅọ́rọ́maḅọ pa wa pịrịmam ọrẹ fịrịnwangịḅọ Deviti furotụ́wọ,

Ibi Oku Ma Jọn Anị Gịẹ Ḅara 1:29

Anị ḅụ éné ḅa Jọn Jizọs arịm nwángị ọ fịnịnga ḅoarị warị ḅẹẹ, <

Ibi Oku Ma Jọn Anị Gịẹ Ḅara 1:36

O Jizọs arịm ọ ḅọ́rọ́arị sáá, warị ḅẹẹ, <>

Fịrị Ḅara 8:32

O goo yọ ma Tọ́ndiri ma ḅụ, mị anịị, <

Puu Findi 1:4

Sịbịpị ma Jọn ḅara anịị anị saghị ḅo Esiya ḅẹrẹtọ yọ ḅụ fịnị sọ́nọ́ma sọsị ma pịrị nyẹ́ẹ́: Tamuno, mị́sa fịnịḅọ, ḅọ́rọ́maa sáá fịnịḅọ na pịghị ḅo bẹ sa fịnịḅọ pịghị ori imine tórúku fịnị sọ́nọ́ma Tẹ́mẹ́ ma ḅara saghị ḅo tọ́rụ́kụrụkụ́rụ́ na diin fịnị ọ pịrịị.

Puu Findi 12:11

Ánáná tụ́wọ ma ọmbịnyẹ́ na, nna dugho págháma karakárá ẹ́gẹ́rẹ́ anịị n pa ọ sọ́ḅa nyẹ. Nnị tẹ́lẹ́ma sị nna duma kóróma fịị pịrịm.

Puu Findi 13:8

Tuminikiri dumafịnịapụ mamgba susi anị pịrịbẹm, tuminikiri ma na saghịgha sáá nnị ẹ́rẹ́ gịẹ kórómaapụ dumafịnịapụ ma diri bie anịị susi anị pịrịbịghaapụ, mịị diri ma nyánáḅọ anịị n ḅáa Ánáná Tụwọ ma.

Puu Findi 14:1

Anịsáa a dighim, sị aningáa Ánáná ma arịị Zayọn tụ́ndụ ọ́gọ́nọ sẹ́fịnịarị; ori na fịnịapụ anịị túminị́ mmẹẹ́ faá si púghú (144,000) nnị ori na ọ Daa ẹrẹ gịẹ kórómaapụ nna fụ́ḅára ogbo.

Puu Findi 17:14

Nnị owu pa Ánáná Tụwọ ma pághámabẹm, kụ́ma Ánáná Tụwọ ma na ori osiiapụ ma na ọ sẹlẹakịapụ na sẹ́kụrọ ọ pịrị asọduaapụ n sọḅábẹm tegó ori anịị kị́nị́nyánáapụ ma Kị́nị́nyánáḅọ na pịghị ámányánáapụ ma ḅụ Ámányánáḅọ.

Puu Findi 21:22

Opu ámá ma bie a Tamunoopuwarị arịgha tegó anị Tamunoopuwarị ma anịị Kị́nị́nyánáḅọ ma, Tamuno, Kụrọmamgba Nyánáḅọ ma na pịghị Ánáná Tụwọ ma.

Puu Findi 21:23

Opu ámá ma ịrụa biigha anịgha akalụ́ ḅẹ́ nnị anị ḅụ bia tegó Tamuno ipine ma baá pa anị pịrịarị, Ánáná Tụwọ ma sọ pịghị anị tọndọ.

Puu Findi 22:1

Sookumuḅọ ma pịghị duma mingi pịrị tọ́rụ́ ma pa i diem, yóri yóriarị sọ́ḅọ́rọ́ mgbọ́lụ iti, Tamuno ma na Ánáná Tụwọ ma imine ḅụ saghị ḅo,

Puu Findi 22:3

Nnị Tamuno sii fị́lā ḅụ fịnịḅọ arịbịgha opu ámá ma bie. Tamuno na Ánáná Tụwọ ma imine anịị nnị árị ḅẹnyẹ opu ámá ma bie, ori fịrịnwangịapụ sọ susi ọ pịrịbẹm.

Puu Findi 4:8

Mịná ínia dumafịnị nyẹ ma, gbẹ́rẹ́nyẹ gbẹ́rẹ́nyẹ suene a pamba nyánam tọ́rụ́ pịghị nna ḅụ gbiri ikélekélem pamba ma ọ́gọ́nọ na anị sughubie. Dii na ḅáā na n bịpị gbẹ́gha núme suuarị: <>

Puu Findi 5:11

Anịsáa, a warị dighi si tọgha tọgha pughu sookumuapụ pụghọ naam túminị́ ine kịẹbịgha nyẹ! Nnị imine ma ịkélémam, ínia dumafịnị nyẹ ma na sẹ́nịapụ ma na.

Puu Findi 5:12

Nnị warị pụghọ saghị núme súúarị, <>

Puu Findi 5:13

A warị sobie dumanyẹ gonyẹ́ gonyẹ́ náa tuminikiri, sughubie fịnịnyẹ mamgba náa, pịghị tọ́rụ́bie, tuminikiri gbọrụ ḅụ dumafịnị nyẹ gonyẹ́ gonyẹ́ núme suarị: <>

Puu Findi 5:14

Dúmafịnị nyẹ ma warị pagharaa <> Sẹ́nịapụ ma warị bịghịkoro sị susi Tamuno pịrịị.

Puu Findi 6:16

Nnị warị okpo dapịrị ma na tụ́ndụ ma ḅẹẹ, <