Puu Findi 4:6 - Ibani New Testament

⁶ Pịghị imine ma tórúku gịlassi kịka tọ́rụ́ imii, yóri yóri sị tumḅọ anị bie árịbẹm. Imine ma ikelekelema nyẹ ọkọlọbị mamgba ḅụ anịị ínia dumafịnị nyẹ, tọ́rụ́ tọ́rụ́ tọ́rụ́ anị ikelekelemam tórúku na pịghị ọḅụju.

Puu Findi 4:6 ပူးပေါင်းရင်းမြစ်များ

Puu Findi 14:3

Túminị́ mmẹẹ́ faá si púghú ma (144,000) na ínia dumafịnị nyẹ ma na pịghị sẹ́nịapụ ma imine ma tórúku sẹm, nnị ịwọ núme suuarị nnị ngéré ine nimi núme. Tuminikiri gbọrụ ma ḅụ nnị ngéré anịị n parapághámaḅoapụ.

Puu Findi 15:2

Anịsáa a arịm gilasi gilasi kịka tọ́rụ́ sị n fịnị pa gwagboloma nyẹ. A pịghị ḅáláfáma nama ma na n tẹ́mẹ́ sị pa anị pa biekóróma bẹnyẹ ma sọḅamaapụ arịm, na pịghị sẹ ḅáláfáma nama ẹrẹ ma pịrị kịẹbịpị ma sọḅaapụ. Nnị gilasi gilasi tọ́rụ́ ma aka ḅụ sẹ́fịnịm, nnị Tamuno pa n pịrị hapụ ọlọm

Puu Findi 15:7

Anịsáa dumafịnị ínia nyẹ ma ḅụ gbẹ́rẹ́ḅọ, sọ́nọ́má odoḅala bọlị, duma mú ḅẹsá ḅẹsá láa Tamuno igani bie bii nyẹ pa sọ́nọ́ma sookumuapụ ma pịrịm.

Puu Findi 19:4

Si ínia sẹ́nịapụ ma na dumafịnị iniapụ ma sóórókórom sị susi Tamuno pịrị, imine ma ọgọnọ kpọrọfị́nị́ḅọ. Nnị warị ilúghú, <>

Puu Findi 21:11

Opu ámá ma anị Tamuno ipine ma pa sánị sanịarị, opu ámá ma nyẹ́la onwo mgbọ́lụ kọrị ḅara pa kọrịarị, sọ́ḅọ́rọ́ Jaspa, yóriyórim sọ́ḅọ́rọ́ mgbọ́lụ iti.

Puu Findi 21:18

Onu ma jaspa anịị n pa anị tẹ́mẹ́nyẹ, opu ámá ma tụ́ma yóri yóri odoḅala anị n pa anị nama nyẹ, gilasi yóri yóri ḅara anịị anị yóri yóriarị ḅara.

Puu Findi 21:21

Oyi mmẹẹ́ opu ḅụ́pọ́ ma anị oyi mmẹẹ́ findi mingi ḅụ saghị ḅo nyẹ́la mgbọ́lụ, opu ḅụ́pọ́ ma gonyẹ́ gonyẹ́ mingi bie sághị ḅo nyẹ́la mgbọ́lụ anịị n pa anị miẹye. Opu ámá ma asọ ibima yóri yóri odoḅala anịị n pa anị mịẹnyẹ n gilasi bie árịarị ḅara anịị nnị anị árịarị ḅara.

Puu Findi 22:1

Sookumuḅọ ma pịghị duma mingi pịrị tọ́rụ́ ma pa i diem, yóri yóriarị sọ́ḅọ́rọ́ mgbọ́lụ iti, Tamuno ma na Ánáná Tụwọ ma imine ḅụ saghị ḅo,

Puu Findi 4:4

Imine ma ikelekelema nyẹ anịị jẹ́ imine si inifindi, anị ọ́gọ́nọ si inifindi sẹ́nịapụ kpọrọfịnịm pị́na bịtẹ sua pịghị odoḅala ogunu suaa.

Puu Findi 5:11

Anịsáa, a warị dighi si tọgha tọgha pughu sookumuapụ pụghọ naam túminị́ ine kịẹbịgha nyẹ! Nnị imine ma ịkélémam, ínia dumafịnị nyẹ ma na sẹ́nịapụ ma na.

Puu Findi 5:14

Dúmafịnị nyẹ ma warị pagharaa <> Sẹ́nịapụ ma warị bịghịkoro sị susi Tamuno pịrịị.

Puu Findi 5:6

Anịsáa a warị gbẹ́rẹ́ ánáná tụwọ arịị sẹ́fịnịarị nyẹ imine ma ogboku, dumafịnị ínia nyẹ ma na sẹ́nịapụ ma anị ikelekelemam. Ánáná tụwọ ma fịnị ḅara sọ́ḅọ́rọ́ nnị anị ḅaamam, anị sọ́nọ́ma ikpangi na sọ́nọ́ma tọ́rụ́ nyanam anịị Tamuno sọ́nọ́ma Tẹ́mẹ́ ma, n pa tuminikiri gbọrụ fịrịma maá nyẹ.

Puu Findi 5:8

Ori ọkọ mịẹ sa, dumafịnị ínia nyẹ ma na si ínia sẹ́nịapụ ma sóórókórom, Ánáná Tụwọ ma tórúku. Ọ́rụ́ḅọ ọ́rụ́ḅọ hapụ pa sị núme suu nyẹ na odoḅala bọlị ọlọm Insẹnsị bie bii nyẹ, mịma anịị Tamuno túminị́ ma tẹ́ghẹ̄.

Puu Findi 6:1

Anịsáa a warị Ánáná Tụwọ ma arịị n gbẹpalị sọ́nọ́ma nyẹ ma ḅụ parị nyẹ ma si, warị ínia dumafịnị nyẹ ma ḅụ gbẹ́rẹ́ḅọ pụghọ náa so alágbā fieḅára pa fie nyẹ, <<Ḅoo.>>

Puu Findi 6:6

A warị dumafịnị ínia nyẹ ma ḅụ gbẹ́rẹ́ḅọ pụghọ kịkamanyẹ náa ḅẹarị nyẹ ḅẹẹ, <>

Puu Findi 7:11

Sookumuapụ mamgba sẹ imine ma ikelekelemam sẹ́nịapụ ma na pịghị dumafịnị ínia nyẹ ma. Nnị nna fụ́ḅárá pa kiri iḅom imine ma tórúku susi Tamuno pịrịm.

Puu Findi 7:17

Tegó Ánáná Tụwọ ma imine ma ogboku fịnịḅọ ma anịị nna Ánánákúrúḅọ; ori n ḅọ́rọ́ma duma mingi siḅe muubẹm. Tamuno pịghị owu mingi gonyẹ́ gonyẹ́ síbẹm nna tọ́rụ́ ḅụ.>>