Puu Findi 4:10 - Ibani New Testament

¹⁰ sị ínia sẹ́nịapụ ma sóórókoro imine ma ḅụ kpọrọfị́nị́ḅọ ma pịrịbẹm sị susi duma muu ḅẹsá ḅẹsá láa ḅọ ma pịrịị. Nnị nna ogunu gbi kórómam imine ma tórúku warị ḅẹẹ.

Puu Findi 4:10 ပူးပေါင်းရင်းမြစ်များ

Matiu 2:11

Nnị ḅoo wárị ma láa sáá, n tụ́wọ ma arịm ori na o nyingi Meri, nnị warị ẹkpẹrẹkị sị susi ọ pịrịị. Anịsáa n warị nna ngọ akpa findi sị nyẹ́ die tụwọ ma pịrị, odoḅala, kụ́nụ́ Insẹnsị na maya.

Ibi Oku Ma Luk Anị Gịẹ Ḅara 24:52

Nnị susi ọ pịrịm warị opu bieḅẹlẹ pa soo Jerusalem muu.

1 Kọrịntịapụ 15:10

Kụ́ma Tamuno tọ́rụ́kụrụkụ́rụ́ ḅụ a mịị fịnị ḅara ma fịnịm, ọ nyáná i pịrị tọ́rụ́kụrụkụ́rụ́ papa faghaa, ọkọgha, a ịnyọsua fịrịnwangị nnị kị́nị́mamgba nẹngịm, anịsọ irịgha kụ́ma Tamuno ma tọ́rụ́kụrụkụ́rụ́ iḅụbie fịrịnwangịarị nyẹ.

Puu Findi 10:6

Warị nyẹ karịfị duma gbámásó Tamuno ma ẹ́rẹ́ ḅụ, so na kiri ma tẹ́mẹ́ ḅoo na tọ́rụ́ ma na, na pịghị anị bie fịnịnyẹ mamgba. Anịma ḅọ́rọ́ sáá, ọ warị ḅẹẹ, <

Puu Findi 11:16

Anịsáa, si ínia sẹ́nịapụ ma Tamuno tórúku nna imine ḅụ kpọrọfịnịapụ ma warị nna ḅụ pa kiri gbi warị fụ́ḅára pa kiri i ḅoo sị susi Tamuno pịrị.

Puu Findi 15:4

Kị́nị́nyánáḅọ tụọ i dighi ḅáláfābịgha? Tụọ minibịgha sị ị́yẹ́ opu dugho págháma? Ịrị ngéré anịị Tọ́ntọ́ ḅọ. Sẹ gonyẹ́ gonyẹ́ ḅoo susi ị pịrịbẹm, túminị́ mamgba ị́yẹ́ karakárá fịrị arịm gosi.>>

Puu Findi 15:7

Anịsáa dumafịnị ínia nyẹ ma ḅụ gbẹ́rẹ́ḅọ, sọ́nọ́má odoḅala bọlị, duma mú ḅẹsá ḅẹsá láa Tamuno igani bie bii nyẹ pa sọ́nọ́ma sookumuapụ ma pịrịm.

Puu Findi 19:4

Si ínia sẹ́nịapụ ma na dumafịnị iniapụ ma sóórókórom sị susi Tamuno pịrị, imine ma ọgọnọ kpọrọfị́nị́ḅọ. Nnị warị ilúghú, <>

Puu Findi 4:2

Anị gbẹ́rẹ́kiri Tẹ́mẹ́ i korom. Anị ngaa sobie, a imine arịm sị kị́nị́ árịị anị ọ́gọ́nọ kpọrọfịnịarị.

Puu Findi 4:4

Imine ma ikelekelema nyẹ anịị jẹ́ imine si inifindi, anị ọ́gọ́nọ si inifindi sẹ́nịapụ kpọrọfịnịm pị́na bịtẹ sua pịghị odoḅala ogunu suaa.

Puu Findi 4:9

Mịná ínia dumafịnị nyẹ ma boma núme na kuu núme na ịmịẹḅam núme suu pa imine ma ọ́gọ́nọ kpọrọfị́nị́ḅọ ma pịrị sa gonyẹ́ gonyẹ́, pịghị dumafịnị sị muu ḅẹsá ḅẹsá láa ḅo ma,

Puu Findi 5:14

Dúmafịnị nyẹ ma warị pagharaa <> Sẹ́nịapụ ma warị bịghịkoro sị susi Tamuno pịrịị.

Puu Findi 5:8

Ori ọkọ mịẹ sa, dumafịnị ínia nyẹ ma na si ínia sẹ́nịapụ ma sóórókórom, Ánáná Tụwọ ma tórúku. Ọ́rụ́ḅọ ọ́rụ́ḅọ hapụ pa sị núme suu nyẹ na odoḅala bọlị ọlọm Insẹnsị bie bii nyẹ, mịma anịị Tamuno túminị́ ma tẹ́ghẹ̄.

Puu Findi 7:11

Sookumuapụ mamgba sẹ imine ma ikelekelemam sẹ́nịapụ ma na pịghị dumafịnị ínia nyẹ ma. Nnị nna fụ́ḅárá pa kiri iḅom imine ma tórúku susi Tamuno pịrịm.