Puu Findi 3:1 - Ibani New Testament

¹ <

Puu Findi 3:1 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 15:24

Ḅẹẹ mị i tụwọ ma párị ọ fịịm, kụ́ma mị́sa o dumamam, o fam kụ́ma mị́sa nnị o dọghụ pághámaḅomam.> Bieḅẹlẹ dụrụkụ ti ma warị saghị.

Ibi Oku Ma Luk Anị Gịẹ Ḅara 15:32

Kụ́ma wa dụrụkụ ti na ibim sị bieḅẹlẹ, tegó ị numboru owitụ́wọ ọ fịịm, kụ́ma mị́sa ọ dumamam, párị o fam kụ́ma mị́sa nnị ọ dọghụ pághámaḅomam.> >>

Ibi Oku Ma Jọn Anị Gịẹ Ḅara 1:16

Ori tọ́rụ́kụrụkụ́rụ́ bi wasa ḅara gosi ọ wamịnị kị́nị́mamgba bomam, gbẹ́rẹ́ boma ḅụ akị mú jẹ́ la.

Ibi Oku Ma Jọn Anị Gịẹ Ḅara 1:33

A o nimiḅobịgha, kuma i fịrịma ḅọ ma ḅẹ́ a ḅoo mingi sara, dugho i pịrịm,

Ibi Oku Ma Jọn Anị Gịẹ Ḅara 20:22

Ọ mịma dugho fama sáá, ọ warị ọwụ ofuro nna ḅụ warị ḅẹẹ, <<Ọ Tọ́ntọ́ Tẹ́mẹ́ ma daakị.

Ibi Oku Ma Jọn Anị Gịẹ Ḅara 3:34

Tamuno fịrịmaḅọ ma Tamuno ẹ́gẹ́rẹ ma kọarị, ḅẹ́ Tamuno ẹ́kẹ́tọgha ḅara pa ori Tọ́ntọ́ Tẹ́mẹ́ ma pịrịarị.

Fịrị Ḅara 2:33

Nnị pịghị ọ saghị Tamuno Daḅọ ma amaḅaranga wárịmam, ọ pịghị ọ ḅarabie Tọ́ntọ́ Tẹ́mẹ́ ma daḅomam o minini ḅara ḅụ. Mị́sa ọ mịnị árị pịghị náanyẹ ma ọ́ ori dienyẹ, ọ pa wámịna ḅụ saram.

Ẹ́fịsọsapụ 2:1

Ḅọ́rọ́maa sáá ọmịnị anịị tẹ́mẹ́ ḅụ fịịmaapụ ọmịna bịpị osigha na ọmịna sii gosi.

Ẹ́fịsọsapụ 2:5

wa fịịfama sáá wámịna siiamịẹnyẹ gosi ọ duma pa wa pịrịm ọ Krais saghịma sáá fịị ḅụ. Tamuno tọ́rụ́kụrụkụ́rụ́ ḅụ ngéré anịị wa mịị ḅọ́rọ́ma ma nyánáḅo nyẹẹ.

Kolosiapụ 2:13

Gbẹ́rẹ́ sáá biri tẹ́mẹ́ ḅụ ọ fịị famam ọmịna sii gosi, ọmịnị ma pịghị ólóghó nyánágha Juughaapụ gosi. Kụ́ma mị́sa Tamuno ọmịnị pa duma bie suamam Krais ḅụ. Tamuno pịghị wámịna sii mamgba wáriso wa pịrịm.

1 Timoti 5:6

Kụ́ma deefịị sị a ḅụ pa tuminikiri ḅẹ́lẹ̄ pịrịmaá ọ́rụ́ḅọ, fịịmam a ḅọ́rọ́ pa duma sọọ.

Jems 2:26

Anịgo tẹ́mẹ́ nyanagha ojumẹnị fịịmaá ḅara anị mịẹnyẹ nyanagha minini fịịmaá ḅara.

1 Pita 1:11

Nnị warị ḅụ́kọ́rọ́ma dọghụ, sa ma láa bẹ sa, anị pịghị tọrọ́ pa ḅo bẹ. Mị́sa ma anị n ḅụ fịnị Krais Tẹ́mẹ́ ḅara tụ́ghụ́máarị, die pághámaarị Krais árị bẹ tọ́rụ́siarị pịghị anị dua bẹ ipine.

Judu 1:12

Mịnaapụ ma fịnị ḅara sọ́ḅọ́rọ́ kpọ koro sị ọ pilemaarị ịlọ́lị ọ sọsị kubiri ogbo fị́nyẹ ma fịị gbólomaarị sáá. Nna ḅụ ngéré siḅearị ánáná siḅeapụ. Nnị anịị fọ́rụ dighiákị nwángịarị oḅuto kụ́ma iti kórómagha. Nnị fịnị ḅara anịị anịsáa ḅụ sọ ine sịmgbọlụ suagha sị, n kune ḅụ saghị sughu pághámaḅo sịmgbọlụ fịịfamamaa nyẹ fịnị ḅara anịị n fịnị ḅara.

Puu Findi 1:11

Anị i ḅẹm, <<Ịrị árịnyẹ ma gịẹ kórómaa, sị diri ma fịrịma mịná opu ama bie fịnị sọsị mamgba pịrị: anịị Ẹ́fịsọs, Samaina, Pegamọm, Tiyatira, Sadis, Filadelfiya na Laodisiya>>.

Puu Findi 1:16

Ọ sọ́nọ́ma ḅálōló ọlọm ori amaḅara na mmẹẹ́ a tọ́rụ́ nyáná oḅu áláápụ́-ágidi ọ bịpịbie saghị págháḅom. O tórúku éné ogbo ịrụa biarị ḅara pa biarị.

Puu Findi 1:20

Mịị ḅọghu sị túminị́ nimigha nyẹ, ị́yẹ́ amaḅara bie fịnị sị ọmịnị árị sọ́nọ́ma ḅálōló ma sẹ́pịrịnyẹ, na pịghị odoḅala pa tẹ́mẹ́ tọndọ gbananyẹ ma sẹ́pịrịnyẹ: Sọ́nọ́ma ḅálōló ma anịị sọ́nọ́ma sọsị ma sookumuapụ, Sọ́nọ́ma tọndọ gbananyẹ ma anịị Sọ́nọ́ma sọsị ma.

Puu Findi 1:4

Sịbịpị ma Jọn ḅara anịị anị saghị ḅo Esiya ḅẹrẹtọ yọ ḅụ fịnị sọ́nọ́ma sọsị ma pịrị nyẹ́ẹ́: Tamuno, mị́sa fịnịḅọ, ḅọ́rọ́maa sáá fịnịḅọ na pịghị ḅo bẹ sa fịnịḅọ pịghị ori imine tórúku fịnị sọ́nọ́ma Tẹ́mẹ́ ma ḅara saghị ḅo tọ́rụ́kụrụkụ́rụ́ na diin fịnị ọ pịrịị.

Puu Findi 2:13

A nimim ọmịnị ngaa angaá, anịị Satanị ma ori imine nyáná ngaa. Anịsọ ọ pa sẹ́kụrọ ị́yẹ́ ẹrẹ ma pịrịm ọ pa ịḅụ mininim nnị Antipasi ị́yẹ́ karakárá onyésẹ̄ḅọ ma ḅá sa ọmịna opu ama bie anịị Satanị ma ngaa angaá.

Puu Findi 2:19

A ọmịna mịẹnyẹ nimim. A ọmịna ḅẹlẹma nimim, ọmịna minini, ọmịna fịrị ḅara na ọmịna ngịrịma. A nimim ḅẹẹ mị́sa ọ fịrịnwangị parị ọ nwángị ḅara nẹngịm.

Puu Findi 2:2

A ị́yẹ́ mịẹ́nyẹ nimim i kọmaá duma; a nimim ịrị ịnyọsua fịrịnwangịmaá ḅara ị pịghị ngịrịma nyanamaá ḅara. A nimim ḅẹẹ ịrị ine sii túminị́ dighi tọ́rụ́sibịgha, ị pịghị nfịrịmaapụ pa nna ḅụ sịịapụ ma dáadighiman, kụ́ma nnị ọkọ fịnịgha, sị warị dọghụ pághámaḅom ḅẹẹ nnị iruonyẹ dughoapụ.

Puu Findi 2:9

A ọmịna ḅụḅáláḅálá nimim; a pịghị ọmịna ịgónyí nimim anịsọ ọ pa ngọ nyánam! A nimim nnị ọ ḅụ ḅụ dugho síí ẹ́gẹ́rẹ́, ḅẹ́eapụ ḅẹẹ nnị Juuapụ kụ́ma nnị Juuapụgha; nnị anịị Satanị kubiri ogbo!

Puu Findi 3:15

A ọmịna mịẹnyẹ nimim, a nimim ḅẹẹ ọmịnị oḅúghúgha anịgha ọfịrịịgha! A bibẹm ọ ḅọ́rọ́ ọfịrịị anịgha oḅughu.

Puu Findi 3:2

Saghị sẹ! Ịnyọ pa kọnyẹ́ ma ḅụ sua anị fịịfamabịgha ḅara. Ḅẹẹ a arịḅom ḅẹ́ ọ nwángịmáa fịrị ma na káaragha ị Tamuno tórúku.

Puu Findi 3:8

A ọ ọmịna mịẹnyẹ nimim, a ḅụ́pọ́ findi ọ pịrịmam gbẹ́rẹ́ḅọ sọ ine ikásịbịgha nyẹ. A nimim ḅẹẹ ọ kálá ịnyọ nyánam; ọmịnị ị́yẹ́ dienyẹ ma duamam, ọ pịghị sẹ kụrọ ị́yẹ́ ẹrẹ ma pịrịmam.

Puu Findi 4:5

Imine ma ḅụ sọ kọrịfịnị kọrịkọrị biiarị, so dárịarị na pịghị so alágbā fiearị. Imine ma tórúku sọ́nọ́ma tọndọ kọrịarị mịma anịị Tamuno sọ́nọ́ma Tẹ́mẹ́ ma.

Puu Findi 5:6

Anịsáa a warị gbẹ́rẹ́ ánáná tụwọ arịị sẹ́fịnịarị nyẹ imine ma ogboku, dumafịnị ínia nyẹ ma na sẹ́nịapụ ma anị ikelekelemam. Ánáná tụwọ ma fịnị ḅara sọ́ḅọ́rọ́ nnị anị ḅaamam, anị sọ́nọ́ma ikpangi na sọ́nọ́ma tọ́rụ́ nyanam anịị Tamuno sọ́nọ́ma Tẹ́mẹ́ ma, n pa tuminikiri gbọrụ fịrịma maá nyẹ.