Anị i ḅẹm, <<Ịrị árịnyẹ ma gịẹ kórómaa, sị diri ma fịrịma mịná opu ama bie fịnị sọsị mamgba pịrị: anịị Ẹ́fịsọs, Samaina, Pegamọm, Tiyatira, Sadis, Filadelfiya na Laodisiya>>.
Nnị karịibimaapụ anịị mị diri ma gooapụ, nnị karịibimaapụ anị pịghị mịị ikiakoro oku ma pughuapụ sị pịghị anị bie n gịẹnyẹ ma koko! Ḅẹẹ sáá ma kikiamam nyẹ gonyẹ́ gonyẹ́ kiri ákị bẹ sáá.
Irị Jọn mị diri ma ikiakoro ẹ́gẹ́rẹ ma naapụ gonyẹ́ gonyẹ́ biri nụ́nụ́arị; ḅọ́rọ́ kị́nị́ anị ḅụ nyẹ sua sua, Tamuno nna fomḅara ḅụ nyẹ suabẹm anịị mịị diri ma bie n gịẹ kóróma tọ́rụ́siarị díghíarị ḅụḅáláḅálá ma.
Ḅọ́rọ́ kị́nị́ nyẹ si ákị ákị mịẹ diri ma ikiakoro ẹ́gẹ́rẹ́ ma bie, Tamuno nna diekiri siakịịbẹm duma pịrị sịmgbọlụ sị ma ḅụ na pịghị Tọ́ntọ́ opu ámá ma ḅụ n gịẹ kórómanyẹ mịị diri ma bie.
Anịsáa, biekóróma, n pa ọ dienyẹ na ọ pịghị náanyẹ, anị osii, sị pịghịị ọmịna sii ḅụ. Kụ́ma ọ múno ḅụ saghị sẹgha sẹgha a ḅo ọ ḅụ korobẹm fúrúḅọ ḅara ma, ọ pịghị ine nimibịghaa a ḅoo bẹ sáá ma.
