Puu Findi 21:8 - Ibani New Testament

⁸ Kụ́ma ḅáláfaapụ, mininighaapụ, pilemaapụ, kị́nị́ ḅáapụ, yáakuu ḅụ ofori nwángị kọọarịapụ, tọ́rụ́kịrịkị́rị́ dirikọ́rịapụ, susi n kárányẹ pịrịrịarịapụ, na iruonyẹ dughoapụ mamgba nna fịnị yọ anịị ọpọlịḅuruma pa dọghụarị kọrịfịnị ésiḅe ma, anịị mmẹẹ́ kárámá fịị ma.>>

Puu Findi 21:8 ပူးပေါင်းရင်းမြစ်များ

Matiu 10:28

Ojumẹnị ḅáapụ ma dighi ḅáláfama kụ́ma ine tẹ́mẹ́ ma ḅagha. Anịmanakaragha Tamuno dighi ḅáláfa ine ojumẹnị ma na biebẹ duma ma ḅáa bẹḅọ ẹ́kpẹ́duaama kọrịfịnị bie.

Matiu 25:25

I ḅáláfam anịgo a muu ị́yẹ́ igbii pa kiribie ḅọghum. Dighi, mịnga anị ị́yẹ́ nyẹ!>

Matiu 8:26

Ọ pagharam, <<Ọmịnị minini ịrụapụ, ọ tegó ọkọ pa ḅáláfaarị?>> Anịsáa ọ warị saghị si igani fọ́rụ́ ma na dinọngu ma pịrị, tọ́rụ́ ma warị gbẹ́rẹ́ sáá diin.

Ibi Oku Ma Mak Anị Gịẹ Ḅara 9:44

Anị ngaa ma ḅụ nna kiriododo fịịfịịgha fịnị ma sọ bibịẹgha.

Ibi Oku Ma Jọn Anị Gịẹ Ḅara 8:44

Ọmịnị anịị ọmịna daá ẹ́kpẹ́dua awọ, ọ pịghị ọmịna daa binyẹ mịẹ dọ́ghụm. Parị sáá éné éné ori anịị kị́nị́ ḅá ḅáḅọ, karakárá ma ọlọgha pa, gbẹ́rẹ́ karakárá sọ ọ ḅụbie ofori. Ori iruonyẹ dughoarị sáá ori ọrẹ ama bịpị fiearị, ori anịị iruonyẹ dugho dugho ḅọ pịghị iruonyẹ ma daḅọ.

2 Tẹsalonaikaapụ 2:9

Siisịbịbieḅo ma ẹ́kpẹ́dua kụ́rọ pa ḅobẹm sị tọ́rụ́kịrịkị́rị́ epele ḅụ́gbérépuma fịrị mamgba nwángịbẹm.

1 Timoti 4:2

Ọkọfịnị nyẹ́die ma dugho wásámáarịapụ anịị mmẹẹ́ a tọ́rụ́ agidi epeletiapụ, nna tẹ́mẹ́bie fịịmam sọ ḅọ́rọ́ nnị ọfịrị ikúlélu pa dọ́ghụ́ma nyẹ.

Taitọs 1:16

Nnị bịpị ḅụ dughoarị ḅẹ́ n Tamuno nimim, kụ́ma nna mịẹnyẹ ḅụ nnị o pighiarị. Mịị túminị́ ma nnị Tamuno ḅụ siiapụ, nnị pịghị ọ bịpị pughugha, nnị ibi pịrị gbẹ́rẹ́ fịrị sọ ofori.

Hiburuapụ 12:24

O Jizọs dámáḅómam, ịwọ ọḅọọ ma dẹghẹ karakárámaḅọ, na pịghị n sanị ọmbịnyẹ́ ibinyẹ mini Ebẹl ọmbịnyẹ́ nẹ́ngị nyẹ.

Hiburuapụ 13:4

Ẹ́rẹ́yáa anị kị́nị́mamgba opu osigha pa pịrị na ibinyẹ, deeapụ na taapụ na jụghọ jụghọ ḅụ minini na ibim, Tamuno ḅẹ́rẹ́kọbẹm ama dọghụapụ ma sịbị na pịghị yáakuu ḅụ ofori nwángị kọ́arịapụ ma sịbị.

1 Jọn 2:22

Tụọ mị́sa iruonyẹ dughoḅọ? Anịị dughoḅọ ma ḅẹ́ Jizọs ori Duaḅọ́rọ́maḅọgha. Anị tumḅọ ma anịị Krais iruonaḅọ ma ori Daḅọ ma na Tụwọ ma na pighim.

1 Jọn 3:15

Amịna mị́naḅọ tarịghaḅọ gonyẹ́ gonyẹ́ anịḅọ ma kị́nị́ ḅá ḅáḅọ, ọ pịghị nimim ḅẹ́ kị́nị́ ḅá ḅáḅọ duma gbámásó nyanagha nḅọ duma bie.

1 Jọn 5:10

Anịgo Tamuno Tụwọ ma ḅụ mininiḅọ gonyẹ́ gonyẹ́ mịị dugho págháma nyẹ ma nyánam nna tẹ́mẹ́bie, kụ́ma Tamuno mininighaapụ ọ pa epeletiḅọ sọmam, tegó na nnị mininigha Tamuno dughonyẹ ọ Tụwọ ḅụ.

Puu Findi 14:10

nnị Tamuno igani iru ma ḅuubẹm nnị pa ori igani ọmọngọ ma bie gwagha ḅara pa suabiimamáa nyẹ, nnị tọ́ntọ́ sookumuapụ ma tórúku na pịghị Ánáná Tụwọ ma tórúku nnị fịnị na dọghụarị ọpọlịḅuruma pa nnị pa tọ́rụ́siarịmabẹm.

Puu Findi 19:20

Ḅáláfáma nama ma nnị ikólinaḅọ ḅara ḅụ okuakịm ori na iruo ikiakoroḅọ, ḅụ́gbérépuma fịrị nwangimaaḅọ ọ tórúku. (Mịná ḅụ́gbérépuma fịrị ma anịị ọ pa ḅáláfáma nama ma ilíghíma nyánáapụ ma oḅori pa n sịị nyẹ, na pịghị susi n tẹ́mẹ́ sị anị pa biekóróma bẹnyẹ pịrịmáapụ) Ḅáláfáma nama ma na iruo ikiakoroapụ ma duma ḅụ anịị nnị n pa kọrịfịnị ésiḅe ma bie gbi suanyẹ ọpọlịḅuruma pa kọrịarị nyẹ.

Puu Findi 2:11

Biri nyánáḅọ gonyẹ́ gonyẹ́ náa, Tẹ́mẹ́ ma dugho sọsị ma pịrịarịnyẹ! Sọḅaapụ mmẹẹ́ kárámá fịị ma ḅara pa n lámábịgha.

Puu Findi 2:2

A ị́yẹ́ mịẹ́nyẹ nimim i kọmaá duma; a nimim ịrị ịnyọsua fịrịnwangịmaá ḅara ị pịghị ngịrịma nyanamaá ḅara. A nimim ḅẹẹ ịrị ine sii túminị́ dighi tọ́rụ́sibịgha, ị pịghị nfịrịmaapụ pa nna ḅụ sịịapụ ma dáadighiman, kụ́ma nnị ọkọ fịnịgha, sị warị dọghụ pághámaḅom ḅẹẹ nnị iruonyẹ dughoapụ.

Puu Findi 21:27

Kụ́ma gbẹ́rẹ́ ịlọ́lị nyẹ sọ anị bie sọbịgha anịgha ḅụ́gịrịrịma nyẹ mịẹarịḅọ anịgha iruonyẹ dughoarịḅo, kụ́ma nnị nna ẹ́rẹ́ gịẹapụ gonyẹ́ gonyẹ́ Ánáná Tụwọ ma duma diri bie anịị opu ámá ma sọ bẹnyẹ.

Puu Findi 22:15

Kụ́ma nụ́ngọbie anịị obiri na pịghị tọ́rụ́kịrịkị́rị́ egberi ikiakoroapụ, yáakuu ḅụ ofori nwángị kọọapụ, susi n kárányẹ pịrịarịapụ na pịghị iruonyẹ ḅẹlẹmaapụ ẹ́gẹ́rẹ́ ḅụ na pịghị mịẹnyẹ ḅụ.

Puu Findi 9:17

Múnogha dáwọ ḅụ arịị ásụ ma na ásụ dọghụarịapụ ma mịị nnị fịnị ḅara: nna kúkúbie kikima nyẹ áwụ biam sọ́ḅọ́rọ́ fịnị, buluu biam sọ́ḅọ́rọ́ safaya, odoḅala bia ḅára biam sọ́ḅọ́rọ́ ọpọlịḅuruma. Ásụ ma sịbị akụ nama sịbị kịkam, nna bịpịbie fịnị na onwi na ọpọlịḅuruma sághị págháḅom.

Puu Findi 9:21

Nnị pịghị mịnị nna kị́nị́ḅáa sii ma ḅụ pịghịgha nna kirikiri egberi ikiakoro ḅụ pịghịgha nna yáakuu ḅụ ofori nwángị anịgha nna fúrú duma ḅụ.