Puu Findi 20:3 - Ibani New Testament

³ Sookumuḅọ ma o gbi pa sughu nyánágha póghóló kiri ma bie suam ori ikasii pịghị ọ gbẹpalị, sị ọmịnị ine jẹ́ pa oḅori pa sẹ ma sịbịgha ḅara; ákị muu kụ́rá mmẹẹ́ a ndẹ́ẹ oyia si findi ma kara sáá láa. Anịsáa nnị ọ fị́ma ḅẹm kálá satuo ḅụ.

Puu Findi 20:3 ပူးပေါင်းရင်းမြစ်များ

Matiu 24:24

Ḅẹẹ epele Krais na epele ikiakoroapụ págháḅobẹm sị opu ilíghíma na ḅụ́gbérépuma fịrịnwangị pa oḅori pa n sẹlẹakịapụ ma sị, ḅọ́rọ́ nnị ine bẹ.

Matiu 27:66

Nnị warị soo sị muu ibiḅara pa dupu ma kúru, nnị warị ilíghíma sua dapịrị ma ḅụ sị kúrúapụ ma wáriso n pa kúruarị.

Ibi Oku Ma Mak Anị Gịẹ Ḅara 4:15

Jẹapụ fịnị ḅara anịị asọogbo sóórókoro sịmgbọlụ fịnị ḅara; nnị oku ma náa gbẹ́rẹ́kirikiri, Satanị ḅom sị anị saghị akị.

Ibi Oku Ma Luk Anị Gịẹ Ḅara 8:31

Sitẹ́mẹ́ ma warị Jizọs tẹ́ghẹ̄ ḅẹ́ ori nde pa kunema nyanagha póghóló kiri bie suama.

2 Kọrịntịapụ 11:3

A ḅáláfa nyánam, ḅẹ́ ododó ma aka ḅara pa oḅori pa Ivu sị ḅara ọmịna kóróma gbisiribẹm ọmịna Krais ḅẹlẹma na pịghị ọmịnị ọ tẹ́ghẹ̄arị ḅara ḅụ.

2 Pita 3:8

Kụ́ma ị́yẹ́, ibi nangwọapụ, ọ mịị gbẹ́rẹ́nyẹ pa bieḅárámá ma: ḅẹ Tamuno tórúku gbẹ́rẹ́ éné sọ́ḅọ́rọ́ kụ́rá mmẹẹ́ andẹẹ́ oyia si findi, kụ́rá a mmẹẹ́ ndẹ́ẹ oyia si findi sọ́ḅọ́rọ́ gbẹ́rẹ́ éné.

Puu Findi 12:9

Opuma dụḅa ḅụọ nyáná ododó ma nnị anị gbi pághámam, anị olom kiri nwángị ododó ma ẹ́kpẹ́dua anịgha Satanị pa sịḅọ, oḅori pa tuminikiri mamgba sịḅọ. Nnị o gbi kórómam tuminikiri, ori na ori sookumuapụ.

Puu Findi 13:14

Anị oḅori pa tuminikiri ngáarịapụ mamgba siim anịị, nnị anị wáriso si anị nwángịarị ḅụ́gbérépuma fịrị ma gosi, parị ḅáláfama nama ma tórúku. O dugho n pịrịm ḅẹẹ nnị n tẹ́mẹ́nyẹ mịẹ sẹ maá, pa nyẹ láa ḅáláfama nama ma pa biekóróma bẹnyẹ mịẹ. Nnị áláápụ́-ágidi pa nyẹ́ pa anị lama nyẹ sị pa dumafịnị nyẹ.

Puu Findi 17:2

Tuminikiri ámányánáapụ árị na sẹfịmam, tuminikiriapụ ma pịghị árị amadọghụ iru ma ḅuu tọ́rụ́ḅámam.>>

Puu Findi 17:8

Ịrị arị ḅáláfama nama ma anị dumafịnị sáá imii, kụ́ma ḅọlọgha sáá ḅụ anị págháḅobẹm sughu nyanagha póghóló kiri ma ḅụ sị nnị anị guluguluma. Tuminikiri ngaapụ ma na nnị nna ẹrẹ gịẹghaapụ dumaapụ ma diri bie, anịị tuminikiri ma na saghịgha sa éné éné, n tọ́rụ́ bulubulubẹm nnị ḅáláfama nama ma arị sáá, tegó anị dumafịnị sáá imi: mị́sa anị mịnị dumagha kụ́ma anị pịghị sima págháḅobẹm.

Puu Findi 20:1

Anịsáa a sookumuḅọ arịm sobie sághị kóróḅoarịḅọ, ọ ḅárabie ori sughu nyánágha póghóló kiri ma igodo findinyẹ ọlọm na pịghị iku ikólina nyẹ.