Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Puu Findi 20:2 - Ibani New Testament

2 Ọ ḅụọ nyáná ódódó ma kuum, olom sáá ódódó ma anị́ị́ ẹ́kpẹ́dua ma anịgha Satanị. Warị ịkóli suanyẹ pa o sua, kụ́rá mmẹẹ́ a ndẹ́ẹ oyia si findi.

အခန်းကိုကြည့်ပါ။ ကော်ပီ




Puu Findi 20:2
31 ပူးပေါင်းရင်းမြစ်များ  

Pịghị warị warịsomáaḅọ gonyẹ́ gonyẹ́ anịgha mịná owiapụ anịgha ẹ́rẹ́mịnaapụ anịgha daapụ anịgha nyingiapụ anịgha awọ anịgha duakiri i sịbị gosi, sọ́nọ́a si kiri pa anị nẹ́ngị nyẹ nyánábẹm sị pịghị gbámásó duma nyánáḅobẹm.


Jẹapụ fịnị ḅara anịị asọogbo sóórókoro sịmgbọlụ fịnị ḅara; nnị oku ma náa gbẹ́rẹ́kirikiri, Satanị ḅom sị anị saghị akị.


Mị́sa anịị nnị mịị tuminikiri ḅụ ḅẹ́rẹ́kọ bẹnyẹ; mị́sa mịị tuminikiri táarịḅọ nnị o dee pághámabẹm.


pịghị ḅẹ́rẹ́kọ gbolomanyẹ, ọ mịẹbẹm sị tuminikiriapụ nimi ḅẹ́ nnị irimam, anịị tuminikiri ma táarịḅọ ma ḅẹ́rẹ́ ọ ḅara simam gosi.


Tamuno, wámịna diin ḅara saghị ḅoḅọ, ḅọlọgha sa Satanị nánga kọsịmabẹm ọmịna ḅụọ sughu. Wámịna Nyánáḅọ Jizọs Krais tọ́rụ́kụrụkụ́rụ́ ọ nana fịnịị.


Awọamaapụ ma, mẹnị na ọmbịnyẹ́, sua ḅara ma, Jizọs ḅoo n fịnị ḅara fịnịm pịghị nnị ojumẹnị sua ḅo sọ, ọ go mịma mịẹnyẹ, ori ọrẹ fịị ḅụ ḅọ́rọ́, ọ fịị kụrọ ma nyánáḅọ ma guluguluma bẹ ḅara anịị, Ẹ́kpẹ́dua ma,


Tẹ́lẹ́ma, ọ tọ́rụ́ findi warị! Ọmịna iruonaḅọ Ẹ́kpẹ́dua ma, ikelekelema ḅọ́rọ́arị o kuu kaa pẹẹ́ bẹḅọ dọghụarị.


Siinyẹ mịẹ sookumuapụ ma Tamuno nnị warisogha, ori nnị pa ẹ́kpẹ́duaama fịrịmam, ịkóli suanyẹ na n ḅara na pa kánákáná póghóló kiribie gbii ḅẹ́rẹ́kọọ éné ma kúruarị.


Ọmịnị sookumuapụ ma pa biekóróma, mịnị nna ḅụ pa nna kụrọ láa kunema angaá ḅụ warighaapụ, kụ́ma nna fịnị yọ warisom: n gbámásó ịkóli pa n suamam sughubie fịnị kánákáná ma bie, Tamuno n pa warị pa anị opu éné ma kúru nna ḅẹ́rẹ́kọ éné nnị n guluguluma bẹ sáá.


Ḅụọ nyáná ododó ma árị́ḅoo sáá ḅẹẹ nnị anị gbi pa tuminikiri pịrịmam, ọ warị sághị owitụ́wọ yii ọ́rụ́ḅọ ma dua.


Anịsáa ḅụọ nyáná ododó ma warị ọ bịpịbie opu mingi ọsụ pághámaḅo opu mingi ma a dighiákị bẹ ḅara.


Ḅụọ nyáná ododó ma warị ḅoo opuma bieoḅu ọ́rụ́ḅọ ma pịrị warị pịghị sị sághị owu pa a furobie págháḅoapụ mamgba págháma, Tamuno ólóghó kokoarịapụ mamgba pịghị karakárá ma ḅụ sẹ kụrọ Jizọs dugho págháma nyẹ ma pịrịapụ.


Jẹ́ ḅụ́gbérépuma ilíghíma anị ḅụ diem sobie gbẹ́rẹ́ opuma dụḅa áwụ bia sị ḅụọ nyáná ododó imii, anị sọ́nọ́ma sịbị nyánam na oyia ikpangi na pịghị sọ́nọ́ma ogunu nyánam anị sịbị ọ́gọ́nọ.


Sobie fịnị ḅálōló pa tẹ́rẹ́ angaá die anị ótume gbẹ́rẹ́ angaá nụ́nụ́ ákịm warị n pa tuminikiri gbii. Ḅụọ nyáná ododó ma yii ọlọ ọ́rụ́ḅọ ma tórúku sẹm sị ori tụwọ ma pẹẹ́ bẹ ḅara árị anị yii gbẹ́rẹ́kiri.


Opuma dụḅa ḅụọ nyáná ododó ma nnị anị gbi pághámam, anị olom kiri nwángị ododó ma ẹ́kpẹ́dua anịgha Satanị pa sịḅọ, oḅori pa tuminikiri mamgba sịḅọ. Nnị o gbi kórómam tuminikiri, ori na ori sookumuapụ.


Mịị ḅáláfama nama ma anị sị́rị kịkam, anị ḅụọ bear pa si nama ḅụọ kịkam anị bịpị ọkụ nama bịpị kịkam. Ḅụọ nyáná ododó ma anị ịnyọ na anị imine na anị mánámāná kụrọ pa ḅáláfama nama ma pịrịm.


Kị́nị́mamgba susi ḅụọ nyáná ododó ma pịrịm tegó ori ọrẹ kụrọ pa ḅáláfama nama ma pịrịmam gosi. Nnị sọ pịghị susi ḅáláfama nama ma pịrịm, dughoarị ḅẹẹ, <>


Anịsáa oḅori pa n sị ẹ́kpẹ́dua ma nnị ọ pa ọpọlịḅuruma pa dọghụarị kọrịfịnị ésiḅe bie gbi suam, n ḅáláfama nama ma na iruo ikiakoroapụ ma gbi suamaa ngaa, nnị n pa tọ́rụ́siarịmabẹm dii na ḅáa na ákị muu ḅẹsá ḅẹsá láa.


Kụ́rá a ndẹ́ẹ oyia si findi ma ḅọ́rọ́fáma sáá, nnị Satanị ma fímabẹm ori ikóliwarịbie,


Nnị ámányánáḅọ nyánam n táarịḅọ, anịị sughu nyanagha póghóló kiri ma didighiarịḅọ. Ori ẹ́rẹ́ Hiburu ẹ́gẹ́rẹ́ ḅụ anịị Abadon: Giriki ḅụ ori ẹrẹ anịị Apoliyọn dughoarị nyẹ bẹ ori, <>


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ