Puu Findi 20:13 - Ibani New Testament

¹³ Anịsáa tọ́rụ́ ma anị bie fịnị fịịapụ mamgba pághámaḅom, fịị na duaama nna bie fịnị fịịapụ mamgba pághámaḅom. Nnị nnị kị́nị́mamgba sịbị ḅẹ́rẹ́kọm nnị mịẹ maá nyẹ ḅụ ḅọ́rọ́.

Puu Findi 20:13 ပူးပေါင်းရင်းမြစ်များ

Matiu 11:23

Pịghị ịrị Kapanọm nnị ị dighi sóghóloma muu so láa bẹ? Ọkọ fịnịgha, ị téré kóró ẹ́kpẹ́duaama muubẹm. Ḅọ́rọ́ nnị ị bie nwángị ḅụ́gbérépuma fịrị ma nnị anị nwángịm Sodom ḅụ, Sodom mị́sa sọ pa imibẹm.

Matiu 16:27

Ḅẹẹ, Tumḅọ yii Tụwọ ma ọ ḅobẹm ọ Daa ma ipine ḅụ na ori sookumuapụ na, anịsáa ori ọ́rụ́ḅọ ọ́rụ́ḅọ gbẹ́bẹm n ḅo nwángịmáa fịrị láa ḅara ḅụ.

1 Kọrịntịapụ 15:26

Kunema n guluguluma bẹ iruonaḅọ anịị fịị.

Puu Findi 1:18

Irịị anịị duma fịnịḅọ ma! A fịị sáá imii, kụ́ma mị́sa a duma muu ḅẹsá ḅẹsá lam. A kụ́rọ nyáná ḅo fịị pịrịm na fịịmaapụ ma tuminikiri.

Puu Findi 2:23

A pịghị árị awọ ḅaabẹm, anịsáa sọsị mamgba minibẹm ḅẹẹ ịrị anịị kị́nị́mamgba kóróma na n biiarị nyẹ nimiḅọ. A pịghị ọ́rụ́ḅọ ọ́rụ́ḅọ gbẹ́bẹm n ḅo fịrị ḅara láa ḅara.

Puu Findi 20:12

A pịghị fịịapụ ma arịm, duḅaapụ na káláapụ na sẹ́fịnịarị imine ma tórúku. Nnị tọgha diri findim anịsáa n pịghị jẹ́ diri findim, duma diri. Fịịapụ ma nnị n sịbị ḅẹ́rẹ́kọm n mịẹmáa nyẹ ḅụ ḅọ́rọ́ diri mamgbabie n gịẹ kóróma ḅara.

Puu Findi 20:14

Anịsáa fịị na duaama ma nnị n gbi pa kọrịfịnị ésiḅe ma ḅụ gbi suam (Mịị kọrịfịnị ésiḅe ma anịị mmẹẹ́ kárámá fịị ma).

Puu Findi 21:4

Ori owu mingi mamgba sibẹm nna tọ́rụ́ ḅụ. Fịị mịnị oforibịgha, dụadú mịnị oforibịgha, owu anịgha akụ́ụ mịnị oforibịgha. Olom sáá nyẹ ma ẹmẹẹ́famam.>>

Puu Findi 6:8

A dighim warị oju fọọ bia ḅara pa bia ásụ arịị! Anị dọghụarị ḅọ ẹrẹ anịị Fịị, Duaama kikiama ori ọḅụju o duarịḅọ. Nnị tuminikiri ma pa ínia ngaa diem sị kụrọ pa n pịrị n ḅẹẹ n gbẹ́rẹ́ angaá nnị áláápụ́-ágidi, ḅuruḅa, obikpo na pịghị tuminikiri pirinama pa túminị́ ḅáa.